［同人系列］新泥漿俠: 結局：對決
「發...」我冷哼一聲，
「唔嚟搵佢，佢都會搵我。董事會班人心狠手辣，想殺左我同啲馬仔都想殺我地。生意係點一啲都唔重要，公司天台一大班董事會大駕光臨...全部都係老屎忽嚟！」
老屎忽真係唔可以睇少，個個都好似有備而來，
「行屍走肉咁多年，係時候嚟個了斷...」
董事會其中一個點住煙，全部人都聽到天台有聲，仲唔走上去睇咩？就算係我，我都好少見到佢地。我通常都覺得董事會都係比意見，唔駛做野，錢照收，態度照舊。仲有一架殘存嘅直昇機，點解要搞到咁大陣仗？搞咁多野都載唔到十個人。
「你地都上哂嚟喇...」
「搞到咁大陣容我地仲唔上嚟恭候你地？」我冷笑。
「你條友仔，做咩打爛部電視...？」董事會阿健第一個發火。
「有咩問題呀？你地咁無理取鬧，當下叫我搵咩泥漿俠...」
我同佢地理論都係多餘嘅。佢地又點會想放棄我地？馬灣呢個城市都無理公理，警察廢物成咁...
「我喺無耐之前整左一個偉大殲滅者，恭候緊泥漿俠。我點都要佢出嚟受死...」阿健講嘅野，所謂殲滅者又係新花臣，搞到城市立立亂，真係唔可以容忍。
「受死啦...」我再一次變身，泥漿俠，不惜一切。
「大家快啲走呀..」毫無認知嘅英雄終於都公諸於世，每個人都急急腳由天台落去。
「泥漿俠？久仰大名喎...」阿偉好似唔驚我咁，因為佢哋手上有一樣最強武器——水槍。個個隻手都戴住手槍，準備攻擊我。
「小朋友...」泥漿最怕就係水。我先前都無諗過，又話咩殲滅者？講緊自己呀？
「臭彈99！」
「呯...」
「竟然仲有強化臭彈？豈有此理..」
董事會阿凱突然成個身都係泥漿，都崩潰。我有臭彈99，你支水槍抵擋到我嘅泥漿咩？唔好引我笑。
「你地講..咩鬼野殲滅者係邊度？」
我走向前問道。
「咳...」
阿健啖左幾啖痰出嚟，不過佢成塊面都係泥漿，都頂唔順。
「你好想知咩？我偏唔講。我地走...」
董事會竟然想做縮頭烏龜。走？我無追擊能力，只可以用臭彈攻擊佢架直昇機，起碼有啲用處嘅。之後佢地越飛越快，離開左大廈。
我落到去辦公室之處，見到我，向我致敬，有啲仲拍手掌。知道我係一位偉大英雄之後，仲唔嚟羨慕我？同時又追我上面點，做咩唔追埋落去？
「有啲事我需要處理...」我道。
我單聲完佢地之後就離開公司。今次唔搵警察唔得，因為佢地講嘅殲滅者我唔知係咩嚟，亦都唔知隻野會唔會對馬灣有咩危險。
真係想講粗口，竟然搞到好似怪獸片一樣。我要警察去搵董事會班人，多個人幫手都好啲。我自己一個搵實在都唔知邊度搵。警署。
「呢位先生，有咩幫到你呢？」警察永遠親切有禮問候。
「我想報案嘅...」事態嚴重，我被帶入去口供室之處。
「你坐低先，我而家幫你落口供...」
警察準備好一張紙同一支筆，落低我嘅口供。我照事實完整講一次，乜鬼野董事會仲有殲滅者，講出嚟都無人信。我仲同佢講我係泥漿俠。警察聽完咁荒謬嘅事之後，佢唔係叫我走，佢係接納我。因為警察都有買蒼海博士微型昆蟲，阿茲。原來對佢地嚟講好有用。佢信嘅唔係我講嘅荒謬嘅事，信嘅係我講蒼海博士實驗品嘅事。蒼海博士所做嘅實驗品，都幾古靈精怪，估唔到。警署突然陣容龐盛，警長都嚟埋度指揮。佢地加大同僚去搜索一架佔有可疑嘅直昇機。搵到董事會班人就會搵到佢地所講嘅殲滅者。
「事情發展得比我諗像中順利，真係開心。我都唔可以鬆懈...」我道。
「小伙子，你就係英雄...」警長向我問話。
「係...」我向警長散禮。
「真係英雄出少年。你知唔知點解我地信你所講嘅野？」
「因為蒼海博士？」
「唔係...係因為城市無緣無故出現落泥雨，有少量市民。咁我地一定會做野。係我地諗唔明白嘅時候你就出現，咁樣成件事就通哂喇...」
又係喎，我噴左啲泥漿落直昇機度，原來飛行嘅時候會跌落地面。聽佢咁講，董事會班人會唔會就係城市入面？
「報告！警長，我地搵到涉事嘅直昇機...」一位警察打亂左我同警長嘅對話。
「做得好！準備行動，準備拉佢地...」
「需唔需要準備精銳部隊..？」
「需要佢地做後備，有咩時殺死佢地...」
到左案發現場，見到一架充滿泥漿嘅直昇機。我仲隱約見到Chole...佢嚟做咩啊？呢度應該好危險。我走左埋佢身邊。
「Chole？」
「呢度搞咩呀？咁大陣仗嘅，捉大賊呀？」
「係呀，呢度有啲危險，你離開暫避先...」
我講完之後，地上出現小型地震，裂開成一個大圈子，出現一個人——機械人？佢就係殲滅者！警察們見狀，全部向後。殲滅者向天飛上，躍起，使我大為震驚。但令我喜出望外嘅係...
「Chole...」呢把熟悉嘅聲音係...師爺？竟然係師爺係殲滅者套戰甲入面！
「我嚟報復你...」
「我唔鍾意你，所以你要嚟搞我？」
「無錯！你所講嘅男朋友經過查實，無咁嘅事。應該係你身邊嘅垃圾英雄，泥漿俠，係唔係？」
師爺睇穿左Chole嘅謊言。
「佢嘅嘅野...？」我望向Chole。
「對唔住，Golden。我講左個大話...」
Chole忍唔住喊。
「傻女唔駛喊。講左我會保護你，我應承你嘅野我會做。唔駛驚，我嚟對付佢...」
佢嘅盔甲令我有想打死佢嘅念頭。
「你幾時有講過呢番說話...？」
Chole開始放低淚痕。
「係發夢個陣...」
我講完之後變身就飛左上去佢身邊。警察隊同警長都係第一次見到神奇嘅對戰。
呢件事，應該由我去終結。我叫左警察佢地去搵董事會。至於殲滅者，由我嚟對付。
「應該係終極一戰...」師爺笑道。
「你副爛鬼盔甲，可謂垃圾。點同我鬥呀...我副戰甲，全鈦金屬所組成，係唔怕你嘅泥漿...」
姐係話，董事會一定一早知道泥漿俠嘅存在。如果唔係點整呢個殲滅者出嚟？
「又係叫殲滅者，聽到聽到厭...」
我唔打算臭彈同佢攻迎擊。我覺得應該無咩作用。直接單刀直入，唔料佢竟然可以係佢身後變出一支武器出嚟，真係卑鄙！我無武器，佢竟然有。只係我大頭蝦姐。武器嘅野早就可以搵蒼海博士整出嚟。點不知蒼海博士又係附近經過，向我掉出一把劍。
「博士，你又搞咩呀...」「睇住呀，細路...」師爺埋嚟攞把刀斬我。我及時接住博士嘅劍擋住師爺嘅攻擊。
大佬呀，而家真係越嚟越似英雄片。本身就係英雄片，係咪都要打交？佢仲不斷起勢斬我，打我到一仆一碌。佢係鈦金屬，我個把係博士研究出嚟嘅廢劍。唔可以咁講，博士望住好嬲架。
我係咁起勢亂飛劍，我做過Gym，但自問唔勁。仲要一日咁大把，我又無打過拳。佢嘅攻擊我鬼避到咩？好快就俾佢打半條人命...
警察們精銳部隊見到我打到半生半死，好想出嚟幫手。我係垂死掙扎嘅情況下叫停左佢地。
「唔好出嚟，呢件事係我同我私人恩怨。我想自己了結佢...」
佢地的確有猶豫左少少，最後選擇左退後。
「好大個膽子，竟然唔怕死..」
無可否認師爺套甲真係比我強。
「咁又點？我會死守最後一刻...」
我從不放棄去保Chole。我要證明我可以保護到佢。「我佩服你嘅勇氣，不過你都要死...」
師爺己經持劍預備。「無論點都好，都要試下臭彈99。」臭彈係最強嘅。佢著住鈦金屬姐，佢都要透明。因為佢幾強都好，都係一副人製盔甲。
「臭...」我左閃右避，左穿右插，係師爺唯一嘅透氣位發放臭彈。
「哇..救命呀...」
佢成個盔甲都臭氣冲天，佢係入面仲唔死。
「其他人有無事呀...？」我解開左戰甲。因為我見到董事會班人比警察拉左出嚟。新聞各界全媒都埋嚟係咁影相，影呢班胡作非為嘅董事會，仲有影埋我。唔該記者們影得靚仔啲呀...我唔知醜字點寫。我認我開始唔怕羞，因為我開始長大了。我終於由一個垃圾到而家一夜成名。
緊係啦！我從來都無同人講我係泥漿俠，不過講左都無咩人信。就算變左身，人地都覺得我係垃圾。不過係Chole眼中，我己經唔係一個垃圾。我係一個保護到佢嘅男人。
師爺都死埋。無人可以搞到我地，無人可以拆散我地。包括Chole父母。
不過咁講，佢父母唔同意都好，我唔會唔理佢地。我仲要得到佢地認同。係呀，為左Chole不惜一切。拋身出去，愛佢就不理任何險阻。同佢爬到最後，先係真愛。呢個真理會記係我心裡面...
（新泥漿俠 完）