<網上交友的第一次> 憑感覺愛上你: 第六章：表白

作為一個女仔，你會想人地用咩方式向你表明心意？經過韓劇嘅荼毒，唔少女仔會想要一個浪漫嘅表白，仲要有心思嘅策劃，

為求與眾不同。起碼，同friend開心share嘅時候，可以望多啲人地羨慕嘅眼光。奈何現實中，有啲男仔真係求其一句『可唔可

以做我女朋友』就算。不過你仍然都要接受，鬼叫你鍾意佢咩！想行拖字訣？到時人地唔再搵你真係唔好喊。




變形金剛，我都無睇開，見係佢，我先陪佢睇。今次佢轉咗look，再唔係坤哥。兩袖清風，著住件恤衫配件冷衫，見到佢喺電

影院門口，一隻手插袋，一隻手睇電話。話型稱不上型，反正比佢吸引到少少 。睇戲過程無特別，見佢咁應該都無衫比我

著，唯有一路睇，一路右手搭左手。睇完戲，佢提議出去沙田公園行一陣。一出到外面，熱氣馬上包圍住成身，佢馬上除咗件

冷衫。

『um….好唔好以放落你個袋到？』

『哦』   





『um….今日我無帶袋，啲野放喺個褲袋到好唔舒服，可唔可以...』

Jessica：『唔可以！』   

我：『咦，Jessica，點解你會係到？』

Jessica：『咁點解你地2個夠會一齊既，huh？Kelly？』佢碰到埋黎，我都唔知點答佢

Jessica：『唔講啦，我要同我honey睇戲，bye！』





Jessica走到Kyle面前，指住佢：『咪蝦Kelly！』

依個時候，我同Kyle對望，都唔知係好笑定點。

『點呀？你係咪仲有野想擺我度？』

『啊，小野啫，唔緊要』

我同Kyle行到一個涼亭，我地就坐低傾偈

原來Kyle只係大我兩歲，佢入咗公司做先一年，佢係獨生子，阿爸做生意，所以細細個佢迫住要學會計，不過大個咗，佢死都

唔繼續喺佢阿爸間公司做，話無挑戰性喎。我同佢講開我屋企嘅事，我緊係同佢講我係乖乖女啦，我話屋企人好錫我，所以我

唯有做乖乖女報答佢地。當初我要去英國讀書，係我屋企人主意，我係唔想離開香港，不過我知佢地係為我好，因為佢地話外

國讀書又點好點好，咁我唯有聽佢地講。

依個時候，佢掂我隻耳仔，嚇到我即刻縮一縮

『依啲係叫耳仔軟，就算要做乖乖女都唔一定要聽晒父母話嘅，我阿爸要我學做會計師將來幫佢手，ok！我答應，不過唔係長做囉，喺佢公司做咗半年，我就想自己出去搵野做』

『有錢仔，留係公司幫阿爸手唔好咩』

『有咩錢，公司仔一個』

講下講下，已經接近黃昏，佢話送我返屋企。之後，過咗一段時間，我收到佢嘅whatsapp










 第二日放工，我同Kyle都唔使開OT，佢話要送我返屋企。唔知點解今次大家都尷尷尬尬咁，又無乜點傾計。到咗屋企樓下....

『我...到喇』

『哦』

『bye bye』

『Kelly！』

『你...有野想同我講？』





『Kelly，你可唔可以做我女朋友？』佢面紅紅咁，真係好得意

『um… 咁你鍾意我啲咩？』

『唔知，我覺得你好好』

『唔知？』我即刻扁嘴

『啊，唔係呀，我都唔知點講，反正我係鍾意你』

『真係？』

『嗯 』





『um...不如...』

其實我未講，佢已經好似知道我講咩咁，已經開始sad sad地，正常人一聽到不如都知發生咩事啦，不過其實我只係玩下佢。

依個時候我錫佢塊面一啖，之後即刻飆入大堂門口

返到屋企，我whatsapp佢 『我都鍾意你』