[同人系列]新泥漿俠: 第十四章 :密謀
師爺話想同我做Gym。雖然我無做過Gym嘅習慣,但係做Gym真係可以增強自己。
師爺平時都有做Gym,又話好忙,但又可以抽時間做,時間一定配合得好好。
佢問左啲關於我同Chole嘅事,包括佢想知又唔知Chole嘅秘密。
「去玩跑步機,慢慢嚟,就得架喇……」師爺將部機調到超慢。
「你有咩想問?」我問。
「你同Chole係唔係識左好耐?」師爺道。
「做咩咁問?」我反問。
「問多啲關於你同Chole嘅野囉,你講多啲我知OK?」師爺繼續。
「都算係識左好耐,大概中學到而家啦……」我答。
「唔怪得佢會包容你嘅脾氣同性格啦……」師爺若有所思。
「你係咪想追佢?」我直接問。
「你點解會知道我想追佢架……」師爺尷尬咁笑。
「你咁問得,都係想咁做。你不外乎想問佢鍾意食啲咩、平時鍾意做啲咩、鍾意啲咩性格嘅男人咁……」我一語拆穿。
「咁就得啦,有你就放心哂,我一定會追到佢嘅……」師爺自信滿滿。
「聽講佢有男朋友了……」我試探。
「唔好傻啦,如果佢有男朋友,做咩要相睇?」師爺反駁。
「其實係佢屋企人唔鍾意現任新男友,所以先繼續搞相睇姐……」我道。
「咁熟嘅?連呢啲都知得一清二楚……」師爺開始懷疑我同Chole嘅關係。
「我地係兄弟嚟架嘛,佢嘅野我梗係知道啦……」我解釋。
「點都好,我實會追到佢番嚟,我有信心踢佢男朋友出局……」師爺語氣愈來愈強硬。
又話想識朋友,而家直頭撬埋人哋長腳,真係過份。
「你咁做有咩意思?你當初唔係淨係識朋友咩?做咩而家要追人地?」我忍不住。
「戀愛嘅野話嚟就嚟架啦,我都擋唔到。以我嘅實力,我要踢走佢現任有幾難……」師爺道。
我左手慢慢放入褲袋,慢慢拎出電話錄音,因為唔可以俾師爺知道,我點都要小心進行……
「我再問一次,你真係想追Chole?」我壓低聲線。
「係呀,我仲要踢走埋佢現任男朋友,我一定會追到Chole,唔會輸俾佢現任……」師爺眼神閃爍。
淨係呢兩段錄音,夠哂。得佢知道下呢個男人都係卑鄙小人。仲話咩戀愛嘅野抵擋唔住,佢嘅個樣一刻出賣左佢。睇佢堂眉都知佢係咸濕,因為眉實在太粗。
「你打算點追Chole?」我再問。
「緊係從佢生活入手,鍾意做啲咩、鍾意食啲咩,所以我咪搵你囉……」師爺道。
搵我就會講架咩……
我唔想同師爺講關於Chole嘅事,呢啲人渣。不過佢又未對Chole做過啲咩,或者真係Chole好好都唔出奇,但係背信自己就唔得。一個講大話嘅人,己經唔係Chole鍾意嘅人。
我同師爺都唔係識左好耐,約出嚟食飯都比較少。我仲以為可以強身健體,似乎打佢先可以強身健體……
「老實講,我唔想幫你……」我表明立場。
「點解呀?我會對佢好好架……」師爺急問。
「你背信左誠信,Chole都唔會鍾意嘅……」我道。
「我會補償番俾佢架,放心啦……」師爺道。
「唔需要啦……佢一定唔會鍾意……」我斬釘截鐵。
「你唔講俾佢嘅野,我就緊係無機會啦。你肯講嘅話,我會有方法追到佢……」師爺繼續遊說。
明明Chole唔鍾意呢啲性格做另一半,佢唔會因為一句對唔起就背信自己嘅原則……
「如果真係鍾意Chole,就用自己方式去追佢。我唔想幫你,費時佢又誤會我……」我道。
表明好清楚:自己女仔自己追,你親手追到我無話可說。但要靠人地先可以追到,即係自己無料無真本事。
「你咁講都得,我可以證明自己係真男人,憑實力去追自己鍾意嘅人。」師爺停低跑步,向我握緊雙手,然後走咗去。
所以今日就得我自己一個係度做Gym……唔緊要啦,本來都想做Gym鍛鍊身體。我無同師爺講再見,因為我唔鍾意佢。
估唔到我鍾意嘅人,呢一日開始有競爭對手。對手仲要一啲都唔弱,佢係師爺,口才比我還要好。如果我唔係英雄,我真係唔夠佢嚟……
煩緊波比犯罪嘅野,而家又多一樣搞到我。本來條路係直都變成彎彎曲曲……
「你口中所講女仔有男朋友,個男朋友應該係你……」隔籬玩緊機嘅朋友原來一直偷聽。
「連你都知道……咩真係咁明顯咩?」我尷尬。
「緊係啦,你眼神帶有少少恐懼,因為驚佢真係會搶走你條女。你個表情出哂嚟……」朋友笑住講。
「知唔知你偷聽人地講野係好無品架……」我道。
「你地講到咁大聲,我好難想唔到……」朋友繼續腳唔停步。
連路人都咁講,睇嚟錄音要俾Chole知道,睇下佢嘅反應點……希望Chole聽完之後會離開師爺啦……
我跑左一陣,攰得滯,又坐左一陣,跟住又玩拉筋。今日真係攰,都係值得嘅。之後我一定會再嚟,話哂要練必殺技。我點都要強身健體,如果唔係點練必殺技,越大啲壞人先會驚青。
做完Gym真係好熱,熱到成身汗。我係更衣室沖左靚涼,連變身裝置都隨身帶住,我又點會俾人偷走咁重要嘅野……
到走嘅時候,啱啱跑步嘅條友向我道別同加油。我心諗:呢個世界真多奇奇怪怪嘅人,人地嘅事都有空閒理……
好開心,師爺無第一時間搵Chole。都話佢好忙,連自己時間都無,點追Chole?無安全感,無時間陪自己嘅男友,要嚟俾咩?值得咩?
最值得一提係,佢講話自己係A0,我唔信佢係未拍拖。但而家做左師爺話忙就唔出奇……
「……」
就係門口就開始神不守舍。
愛情根本就係魔術,佢會喺你出其不意嗰陣攻擊你,你係擋都擋唔住嘅。
我相信我嘅神不守舍好快會消失……
回家路上,我呆企係將檯度,望住窗外嘅風景,仲要連過左站自己都唔知。其實師爺都未追到,我緊張啲乜……
「我嘅神態唔多好,今晚都係早啲休息好啲……」
我講得啱,一訓醒,咩精神都會好番哂……