<網上交友的第一次> 憑感覺愛上你: 第五篇：曖昧

  ↵依家周不時一放完OT，如果咁啱撞到Kyle嘅話，我地都會一齊食飯先各自返屋企。不過後尾，我地就變咗問對方幾時先放

工，或者要唔要開OT。好似whatsapp依啲apps真係好偉大，佢的確能夠打破人與人之間嘅隔膜，亦能夠令你有勇氣講出平時

面對面唔會夠膽講嘅嘢。




 不知不覺，我同Kyle變咗好朋友咁滯，有時同佢食飯，會講下公司同事嘅是非，又會討論下一啲高登故嘅劇情，最好嘅係，有

時我啲friend冇時間陪我，我就會搵佢。



 星期日果日，我同Kyle就去咗沙田新城市果個戲院睇。Kyle一身坤哥look，背住個背囊。

『haha，你做咩背住個背囊，你陣間有地方要去咩』

『唔係呀』





『唔好話我聽，你裡面裝咗件褸，紙巾，同埋野飲』

『嘩，乜你有透視眼架？』

『行啦！坤哥！』

點解我會知佢個背囊有咩？話說高登仔成日開post問：死啦，聽日同女神去海洋公園，我應該帶啲乜？或者，聽日同個女仔睇

戲，我應該要做啲乜？帶啲咩？之後一大班高登仔就會寫出一份『與女神睇戲須知』。睇怕，Kyle佢應該都係睇咗依啲post。




入到去，Kyle比咗支檸檬茶我飲。套戲講到中間，我突然覺得有啲凍，諗住Kyle可能會比佢件褸我著，後尾我見佢攞咗件衫出

嚟，原來係佢自己著:O)睇到劇情差唔多最後，我終於忍唔住，因為Stephy比人拋棄，我覺得佢好慘，所以我喊咗。我不斷用

手袖抹眼淚，依個時候Kyle遞咗張紙巾比我，不過無意中比我睇到佢竟然又有流眼淚。一個男人睇戲流眼淚都有嘅！睇完戲，

佢比我笑到唔肯睬我。佢份人真搞笑。

有一日食lunch，Katy問我放工去唔去飲杯野，我答應咗。放工後，我同Katy連埋另外2位女同事一齊。3個女人一個墟，講嘅

話題離不開情情愛愛同是非。Katy同佢男朋友不嬲都恩愛，依樣野大家都知。Ada就不斷數佢男朋友嘅壞處，話佢成日掛住打

機，又唔理佢咁。佢每次數佢男朋友嘅野都不外乎依2個，佢講唔厭，我都聽到厭。反正喺佢嘅字句之間就係向我炫耀佢有男

朋友，而我連男朋友都無。Jessica，正宗港女兼情場殺手，佢成日教我點溝仔，點樣可以玩到啲仔氹氹轉，不過可惜，佢有

嘅係本錢，我有嘅係銀包。銀包再多錢，都只不過係毫子。無辦法，佢永遠講嘅野我都係左耳入右耳出。

Katy：『喂！聽講你最近同Kyle行得好埋喎』

『咩啫，咪多得你成日比咁多野我做囉！差唔多晚晚都要開OT』

Ada：『開OT關Kyle咩事呢？』

Jessica：『唔使問都知Kyle追緊你啦，係咪先？』

Katy：『哦！有野唔同姊妹講！』

『成日開OT，走果時就見到佢，之後咪多咗同佢一齊食飯囉』





Katy：『咁上次你明明已經放咗工，點解我喺公司樓下見到你攞住個飯盒呢』

『Kyle向我投訴話點解你要咁chur不斷搵客呀，佢話處理啲數做到死，我見佢咁可憐，咪買飯盒比佢食囉！』

Jessica：『喂！你有無聽我教你嘅野架！佢未對你好之前，咪幫佢做依樣果樣呀，都時佢到手，佢食住你都似！』

『咩喎，我有話鍾意佢咩，朋友咋嘛』

Ada：『睇下你，同佢一齊你實嗒晒糖啦，係就去馬啦，Kyle佢ok啦』

Katy：『話時話，佢有無女朋友架？』

Jessica：『有女朋友又點？男未婚女未嫁，有乜所謂』

Katy：『咪教壞Kelly啦！』





Ada：『拍拖都係講求攞經驗，唔駛咁快講將來點嘅，佢真係追你嘅，你咪應承囉！』

『佢真係鐘意我先算啦』

Jessica：『我無睇錯，佢應該鍾意你』

Katy：『Jessica對男仔嘅舉動一目了然，今次就信下佢啦』

『唉，唔知呀！』