或者，唔係一個你中意既故事 (重製): Ch.4
我:「哪 ,自己貼」我係銀包拎出一塊膠布
佢嘗試對一對位 發覺唔多就手 又俾返我
有風度嘅我當然都不計前事咁幫佢貼
正當我仔細咁貼上去嘅時候原來佢隻腳都幾靚，光～滑～加上古銅色肌膚 都知一定係長腳姐姐
彤:「貼幾耐丫，鹹濕仔」笑面殺手就係咁嘅樣
我:「咁..個位咁細難對準」心虛如我
彤:「俾我咬返啖」佢相當認真
我:「邊個教你咁計？知唔知咩叫恩將仇報」
彤:「你知唔知咩叫恩怨分明？」佢都係無表情咁講
我:「What...?」正當我口啞啞嘅時候巴士到站
彤:「不如返學先...仲有7～ 6分鐘我地就遲到」指一指手機佢睇
佢一企起身 隻腳明顯唔對路 我屈指一算 應該係拗柴咁你慢慢行 唔急 當我以為可以擺脫她時
一股重力加衝擊力 以及一個人形物體跳上我背脊
伴隨'啪'一聲我:「小姐又話唔好掂你，咁依家點計」
彤:「帶我返學 大家當無數」＃大佬 你真係當我欠你架
我:「彤彤姐, 頭先聽到啪左聲嗎？ 以我嘅傷 加你嘅殘 唔好話準時 唔使睇鐵打都偷笑 不如都係食個早餐先 反正都係遲到」
彤:「唔要！」
我:「好！ 反對無效」 於是我就孭住佢前往最近嘅M記 當然唔少得佢拳腳洗禮
我:「食咩丫？」
彤:「唔食！」
我:「咁我決定啦」我搵左個位放低左佢就去買左個 珍寶醒晨套餐
拎左餐就坐返佢對面
我:「唔遲都遲左啦，嬲都無用架」
可能我就係學渣垃圾啦 遲到對我地黎講就只係常態 大不了咪抄書 留堂
我邊咬薯餅 邊推個熱香餅去佢面前
佢還是很不爭氣地 開始淋糖漿
我下意識咁 望一望佢腳踝，明顯腫左
我:「俾隻腳我睇睇」
彤:「想點丫變態佬」厭氣樣 #你表情起碼係怕醜啦 咁厭氣係咩事！
我:「我意思係腳踝 定你想我跪低睇啊」我都無奈樣
正當我假裝跪低嘅時候