或者，唔係一個你中意既故事 (重製): Ch.5
佢最後都伸咗隻腳上我大脾我輕力咁轉動佢腳踝 佢嗰副猙獰嘅表情 明顯話我知呢件事唔係小事
食完早餐後 我自把自為咁孭起佢 帶佢去睇醫生
途中當然少唔到佢嘅「毒打」扭耳仔、拉頭髮、甚至咬膊頭 樣樣齊
彤:「帶我返學校啊！」彤彤憤怒咁喊住，嗰副模樣好似真係俾人欺負咗咁
我:「真係唔應該俾你食飽...」我忍唔住喃喃自語 但話聲未落，頭髮又俾佢拉咗一下
我「到底你有幾中意返學？你要返都仲有十幾年返呢！」
彤:「你理得我！」
幾經辛苦，我哋終於到咗一間中醫館醫生望住我哋 憑佢嘅專業眼光 似乎已經睇出咗啲端倪
直接問：「跌親丫同學仔？膊頭都出緊血」我愣咗一愣 低頭望一望自己膊頭
再望一望呢個女魔頭：「咪同我講你流牙血！」
彤彤啜住嘴冇理我 繼續扮無辜
但我只好壓住心入面嘅火回歸有禮貌嘅我：「醫生，佢隻腳踝扭親」
醫生冇再多問 用佢嘅專業手法診症 幫彤彤搽咗鐵打油 按下按下 左卒右卒
彤彤表情雖然痛 但仲有力喺我手臂用佢指甲左卒右卒 完全冇半點收手嘅意思我再忍唔住 輕輕提醒：「醫生，差唔多就好啦」
係~我講嘅 因為再卒落去 我隻手真係唔使要所有事完成後 彤彤獲得一張醫生假紙 佢即刻開心返晒
嘴角揚起一抹得意嘅笑容 而我呢?
就獲得滿身傷痕 仲有明顯紅腫嘅膊頭彤:「好～可以返學校啦～」佢突然再次跳上我嘅背脊 令我差啲冇反應過嚟
我:「吓？我就話啫，你有病假喎，仲返去？」
彤:「返少日都會追唔上進度㗎！」
我:「你哋精英班，都仲要聽書嘅咩？自學都得啦。」
彤:「你係咪傻㗎？我哋都只係普通人，只係比你哋更努力啫，唔係天生就咁高分」一路討論住 佢句句帶刺 但我聽得出佢語氣入面有啲認真
甚至帶住一絲堅持, 我突然發覺 佢原來唔係表面上嗰種串串哋嘅人
佢會咁努力, 係因為佢對自己有要求對未來有目標我:「原來你仲有啲人樣嘅喎。」忍唔住調侃咗一句
彤:=15.6px「你話咩？」佢即刻捏住我條頸 作勢要打我 但嗰副表情卻冇平時咁兇
返到學校簽咗到 我孭住佢到醫療室放低 留佢喺度休息
而我呢 就俾人帶咗去訓導室。喜提「嚴重遲到」一個、「缺課警告」一個,「放學留堂兩小時」非常豐富嘅套餐
訓導主任仲一輪訓話 叫我唔好同人打交, 話我膊頭有血跡！
我只好無奈點頭 乖乖聽完 拎住一肚嘅委屈返課室一踏入課室
迎接我嘅係彤彤嗰個假到出汁嘅笑容：「喂，辛苦啦～」
我望住佢 明知佢係故意, 但心入面竟然莫名覺得有啲好笑
＃好假的笑容