<網上交友的第一次> 憑感覺愛上你: 第十六篇：嘻嘻，舅母（2）

我望住果張紙，原來我要煮粥比佢食，仲要加啲肉碎粒，同埋其他蔬菜

『Wilson，Christy齋食粥夠唔夠飽架？』

『你唔好煮咁稀咪得囉，佢啱啱先病好，食清淡啲好』

『哦』

由於只有christy一個人食，所以我只係煲半乜米，依度應該夠Christy食2餐，我再將啲豬肉，合掌瓜，紅蘿蔔切粒，最後放落

個煲到煮。煮咗大概45分鐘，啲粥都差唔多搞掂。我見Christy好專心睇緊卡通片，咁我就攤凍少少啲粥先比佢食。Christy郁

都唔郁，睇電視睇到眼都唔眨，睇嚟佢已經唔記得肚餓。

『Christy，食粥啦』

我將碗遞去個茶几度，但係佢無理到我，繼續聚精匯神咁睇飛天小女警

『Christy，你識唔識自己食呀？』





佢都無答我

Wilson：『你熄咗個電視佢啦，佢阿媽都係咁做佢先會乖乖地食』

我：『下，咁唔係幾好喎，你阿媽拔開電腦插蘇你都會唔開心啦』

Wilson：『佢喊完就冇事架啦』

我見Christy唔應我，咁無理由熄咗個電視佢架嘛，咁我唯有餵佢食。佢又擘大口喎，其實餵小朋友食野又幾得意，霎時間好似

做咗媽咪咁。

『um，好唔好味呀？』

Christy一路望電視一路岌頭

『呀，食多啖啦』

可能Wilson睇完套戲，佢行咗過嚟

Wilson：『嘩，你餵佢呀？咪縱佢呀』

我：『有咩所謂，一次半次』

Wilson：『我嗌外賣食，你要咩呀？』





我：『干炒牛河吖唔該』

Wilson：『飲咩』

我：『凍檸茶』

我餵完Christy之後，佢繼續睇電視，電視係做緊魔法小米露，今次佢一路睇一路笑，真係好得意。我食完野，睇咗陣高登，差

唔多到2點鐘嘅時候，睇緊電視嘅Christy無端端行咗過嚟。

Christy：『舅母，我想去公園玩』  （我同Wilson已經唔再執著佢應該叫我舅母定姐姐）

我：『Wilson！留下有無公園呀？』





Wilson：『落會所玩喇』

我：『嗱，返黎要訓晏覺架』

Christy：『哦』

我幫Christy帶咗水樽同手巾仔，免得佢頸渴同玩到流汗，正當我拖住Christy諗住出門口嘅時候，原來Wilson跟埋嚟

『咦，以為你唔落添』

『會所有冷氣嘛』

去到會所，Christy見到波波池就好開心咁衝埋去，咁我同Wiilson就坐埋一邊睇佢玩。

『今日真係唔該晒你』





『依個人情都算幾大，嗱，無欠你架啦』

『其實我欠你就真，上次你講番，原來當初嘅承諾我無實現到，應該係話，你唔講，我都唔記得咗，亦唔知原來你咁介懷

『過咗去就算，係我唔應該將啲野睇得咁重要，不過應承完人但唔做，真係幾令人失望同唔開心』

『對唔住』

『我知道你突然唔搵我係有你嘅理由嘅，而且我都估到應該係咩事』

『你又知？』

『反正我就係知，唔好睇少我呀』





『咁你講嚟聽下』

『我唔講！反正我估嘅事係真係假都已經過咗去』

『其實點解你咁介懷我突然無搵你嘅？』

『我都唔知點解，反正我係討厭無疾而終嘅人』

『果時我地只不過係網友，而我當時亦只係一個毒L，估唔到我比你一個咁強烈嘅感覺』

『我果時係有當你係好朋友，所以我先咁介懷點解你唔同我講生日快樂』

『對唔住，當時我....』

『唔好講，我唔想聽！』我唔比佢講落去，因為我已經唔想追究往事

『係呢，你男朋友知唔知你今日嚟幫我？』

『你咁問都係想知我有無男朋友姐，我無同佢講』

『比我睇下你男朋友個樣』

『唔比！』

我望望個鐘，已經2：45pm

『Christy！口渴嗎？過來飲水！』

佢同其他小朋友玩到額頭都係汗，咁我就幫佢抹

『你要返去訓晏覺啦』

『下，我想玩多陣』

『你訓醒我再陪你玩玩具啦』

『哦』

Wilson：『唔好比你阿媽知我帶你嚟玩波波池呀！』

Christy：『哦』

我：『下？點解嘅』

Wilson：『家姐話波波池好多細菌喎』

我地一路講一路返上樓上。