[同人系列]新泥漿俠: 第十五章:驚變
終於到咗波比要同大毒梟阿布拉交易嘅地方。原來除左城市嘅人,阿布拉仲供應毒品俾其他國家或者城市,佢想將生意擴展至成個世界。但係毒品生意做到咁張揚,警察竟然一啲都查唔到,真係有無搞錯?
我真係好影相收集證據。
喺波比離開後,我同波比講我有要事在身,先行離開一陣。等阿布拉自己去檢查啲毒品個一刻,我就影佢相,再Send去警察局。成件事掂哂。
「你要離開一陣呀?隨便你,咁你自己番去啦……」波比連同其他馬仔離開現場。我一個人就走左另一條路,亦無俾波比懷疑我。
行途中,我仲見到兩個熟口熟面嘅人——就係之前俾我用臭彈打中嘅朋友。點解佢哋又會喺呢度出現呢……
「屌你老母……臭左我地三日呀……郁佢……」
「有事慢慢講……」我退後一步。
「我好冷靜,我要屌7你……」受慣佢地開口埋口都係粗口。佢地兩個一齊出手,雙雙進擊,身手極快。我瞬間避開左,佢哋向前一傾,差啲就跌落地。
我用拳術加以還擊,兩個人俾我操控住,完全無辦法還手。
「呢個人除左臭彈,勁撚左咁多嘅……」
「駛唔駛徹退?」
「徹佢老尾!打啦!仆街,咁都驚,唔撚做男人喇……」
兩個人從來都唔係懦弱之輩,仲好有鬥志。我真係欣賞佢地嘅勇氣。但係,如果佢哋唔死,一定會向波比供出我嘅身份。呢件事,我點都唔會容許發生……
「仆街……還擊啦!」
「好……」
佢地一個左邊一拳,一個右邊一拳。我都可以輕易縮開,仲差啲搞到佢哋打中對方。一拳出,力大如石,如果真係打中,真係要入醫院先至有得醫。只係佢哋太過魯莽,起勢咁打,唔理後果,不惜一切……
兩個衝直撞嘅猛漢,我用雙掌將佢哋左右手接住,再大力一扭。
「……」
「臭……」
又要臭左三日了,朋友……
「頂唔住……」兩位朋友終於被臭死。真真正正死左。
我第一次殺左人呀……個心有啲驚恐。我咁大個大都未殺人架。如果可以,就咁放係度就好。不過我無再怯懦,要追阿布拉先得。但係打佢哋嘅時候,已經唔知阿布拉去咗邊。對我嚟講,係一種疑惑。
行下行下,唔知唔覺走入咗一間廢屋。我聽到入面有幾把人聲,有人係度嘈交。
我一手推開廢屋道門,就見到阿布拉坐係度。
「大毒梟……」
「有咩指教?捉住呢個毛小子……」阿布拉命令佢啲馬仔捉住我。我及時變到身,將佢地個個都整臭哂。
「喂……小心我啲毒品呀,好貴架……」
阿布拉太過緊張啲毒品。我乾脆噴向毒品個方向,起碼令啲毒品報銷,佢地都賣唔出去。
「做咩要在意毒品呀,朋友?你要落腳都唔好係咁近嘅地方落腳啦……」
我講完之後,有人向天花板開槍,槍聲極響亮。
「束手就擒啦,毛小子……」把槍指向我。
我仲以為有警察嚟到,原來只係虛驚一場……
我要搞清楚一點——我個裝置係唔識擋子彈嘅。即係中槍,我會死……