或者，唔係一個你中意既故事 (重製): Ch.7
翌日清晨
鬧鐘響咗幾次都唔捨得起身 我攤喺床上 隻手摸住昨日俾彤彤姐咬到嘅傷痕
心入面仲有啲唔甘心
「呢個女魔頭，點解可以咁瘋狂？」但諗返起佢臨走嗰句輕輕嘅「多謝你」
心又唔其然咁暖咗少少
掛住諗嘢嘅我，差啲連時間都忘記睇
直到一陣急促嘅電話鈴聲響起
「喂，仲瞓？！你仲想遲到呀！」電話入傳嚟熟悉而帶點不耐煩嘅聲音
我愣咗一愣：「彤彤姐？！咩話你喺我屋企樓下？ 同埋點解你有我電話?」
彤:「你估我想嚟咩？老師叫我帶埋你呢個懶鬼返學 話咩順路又可以找令你遲少啲到, 同埋我你識偷睇人地本手冊咩~ 」佢邊講邊敲急促我
我趕快換好衫，拎住書包跑出去
電梯門一打開 就見到佢翹起雙手咁站喺門口 神色一如既往咁不耐煩
但隻腳顯然仲未完全好返
我:「你隻腳咁樣，唔係應該喺屋企休息咩?」
彤:「少廢話，快啲走啦！」佢白咗我一眼，你轉身就行得 就又上左我背脊
彤:「你唔怕俾人見到我地咁樣架咩?」
我:「其實我又無咩所謂 又正都人識我地, 只係我好奇係未有我背脊之前你點嚟我屋苑 我上次送完你返屋企都有成十分鐘路程」
彤:「唔準好奇, 我唔係指街外人 我指你女..朋友個啲?」
我:「啲? zero 唔使加s 」
彤:「超~ 單身狗 」 我從佢胸肌 明顯感受到佢活躍左更多
我:「係喇~係喇~ 最叻係你 」
彤:「好攰咩你, 個人咁熱嘅? 」
我:「係阿, 因為你好重~ 終於到喇 」
彤:「想死阿」 拳腳功夫不少得
喺巴士站等車嘅時候 佢翹起雙手咁站喺我隔離 突然側頭望住我
彤:：「話晒 你昨日係為咗我遲到 導致你要留堂 仲俾訓導主任鬧 係咪應該補償返啲嘢俾你？」
我:「吓？你補償我？」我愣住，心諗佢咁串，會有呢啲覺悟？
彤:「係呀，今日中午請你食Lunch，點都要平衡返啲嘛」佢講得理所當然，但隻手卻偷偷撩一撩頭髮，似乎有啲唔自然
我:「你竟然會有良心？太陽打西邊出咗？」我忍唔住笑住調侃佢
彤:「唔好要就算啦！」佢一聽到，立即轉頭扮冷漠
我:「要要要！請得人食飯係美德嚟㗎嘛，點可以拒絕呢啲美事！」我趕緊認真點頭，心入面卻有啲竊喜上到車後好自然咁一齊坐, 但係就無咩野講 可能大家都未係咁熟 大家各自用手機
但係我又偷睇到佢set 我電話名做 [高腳輪椅]
我不自覺咁笑左出聲 俾佢發現左
彤:「笑咩笑 拎你電話俾我」
我直接俾左佢
收返之後多左個聯絡人:Sit Tong Tong我:「點解係Sit(薛)? 你唔係姓詩咩? 」
彤:「唔話你知~ 」