<網上交友的第一次> 憑感覺愛上你: 第十八篇：..........（一）

  ↵果晚，我去咗Kyle屋企訓，佢話好想攬住我訓，因為我能夠帶比佢溫暖。每次佢攬住我，我都感受到無比嘅甜蜜，溫暖同安全

感。我把我嘅手緊緊攬住佢條腰，因為我心知還可以同佢一齊訓嘅次數唔多，亦都怕佢會再次失蹤，所以我要更加珍惜同佢一

齊嘅時刻。我唔知我會憎佢啲咩，或者可能你會覺得由頭到尾都係我亂諗，但係感覺唔會有錯，我感覺到Kyle對我嘅愛變了，

我有預感佢會再次離開我，只係佢會用咩方法嚟同我離別。半夜，我醒了，我再次發現Kyle唔喺我嘅身邊，我即刻走出廳，佢

再次神神祕祕咁講電話。同樣嘅情景再次出現了，但今次我唔會再比Kyle離開我。我走到佢隔離，好快佢就cut咗線。





『咁夜你同邊個講電話？』          

『無，我同屋企人傾偈啫』

『係咪你阿媽嘅病情有啲咩事呀？』

『啊，唔係，無事，唔駛擔心』

『你可唔可以跟我去訓覺，我怕你好似上次咁突然走咗』





『嗯，我地繼續訓啦』

我同Kyle面對面，佢雙手攬緊住我，好快我就入睡了。第二朝，我慢慢擘大眼，好彩Kyle仲喺我身邊，我開心到攬緊住佢，佢

比我扎醒了。

『早晨Kyle』

『早晨』佢睡眼惺忪咁講





佢慢慢坐喺床上『今日你想去邊呀？』

『今日你又陪我呀？』

『當然，你係我女朋友嚟架嘛』

『um…..唔知喎』

『不如同你屋企人飲茶？』

我聽到依句時嚇咗跳，估唔到Kyle主動見我屋企人，雖然佢之前都見過面。

『唔好，你遲啲會好憎我』

我開心到依句說話我都忘記了......嗯，的確忘記得一干二淨.....我嘅心理準備都無了





飲茶過程普通到好普通，無乜特別，連最常見嘅父母催婚環節都冇，我就唔特別描述了。

 









－－－－－－－－－－－－－－－－－－－－－－－－－－－－－－－－－－－－－－－－－
今日開學了，只能夠每次寫少少咁upload上嚟／隔日／隔幾日先upload其實我都唔知大家

有無興趣追我依個故，我都知自己寫得唔好，不過我點都會完成依個故，如果有咩意見可以留言比我，
我會盡量改善。感覺上個故好似拖咗好耐，好快就會去返故事嘅中心要點，請大家繼續支持！
－－－－－－－－－－－－－－－－－－－－－－－－－－－－－－－－－－－－－－－－－－