［同人系列］新泥漿俠: 第二十章：地裂
《地裂》
子母公司大廈，波比又打算搞新計劃。我最唔明嘅係佢啲人手係邊度嚟，成日越搞越大。我好想將佢個竇變成一個臭竇，唔臭唔得。就咁茂茂然做，引起佢戒心，到時食蕉嚟到我只會有危險。
「波比，你真係唔打算將道門開左佢？」我問。
「點解我要開左道門佢？有咩意義？你入去會死架喎...」波比冷笑。
「有防毒口罩架嘛，我都係半個毒品生意，我都有啲野點運作...」我道。
「你講得啱。而家有啲生意你睇住，入面係點樣你知道都好嘅，唔駛你又心掛掛...」波比道。
我地預先戴上防毒口罩、眼罩、手套。入面係十級禁地，我都係第一次經歷，但我係英雄，就唔怕呢種禁地。正如我所料，入面都係有機器，睇落唔多似用嚟整毒品。
至於機器係用嚟做啲咩，我就唔清楚，亦都無追問落去。仲有一個大倉庫，入面有種大麻。
「呢度真係五臟俱全...」我道。
「緊係，呢度無一級先進設備都做唔到呢個生意。」波比當堂大笑。
「之後你打算點做呀？」
我發現到佢嘅內心非常邪惡。
「東南亞城市需要佢，我會擴展至呢盤生意。」波比開心完一輪，又補充：「仲有，我仲未搵到臭小子，我要你幫我繼續搵佢出嚟。」
「點解仲要搵佢？」
「點解你會覺得我放棄左？我呢世係唔會放棄搵佢嘅，我要親手折磨佢到死。」
「折磨到死好似誇張左啲...」
「一啲都唔誇張！佢搞到我臭足三日，我係唔會俾佢好過...」波比都係一意孤行，我同佢講落去都無意思。
突然之間，出口道門「轟隆」落下，聲響貫徹整個封閉室。呢種情況係呢度係未遇過嘅，令到大家都受驚一陣。
「呯...呯...」檯凳都開始震緊。
「好似有啲唔對路...」
波比心知不妙，小意外變成地震
。「呢幢建築物本身都有啲結構問題，而家再嚟天然災害就擋唔到...」
啲實驗員走哂過去溫室之處，檢查大麻花有無異常。
「咩都唔緊要，最緊要係啲錢，大麻花一定要拎走...」
「咁多，想打算點拎走呀...？」搞搞下變地震，仲諗住而家就出手。可能波比做左好多壞事，天都睇唔過眼。當初知道有個竇係度，仲話搵警察處理。而家震盪成咁，我相信新聞就會報。
「唔駛攞走喇，消滅啲大麻啦...」我道。
「點解要咁做？地震姐，好快就無事...」波比道。
「咁嘅地震，新聞一定會報。呢幢大廈結構有問題，到時查到上嚟...」
「你啱。」波比點頭，「可以講俾我呢度係邊度？」
「呢度係華美Z大廈。」
「犯罪集團華美Z大廈係外界高度關注嘅事，連警察都一直查緊，只係查唔到啲咩。」
唔怪得佢一直唔同我講呢度係邊度。但我遲早都要知道。我唔叫警察嘅主要原因，我想自己搞點呢個不份法子。我要做正義嘅英雄。講講下，地震都震到好犀利。
「呢度好危險，再唔離開就會成棟樓都冧...
」實驗員心知唔對路，紛紛離開走避。
「快啲...」
波比唔理三七二十一，自身安全緊要。
但係咁，道門己經鎖死左呀。個保安好嚴密，但都有咁有漏洞，咁樣反而害左自己。
「點樣走呀...道門鎖Q左...」
波比係門面前停步，連實驗員都束手無策。
「今次地震並唔意外，搞成咁自己攞嚟，成棟樓都冧....」我道。
「咁而家點算呀...」實驗員紛紛大力推開道門，咪傻啦，道門點會開到呀。
「大力啲推，可能有機會...」
連波比都幫推埋一份。波比好想出盡全力，佢唔想死係自己手上。不過有幸地，仲有我。我係唔會幫佢地，我仲要變身臭死佢地。
我心裡面奸笑：我都係入面，用臭彈咪會臭自己囉...你錯了，因為我識飛，飛得好高，先噴彈，臭到再無能力推門。
佢地嘅死期到了...建築物瞬間整個裂開一樣。我係天上望住呢個美好嘅時光，
成幢建築物一瞬即逝，仲快過光影咁。公司因大地震而塌下，導致成幢建築物所有員工，包括波比都死於當中，無一幸免。
仲有藏係溫室嘅大麻花，姐係話而後最大毒品生意唔會再有。警察永遠都唔會知大廈內有乾坤，姐係話警察之後想再點查都無用咗。當前人己經死左，所有生意係唔係會停止呢？
我係殘餘建築物地上拎起一塊瓦片，苦笑左一下：「竟然唔駛我點出手就搞掂成件事...」
先發覺呢度都幾偏僻，市區嘅人都無難入到嚟。格籬仲有座高山，係山格籬起幢樓，好嬲定好笑？霎時間要毒品生意撒走，有啲難嘅。不過我會將所有賣毒品嘅場所、交易所之類，我都講左俾警察知，等佢地去清理啦。路上附近無人，亦無車。地震仲有波及附近建築物，不過無波比子母公司咁犀利，有啲都有窗口爆左一忽咁。
成幢樓冧哂又真係誇張。警察唔會放棄守查波比嘅子母公司，緊係查啦。
成棟樓突然冧左，仲令全媒有做作嘅機會。
「爆到咁真係誇張...」啲同事都係度紛紛討論呢件事。
子母公司竟然離我呢間公司萬尺咁遠，一來一回一定會哂成日時間。
所以波比先塔直昇機過去，係天空睇都係一條直線咁過去。董事會同同事一致通過，我繼承波比嘅衣缽。
如其話係衣缽，我話係蘇州屎就真。波比嘅手尾我要跟番...不過好快就唔駛咁做。警察知道我地區係多重犯，差佬點都會幫埋一份。
「聽講係建築物結構性有咩問題...」我道。
「無諗過波比會係困難喪生...」
一日之間就無左個老闆，仲換埋新老闆，即係我。不過啲員工鍾意我多過鍾意舊老闆。
「佢死始終係好事，起碼唔駛為禍人間。以後唔會再搞毒品生意，一定要洗淨。」我道。
但佢地唔習慣突然做正經生意。
「點解唔可以撈偏？正經生意又搵得少，定呢樣係董事會嘅決定？？」其中馬仔問。
「係我嘅決定嚟。你地有啲都有老婆，又有仔女，點同自己老婆仔女講我做撈偏？要記住，撈偏大多機會犯法...」我道。
「而家生活咩都貴，樣樣都係錢呀。我唔想做撈偏，唉...」
個個係度哀聲嘆氣。我都知道錢對佢地嚟講好重要。
「我識波比咁耐，都唔知佢有無老仔女...,」我問道。
「應該有掛，話哂大老閣咁有錢...」大家嘅工作開始擱置。
「咁董事會個度有咩安排？」
有啲馬仔開始懷疑緊公司。
「你地想...？」我覺得有部份人都對路。
「我地都知道波比撈偏毒品，仲有好多野唔同我地啲細嘅講。但我地仲堅持做落去，為得一個理由，好似你所講養妻活兒。你無呢啲野煩惱，你唔明架喇。如果真係要轉番正業，我地會離開呢度...」馬仔忍唔住扯火。
「你地有你地諗法就去啦。如果你地都走，我都走。我一生為人正直，唔想做犯法野，做事希望光明磊落...」
我自己都有鍾意嘅人，點會想令佢擔心。
「咁...」董事會突然齊集，天花板出現一道裂縫，一條巨型支柱從上面降落。中間嘅柱慢慢左右展開，一個巨大螢幕，突如其來嘅董事會緊急開會...「呢度幾時有個咁嘅科技架...」
所有馬仔想向後一退，知道董事會終於有交代了。之後公司嘅發展係點，就由董事會親自決定。
「泥漿俠....哈哈哈」董事會望向我地全部人。我當下覺得自己好似發夢一樣，我試圖俾自己清醒過嚟。「泥漿俠？咩意思呀？」
馬仔個個左望右望，但係佢地唔知我就係泥漿俠，仲以為可以放鬆落嚟。
原來都未得，仲要搵班董事會所在地。波比嘅子母公司塌左，對公司業務緊張都係正常。
我又係度諗，董事會都升為我董事長，而家又講我係泥漿俠，又有新花臣要玩？不過董事會嘅人都未表明邊個係泥漿俠。
「唔駛扮野喇，你地其中一個馬仔就係泥漿俠，知道咁多公司資料，再去出賣公司。呢種行為我係唔會饒恕...」
董事會嚴肅咁同我地在座每一個人講野。「點解係我地...」
馬仔佢地無人會承認自己係泥漿俠，仲叫我親自搵到佢出嚟。先知道董事會無懷疑我，笑死。跟得最多波比嘅係我，但係董事會竟然唔懷疑我，走去懷疑其他馬仔。
佢地成日公司可以做到啲乜野？要 check 公司盤數？個個都有家室，點會做啲咁危險嘅事？如果我有家室，一定唔會做啲咁嘅野，安安樂樂係公司渡過餘生仲好。而家個情況就係玩我，又無端端交一個無辜嘅人出嚟。我都忍心唔落。
「你地係邊，我過嚟搵你地...」我道。
「無需要喇，你未有資格見到我地...」
董事會講嘅野令我心灰意冷。我隨即打爛面前嘅螢幕，係佢令我扯火嘅。
但係有一個馬仔竟然脫離大隊，就去查董事會嘅位置。佢真係做得好好呀，真係好幫手呀...就係我意氣用事，打爛左個螢幕之前，就己經查到董事會班人走左去邊。
「唔好意思，我脾氣重左少少...」我向佢地道歉。
「唔需要道歉，俾著我地都會嬲。呢種情況，人之常情嘅...」馬仔查到董事會嘅位置係...