［同人系列］新泥漿俠: 第十二章：變身

班爛嘅 Chole，越睇越靚。我約咗佢出嚟食飯，順便講呢個好消息俾佢知。

「你用咗臭彈，有無冲涼架？」Chole雙手捂住個鼻。

「我用咗臭彈姐，我自己都冇影響，唔駛捂住個鼻嘅……」我唯有盡量去解釋。

「咁都好啲，仲以為會變成臭小子……」Chole笑道。

而家唔係臭小子喇，不過佢開心番就好咗，我亦都開心番。





「所以呢件事我一定要同你講，話哂我第一次變身，救咗個無辜市民……」我道。

「新聞都有報呀……仲話係個匿名人，點會估到匿埋名人就係你。」Chole真係完全相信，我講嘅一切佢都信。

「點都好，慶祝你嘅第一次……」Chole道。

竟然有女仔請我食野，真係開心都嚟唔切。咁大個人都試過有人請，更何況係女仔？我請女仔都有……

Chole帶咗我去一間另類嘅餐廳。





Chole想我克服佢。

Chole知道呢間餐廳嘅主題我唔鍾意食，佢係專登咁做。

Chole鍾意食就得啦，我為咗佢，我會改變。

餐廳主打係酸菜魚。其實酸菜魚好好食架，係我唔識欣賞咁解……

「你要克服佢。」Chole道。





入到去就已經聞到濃烈嘅酸菜魚陣味。的確有幾多人食，仲坐爆哂。但我仲未係好接受到呢陣味，等我習慣吓先。

「為咗你，我會習慣佢。」我道。

「請問幾位呀？」有店員循例問我哋。

跟住就帶咗我哋入去山旯旮位置。好好彩，係一千零一個位。

都係食野又唔係食景，是但啦。雖然望住個靚景會好啲……

坐低落去，餐牌都未望，Chole就隨便同店員講點咗兩份酸菜魚湯麵。畢竟係佢請，佢話事啦。

「睇嚟你成日嚟食呢度嘅酸菜魚……」我道。

「梗係啦……我以前返學都成日食，到而家都仲未執，真係好開心。我都幾個月無食啦，而家就帶咗你嚟食喇。」Chole道。





「你講起又聽你提起過你鍾意食。」

我都有野唔記得咗。

「唔記得咗都唔緊要啦，又唔係咩重要野。最緊要令你愛上酸菜魚。」Chole道。

我只可以講，一時三刻無可能習慣陣味……

講下講下，兩碗麵緩緩遞上。聞起嚟都香味四溢，食起嚟就差好遠。真係咳咗幾下。

「唔掂……我要水……」

飲完水之後，我繼續慢慢食，慢慢嗒真啲陣味。由咳哂啲麵出嚟，到而家食到落口。到最後，成碗麵都食清光。





唔講得笑，我好佩服自己嘅毅力。

「犀利，咁快就可以克服到，我都做唔到……」Chole都大讚我。

「要克服討厭嘅野，真係需要無比嘅勇氣。」

Chole似係玩緊我多過真係想我去克服酸菜魚。

不過睇見啲人都食得津津有味，就知道呢間餐廳應該唔係惹少。

克服酸菜魚本應比其他困難嘅事更難。而家連討厭嘅野都可以克服，之後嘅事就唔使驚喇……

至少證明，我比之前更勇敢、更堅強。呢啲係唔係因為做咗英雄之後有所改變？我諗係掛……

因為我嘅討厭事第一位，就係食酸菜魚……