［科幻x搞笑］英雄再戰聯盟第一部曲：重遇者: 真。拖鞋俠1：綠拖誕生（上）
綠色嘅衫、綠色嘅帽……咦？咁咪即係「戴綠帽」？咁樣出街，唔驚俾人笑死先？
所以，呢個英雄就改戴緊一個綠色嘅面具人！面形似塊豆腐，眼窿大得好似兩粒雞蛋，戴起嚟仲似個「傻」字。佢仲唔時會用手推一推個面具，好似怕佢跌落嚟咁。
最重要嘅係——綠色人字拖！呢對人字拖仲有個特別設計，一隻寫住「拖」，一隻寫住「鞋」，走起路來「拖拖拖、鞋鞋鞋」咁響，好似成條街都變咗泳池邊。
呢三樣加埋，就係「拖鞋俠」嘅標準配備！
光怪陸離嘅故仔，就由呢度開始誕生……
無人知道佢嘅真正身份，因為呢件事發生喺三年前——香港一場重大事故之後。嗰時天氣熱到連冰室都開唔到冷氣，全城陷入混亂，交通癱瘓，連茶餐廳都冇凍飲賣！
就喺呢個危急關頭，「拖鞋俠」突然由天而降，腳踏綠色人字拖，一手拎住綠色水樽，一手揮緊綠色毛巾，好似跳廣場舞咁飛落嚟，一腳踢飛咗個出軌嘅巴士，再一記「拖鞋甩甩飛」打中壞人頭頂，即刻投降！
事件過後，有一個人深受感動（定係中咗魔），係銅鑼灣開咗間公司，招牌寫住「尋找拖鞋俠有限公司」，門口仲擺咗個綠色氣球人，風一吹就「拖拖拖」咁響。
呢個人成日坐喺公司度，戴住望遠鏡，穿住綠色風褸，望住街景嗌：「拖鞋俠！你喺唔喺呀？」職員都唔敢講佢，怕佢發火炒人。
佢就係——礦麗。 人簡單，名都簡單，公司都一樣， 就叫「礦麗公司」。
當時一出黎，全城熱議， 邊間公司咁筍？人工高、福利好、又包伙食！ 最憎嘅係——無車接送！
呢間公司嘅日常工作？ 就係大家圍埋一齊吹水，就有錢收。 真係係度 un un 腳呀！
同時，礦麗仲出咗公告：
「只要搵到拖鞋俠，賞金一百萬！」
一百萬吸引唔吸引？見人見智啦， 但係好肯定，有啲人係連夢都諗緊點樣 un 到一百萬。
去礦麗打工嘅，仲有幾條「有心人」（定係傻仔？）， 佢地個名都古靈精怪， 真係係——一班「尋俠小隊」！
辦公室
「礦麗到底咩來頭？點解要咁高薪請人搵拖鞋俠？」尸位素餐忍不住問。
「嗱……我就係咪都唔知呀，我只係被脅迫入嚟。當初我都覺得係一個陷阱，但係入左嚟咁耐，我又唔似覺得礦麗係呃人，所以就 keep 做落去咁姐……」大幅度邊講邊做手勢。
「算啦，我地都係搵唔到拖鞋俠喇，我地繼續扮工仲好。」心怡無奈地攤手。
其實老闆係知道而家係點樣一個情況——開門咁耐，都無咩起色。礦麗心底覺得係白花錢養住幾個廢柴。
佢突然由房間走出嚟，一腳踢開門。
「你地係唔係唔駛做呀家陣？定係係度搲水吹就有錢收？如果係咁，可以辭職唔好做，唔好係度哂時間……」礦麗惡形惡相咁鬧。
「要搵拖鞋俠都好難姐，又唔知佢係邊個……」尸位素餐企起身叫屈。
「仲駁咀？！」礦麗爆肌，怒氣沖沖行開左。
就係咁，大家終於都唔敢再偷懶，落力去查關於拖鞋俠嘅資料，甚至出 post 叫人現身。雖然機會微乎其微，但至少唔好坐以待斃。
卒之，唔夠幾日，真係有人嚟應徵——第一位所謂嘅拖鞋俠終於出現。
綠拖、綠衫、綠面具，成身好似漫畫入面跳出來咁。當然呢個係扮嘅。因為礦麗心知肚明，100萬對於一個「英雄」嚟講，根本係蚊仔髀。而家呢個社會，100萬連樓都買唔起，買車都要分期。於是，佢將賞金大幅提高10倍——1000萬！
無錯，真係1000萬！即係就好多扮野嘅人爭住嚟扮。
一班人二話不說就叫礦麗出嚟睇人。
呢種情況點可能唔搵老闆出嚟過下眼？等佢分辨下係真係假。
礦麗打量住眼前呢位「拖鞋俠」，心知肚明只要扮到似，就有千萬落袋，邊個唔想試？
「係扮得幾似樣嘅，不過……你試下耍套拖鞋俠嘅招式嚟睇下。」礦麗雙手交叉，一臉懷疑。
呢位「拖鞋俠」即刻出盡渾身解數，誓要將表演發揮得淋漓盡致。拳腳飛踢、旋風腿、空中翻滾……連拖鞋都飛左出嚟。
可惜，短短數分鐘後，礦麗已經頂唔順。
「你而家到底係打拳定係度猜拳？你連我呃唔到呀，仲話扮拖鞋俠——走啦！」
眾人即刻呆若木雞，一臉錯愕。
今日都係得個吉。
其實好多人都想扮拖鞋俠，呃錢就梗係架啦。咁大條水魚，有啲貪心鬼都唔止淨係呃一千萬。不過礦麗係唔會志在呢樣錢，錢對佢嚟講猶如垃圾一樣掉落大海。
有個人，佢叫侯爺，實為 X 組織嘅人。佢好想知道拖鞋俠嘅事，打算去扮拖鞋俠。不過佢唔係為錢，佢目的同好多敵人一樣 —— 侵略地球、統治呢個星球。
妖！又係侵略地球，你唔悶我都悶啦！
不過佢亦係唯一一個扮得最似拖鞋俠嘅人。佢喺廁所執自己個 look，執到好企理，望住塊鏡。
「魔鏡～魔鏡～我有唔有型呀？」
佢對住塊鏡講，但係就喺嗰一刻，即刻有個回音回應佢：
「有型呀～」
其實除左佢自己本人之外，無人係廁所。
侯爺走出嚟，行到礦麗公司之前，見到眼前有一位奇怪嘅人。佢成個人都係水，我哋世人稱為 —— 水俠。
原來呢個世界除左拖鞋俠之外，原來仲有水俠。姐係話，英雄係唔止得一個，仲有好多個。
水俠得知礦麗會出一千萬搵拖鞋俠，佢都參與其中。不過佢唔駛扮拖鞋俠，佢本身就係水俠。侯爺見到當然迴避一下，侯爺唔知眼前呢個人嘅底細，唔想打草驚蛇。
「原來有咁多人會搵礦麗……呢個人成身都係水造咁，又扮拖鞋俠……」侯爺心諗。
睇得出侯爺都唔係啲咩強人，而且仲好廢。
泥漿俠同時經過呢層，見到水俠。兩個英雄不打不相識，握個手。
因為泥漿俠係用泥漿而成，掂到水就會融化。
「啊啊啊啊啊啊……」
泥漿俠半邊手已經融化左，慘不忍睹。
「唔好意思，我大力左少少……」
不過泥漿俠隻手轉個頭就會無事……大家都係去搵礦麗。泥漿俠開始慢慢認識水俠。
噹 dum～
「臨放工前先嚟啲咁嘅野？」心怡一邊睇住班人，一邊好唔順氣咁話，心諗：「點解每次收工前都咁多戲做？」
「我決定要殺左佢…」尸位素餐低聲講，好似真係有仇要報咁，順手拎起桌上支原子筆，扮做準備出招。
面前出現嘅係泥漿俠，成個人由頭到落腳都係泥，好似由工地爬咗嚟咁。後面仲有個水俠，匿埋喺背後偷睇，好似睇戲咁，完全唔出力。
眾人一見到泥漿俠，即刻退後一格，有人仲唔記得自己係咪跌緊眼鏡。
「個個以為佢入錯門口。」
「先生，呢度無廁所，廁所係樓下，唔該…」尸位素餐一臉專業客服咁話。
「我知道呀，我嚟搵礦麗攞獎金嘅…」泥漿俠一臉認真，仲拍下自己胸口，泥點即刻飛左出嚟。
「吓？攞獎金？想引我笑咩…你咁嘅樣點會係拖鞋俠？你係泥鯭精啦！」尸位素餐即刻反駁。
跟住，礦麗突然從茶水間衝出嚟，頭髮仲濕緊，好似剛淋咗頭咁。
「你…你…你係咪真係泥漿俠？！」礦麗驚到連聲線都變咗。
泥漬俠無言咁望住佢，跟住突然一拳打出嚟，仲喊住：「臭泥爆彈！」
「砰！」一聲，泥點飛得到處都係，連冷氣機都唔放過。成間公司即刻變咗臭泥屋。
「OMG…」心怡掩住鼻，眼淚都流左出嚟。
礦麗一臉生人勿近，成個人由靚女變咗臭豆腐，氣到想即場將泥漿俠按低打爆。
「大巴大巴車左落去…」心怡話都講唔掂，笑到抽筋。
「礦麗都有今日…」尸位素餐邊笑邊拍心口。
卒之，泥漿味仲留低喺空氣中，估計要三日先洗得走。
之後，唔知邊個帶頭，開始有人扮拖鞋俠，真係高矮肥瘦，樣樣有齊。
第一個係高個嘅，一出場就耍咗個「金雞獨立」，仲話：「我有功夫底子！」
「邊度有？睇你成隻傻仔一舊木企喺度，出拳嗰下好似打空氣咁，連蚊都打唔死。」心怡睇到眼訓。
「我仲有啲撚手小菜，俾你過目下…」高個仔話音未落，尸位素餐已經從衫袋拎出一條蕉，塞落佢個口。
「哇！係衫袋變條蕉出嚟！你係得嘅！」肥個同瘦個即刻拍掌鼓掌，好似睇魔術咁。
「下一位…」
到左矮果個，一出場就係小朋友，未出招已經開始扮深呼吸，好似真係有內功咁。
「小朋友，你番去先啦，你未秤呀…」心怡見佢咁，心都化咗。
點知小朋友完全唔堅強，未拖到門口已經喊左出嚟，仲越喊越大聲，好似有人搶咗佢糖咁。
「喝…」心怡一聲低嘆，好似放棄咗人生。
「小朋友，我求你放過我地啦…」心怡踎低想氹返個小朋友。
肥個同瘦個即刻加把嘴：「我求你唔好求我地，我地都係搵食…」
肥嘅、瘦嘅、矮嘅、高嘅，全部都係一樣——唔係垃圾就係要攞去回收，根本唔掂。
「下一位…」心怡望住門口，眼神空洞，好似等緊下一場災難。
到咗矮仔嗰個，未出招已經唔想望住佢，因為佢係小朋友，連小朋友都已經知道錢嘅重要性，錢嘅威力真係強大。
「小朋友，你番去先啦，你未秤呀……」心怡好心趕佢走。小朋友完全唔堅強，未拖到門口就已經喊咗出嚟，仲越嚟越大聲。
「喝……」
「小朋友，我求你放過我哋啦……」心怡踎低想氹返個小朋友。
其餘嗰兩個扮拖鞋俠嘅朋友立即加把嘴：
「我求你唔好求我哋啦，我哋都係搵食啫……」
肥嘅瘦嘅都係一樣，唔係垃圾就係要攞去回收，根本唔掂。
於是，
礦麗決定要開大會，公司上下其實只得四個人，一齊入咗去會議室，從長計議……
「呯……」
「呢班垃圾都可以做英雄？佢哋到底知唔知『死』字點寫架……」礦麗好嬲。
「你出一千萬喎，係人都想搏一鋪……」尸位素餐開始道。
「咁點算？請你哋番嚟三年，你哋做過啲咩？」礦麗心目中覺得呢班人比外面扮拖鞋俠嘅仲無用，佢哋講嘢根本冇公信力，拖鞋俠更加唔會理。
「唔好咁嬲啦老闆，飲杯夏枯草先啦……」大幅度又唔知從邊度拎出一支夏枯草出嚟。
「大幅度，你唔好做呢項喇，你做魔術師啦，呢度哂咗你……」心怡見狀即刻講。
「我而家真係飲唔落，食龍肉都無味呀……」礦麗個火落唔到，再望望夏枯草後面，顯示賞味時間已經過期。
「你係咪玩野呀？過期嘅野飲，你係咪想我死？」礦麗再嬲到上心口。
「唔敢唔敢……呢支係道具嚟，我知老闆一定唔會飲嘅……」大幅度安然無恙咁講。
心怡心諗：呢個老闆真係好鬼克人憎。
「唔係為左錢，我真係唔會留係度，日日係度呻，搵唔到拖鞋俠都無計，我哋又唔係神仙……」
「再搵唔到人，你哋就可以試下我炒嘅野，好好食架……」礦麗態度突然180度轉變。
無錯，
就係炒魷魚。
正，佢哋好想知道，炒魷魚係咩味道，尤其係老闆煮嘅，一定要好好味～
「今日下晝我會出去，呢度交俾你哋，醒目啲呀……」礦麗講完之後離開咗會議室。
而佢哋繼續係度嘆氣……
天大地大，係邊度搵？又唔知佢係咩人，真係難過登天。
大家都離開咗會議室。
「都差唔多中午，食完野再諗……」心怡提議。
「都好，一於去街口食炒魷魚……」大幅度笑住講。
其實礦麗係到佢哋講野嘅，完全無眼睇落去。
錢就哂咗，但到而家都係得個吉。
結果，佢哋真係去咗街口食炒魷魚。
「如果係老闆炒會好啲囉……」尸位素餐笑住講。
坐係隔籬枱就係一位男仔，睇落去都好細個，佢自稱自己係侯爺。
佢走過嚟打招呼：
「Hi……」
「你係……？」大幅度問。
「我係侯爺，你哋係唔係搵緊拖鞋俠……？」侯爺問。
「你點會知道架？」心怡見到侯爺，覺得有啲奇怪，一定唔係普通人，除非佢都係搵緊拖鞋俠，可能性比較大。
侯爺好想同拖鞋俠決鬥，而佢哋都唔知侯爺嘅真正身份。
但係咁講，如果要拖鞋俠現身，好簡單，咁……？
到底係咩呢？