或者，唔係一個你中意既故事 (重製): Ch.8
中午時間
佢真係帶我去咗學校附近一間隱世小餐廳
我平時都係去茶餐廳或者便利店解決午餐 根本唔知有咁高質嘅地方
我:「點解你會帶我嚟呢度？」我忍唔住問
彤:「呢間餐廳係我細個同媽媽成日嚟嘅地方，食物OK，環境清靜，唔會俾人打擾」佢一邊講一邊熟練咁點咗兩份餐
佢講到最後一句嘅時候，聲音好似低咗少少
我抬頭望佢，發現佢個表情竟然有啲落寞
我:「咁你媽媽依家仲會同你嚟嗎？」我試探性問
佢愣咗一愣，然後低頭攪攪杯檸檬茶，聲音輕得幾乎聽唔到：「唔會喇，佢成日忙…」
成個氣氛突然靜咗落嚟 我心入面好似俾人揪住咁
竟然覺得呢個平時咁串嘅女仔 有啲孤單
我:「咁以後我陪你嚟囉」我隨口講咗一句 但講完就後悔 覺得自己可能講得太多
但冇諗到，佢抬起頭望住我 眼神有啲動搖：「你講架？」語氣唔再係平時嗰種嘲諷 而係認真得令人有啲唔知所措
我:「呃...隨時都得啦，請我食飯嘅話。」我尷尬咁笑住兜咗句
佢冇再講嘢 但嘴角卻微微揚起 俾人一種難得嘅滿足感食完飯返到班房 我同彤彤一齊行 好似都引嚟唔少目光
其實開左學先幾個星期 同班入面嘅人跟本就唔熟
坐返埋位之後我:「依班啲人 你識幾多個？」
彤:「識晒, 依到全部人都係年年同班咁制」
我:「利害~」不過好大都係到讀左三年 成日拎獎個班人係晒依班
都估到其他人都應該係 菁英班啲人我:「咁點你又好似同佢地唔多熟咁?」
彤:「我俾唔到一個 確實答案你 你問佢地」 有少少眼神回避
氣氛進入尷尬~ 我都選擇回避問題我:「咁..點我又會入依班呢?」
彤:「你真傻 定 假有腦阿? 你揀咩選修科?」 你想我點揀呢? 鬧人都咁有文化
我:「假有..腦? Econ同business」
彤:「咁咪係囉, A/B班係文科 D/E班係理科, 得C班係文理商都可以揀, 你咩都唔知係點入到C班架」
我:「我都唔知~ 我都係貪讀商好似易啲 數學又叫見得下人 咪揀商 今次真係仆直」
彤:「咁又唔會嘅 仲有姐姐我睇住你~」
我:「哈..哈..」
放學嘅時候，我哋一齊行出校門。佢隻腳雖然仲未完全好，但已經冇咁痛，行路都順暢咗啲。
我:「喂，明日仲要我孭你返學嗎？」半開玩笑咁問
佢停低，側頭望住我，嘴角揚起一個意味深長嘅笑容：「我又未話唔要呀，你唔介意嘅話，我當然唔介意啦」
我:「喂，做人唔可以咁厚面皮㗎！」我忍唔住笑住鬧佢
彤:「咁你又唔係第一次孭我，習慣咗啦！」佢嘻嘻笑住講，之後竟然伸手拍一拍我膊頭：「下次記得帶個厚啲嘅背包，孭得舒服啲！」
望住佢嗰副得意嘅表情，我竟然冇辦法反駁，只可以自暴自棄咁應咗一句：「好啦好啦，算我怕咗你啦」
但心入面，卻又有啲期待，期待下一次，佢跳上我背脊嘅重量，期待我哋再有嘅一啲小火花