[同人系列]新泥漿俠: 第七章:心聲
「佢好多野都唔同我講,真係好難搞……」我皺住眉頭道。
「你係度咿咿呀呀做乜野?」Chole突然出嚟,嚇左我一跳。
「工作上有啲野煩緊咁解……」我道。
「我知道喇,係唔係波比做啲乜野,激親左你?」Chole問。
「可以咁講啦,但講俾你聽唔知係唔係好事……」我猶豫咗。
「你唔講出嚟,煩惱係唔會解決架……」Chole語氣認真。
「你啱嘅。」我深呼吸一口氣,「其實係最近好多後生仔吸毒,全部都係波比搞出嚟嘅。我想阻止佢,只係阻止唔到……」
「我都估到係佢做。你講左出嚟,就證明呢個係事實。」Chole點點頭,「反正今日要去你屋企痴餐,呢啲野可以問下你屋企人。我嘅建議,最好係離開波比呢條友,佢應該係好危險。」
「錯了。我走左就無人會查到波比啲野。」我眼神堅定。
「呢啲野本來係警察做嘅,但係佢地又無辦法。不過你咁做,真係好偉大呀。」Chole第一次咁樣讚我,我唔禁面紅左。
---
無野係解決唔到,最緊要係有辦法。
於是今日提前番屋企。老媽絕對唔會令我失望,佢煮左成檯餸出嚟——有雞、有魚、有湯,真係三餸一湯,白飯任裝。
講真,豐富有過出面食。出面食一餐,分分鐘超支。
「Mum,啲餸簡直色香味俱全。」我笑住準備碗筷。
「今日得我哋三個人食飯呀……老豆唔番呀。」老媽道。
「老豆又去左蒼海博士個度呀?」我問。
「係呀,又唔知搞咩研究……」老媽語氣帶點無奈。
今晚我無講到波比嘅事。或者講起蒼海博士,我又有一啲諗法——例如,用下佢嘅研究物,查下波比嘅工廠位置……
「Mum,食飯喇。」
飯食到一半,老媽總會問到我哋嘅感情狀況。我忍唔住噴左飯出嚟——呢啲老土劇情,真係唔想繼續。
「呢啲野,未有咁快呀……伯母。」Chole打圓場。
但 Chole 係唔係有咩特別意思呢?定係隨便講句野定住我老媽就算?
老實講,我哋拖都未拍,點解可以結婚?
「十劃都未有一撇?」老媽笑道,「緊係啦,十劃多左一撇都唔知咩字。」
老媽有時都幾風趣幽默,令到 Chole 好開心。相反,Chole 屋企人就比較正經,仲諗住搞個相睇。
Chole 本應係反對,始終係屋企人,佢好難抗拒得到。至少,佢都睇下屋企人介紹嘅係咩人。
一次兩次都無個係正常——樣太老、有錢但係生活麻煩,點都會有笑柄。第二次更差,態度唔好又鍾意搞小動作……
卒之,無幾耐之後,Chole 屋企人又幫佢搞相睇。
一次唔願,第二次就唔想再去。第三次,就搵我去見佢地屋企人……
Chole 屋企人知道個女唔願意去相睇,又硬頸,但一樣照搞。原因好簡單——佢地知道個女痴埋我度,一啲都唔好。
我無錢咩?又唔可以咁講。我係波比打工,人工比一般打工仔高 2 至 3 倍。我樣唔靚咩?我有個端正嘅樣,最重要係仲後生,唔係七老八十呀嘛。
我同 Chole 做左咁耐好朋友,簡直係生死之交。仲要逼 Chole 相睇,實在太傷心。
Chole 嘅父母嫌我太細、未成熟咁解。我覺得有啲野仲未係時候講出嚟。
不過今次係「標青同有為」嘅少年,佢係做律師樓嘅師爺。
我從來都唔會向其他人嘈交,由其係同佢屋企人駁嘴。一定會令佢屋企人同我唔高興,話哂都要成日見,咁樣好無意思。
Chole話講呢個世代要自由戀愛,佢希望可以自己解決。