當故事變成事實: 準備再會美欣
從Stephy的神態看來，她對於我的兩點憂慮沒有感到很驚訝。她說：”唔插入唔代表我唔夠愛你，唔想同你一齊。你應該唔會咁膚淺，覺得我冇俾你插入來就係對你有保留掛？”
我搖頭。Stephy續說：”咁我估，你個EX同琳琳，先係你最介懷？插唔插入都係其次？”
我：係。
Stephy：咁不如你講下你同你個EX啲野俾我聽。我同琳琳嘅野，你都知晒架啦。
於是我就將我和美欣的故事，連同美欣和一個有婦之夫有染有事，都告訴了Stephy。雖然我重新遇上美欣的時間，是我跟Stephy開始有了些感情之後，但Stephy沒有顯示出半點不悅。當然，她內心的真正想法為何，我就不知道了。我以一句”但係我而家個心淨係得你”作結。
Stephy聽過我的說法後，幾乎沒有用額外時間整理思緒就提出了具體建議：”你話你個心淨係得我，可能係因為你呢幾個月冇見過佢啫。你係咪應該搵下佢？佢可能因為疫情先至冇主動搵你。”
我：你想我搵佢。我搵佢做乜？
Stephy：我想你搞清楚你自己點諗。如果因為呢排我地見得多，所以你先至覺得可以放低佢，咁有一日你撞返佢，又或者佢主動搵返你，咁又會點呢？
我：哦。
Stephy：講明先，我係冇資格叫你忘記佢、放低佢嘅。我冇資格唔係因為我唔夠鍾意你、唔想佔有你。而係因為琳琳……
我：咁即係……
Stephy：即係我建議你去搵你個EX。同佢做乜都得，上牀都得，做足安全措施就得。最緊要係，你見到佢之後個心點諗。可能你見完佢之後，就唔想再見到我。冇問題架，但最好話聲我知。
Stephy隨即將我的手提電話遞給我：”嗱。有啲問題，快啲解決好啲。”
我沒有反駁Stephy的能力，就拿過電話，隨即發了一條訊息給美欣：”好耐冇見。可唔可以見下？”
我放下手機對Stephy說：”我send左msg俾佢啦。等佢覆我。”Stephy吻了我一下，就回到她之後坐的位置，繼續吃晚餐。
很快美欣就回覆了：”你九點左右得唔得閒上來我屋企？我好掛住你！”
我將美欣的訊息轉告了Stephy。Stephy聽見後就說：”咁你去啦。記住如果上牀要戴套！除非你上牀嗰一刻已經決定唔再見我。”
我點點頭，就跟美欣確認了我會在九時到她的居所了。
我和Stephy都吃飽後，Stephy主動將碗碟拿到廚房。她說：”今晚等我洗碗啦。”當Stephy在廚房時，我略帶無奈呆坐在廳。到底我晚些見到美欣時會有何反應，我自己真的不知道。我走到廚房外，望著在廚房內洗碗的Stephy，一股充滿愛的情緒又湧現。我走到她後方擁著她：”不如我唔好去？”
Stephy轉身吻下了我的嘴唇：”唔得。你一定要去。係咪唔聽我話呀？”
我唯有黯然離開廚房，準備更衣去跟美欣會面。
幾分鐘後，Stephy走到我身旁說：”等我車你啦！”
我：唔駛啦。我要返一返屋企先。咁麻煩。
Stephy：返屋企？
我：我呢度冇男裝底褲嘛。
Stephy：唔緊要。我車埋你返你屋企先。