<網上交友的第一次> 憑感覺愛上你: 第十七篇：我諗...差不多了

  ↵有時，女仔所追求的並不是錢，激情，驚喜。請不要分辨那些香港女仔係港女或者MK妹，因為總有一日她們最需要的不是

錢，亦都不是好型的老公，而是真愛。要尋找一個真愛，那個人不一定要完美，因為完美的表面可以是假。女人尋真愛要靠感

覺。一個人愛不愛你，你會感覺到。即使平日常常跟你說我愛你，送你禮物，氹你開心，這不代表愛。簡單而說，花言巧語是

完美的一種。這樣說，你明嗎？總言之，一切的事物可以是真，可以是假，一切要單憑感覺去判斷。

『喂，Kyle？』





『Kelly，聽日有一日假，不如去睇戲？』

『真架？但係你唔係話約咗人打波咩』

『咁我想陪你嗎』

『嘻嘻，咁好啦，你係咪有戲想睇呀？』

『就睇Stephy最新果套戲啦』





『下？乜香港有上畫咩』

『總之我買咗飛，聽日我嚟你樓下接你』

『好呀！』

Kyle突然約我睇戲，我何其興奮，自從佢溫哥華返來後，對我好冷淡。佢突然話想陪我，無錯，我的確好興奮，我早就話Kyle

過多一陣就會無事，因為我相信果幾日Kyle咁應該係受到佢媽咪病嘅影響。





事實，是否如此？

第二日，我落到屋企樓下已經見到Kyle等緊我

『我check過，Stephy套新戲真係無喺香港上畫呀』

『哎吔死！』

『做咩？』

『對唔住，我唔記得同你講要帶回鄉証』

『haha帶咗啦，唔去深圳睇仲有邊度可以睇喎』

『唉，仲諗住懶神秘唔話你知住，點知....』





『其實你記得我鍾意睇Stephy嘅戲我已經好開心架啦，仲要特登帶我過關先睇到』

『好啦，咁我地出發』

Kyle戴著微笑，伸出手來拖住我，嗯，好sweet。嗯，突然覺得來得不自然.....幸好有字幕，如果唔係我聽唔明普通話，最慘係

Stephy係用配音聲。睇完戲，原來Kyle book咗間西餐廳，佢向接待員講『鐘生，約咗1點』，接待員就帶我地入去。

『你咁好嘅，仲book埋枱，今日咩日子呀？』我好開心咁講

『haha』 格一陣Kyle用好低沉，好細聲咁講『唔好，你遲啲會好憎我』

『下？』





『啊，冇嘢』

或者可能Kyle會以為我聽唔到，但其實我聽得好清楚。我望住Kyle，佢一面對我甜甜咁笑，但其實我知果啲係強顏歡笑。

Kyle，究竟你做咗咩令到我會憎你？

細個，我願意睇TVB；中學，我鍾意睇韓劇；依家，我鍾意睇網絡小說。

『唔好，你遲啲會好憎我』

依句說話，自然令我諗到唔少Kyle背後有機會講依番說話嘅原因。我相信當中逃離不過以下其中一個情節....



我決定停止作出無謂既猜測，因為我確定Kyle的確有事瞞我，而且同我係有關連。我地進食午餐，期間有講有笑，我仲同Kyle

提起Jessica嘅事，姐係識咗Kenneth佢地嘅野。不過，我感覺到我同Kyle嘅關係變了。有啲野似係無變，但係感覺變了。其

實....還有彎轉嗎？

究竟發生咩事？

Kyle，既然不能回到過去，不如索性來個令我傷害減到最低嘅總結。