［科幻x搞笑］英雄再戰聯盟第一部曲：重遇者: 真。拖鞋俠1：綠拖誕生（下）
侯爺一早係地底隱形式隱藏住一個神秘大基地。無錯，就係《國王的新衣》咁，普通人係唔會見到佢。科技嘅技術越來越高，真係摸唔透……
呢個基地約佔地一萬五千平方，一飛衝天，整過焦點集中喺旺區。侯爺選擇隱藏嘅位置，竟然都係旺中過旺。
佢決定左要嚟一場轟轟烈烈嘅戰鬥……發誓仲要比三年前嘅更加威猛！
佢心入面苦笑，
「早一步行動同遲一步行動都一樣……香港點都係要陣亡……哈哈哈……」
侯爺得戚嘅樣，好似癲咗咁，好似個痴線佬，其他人仲跟住佢嘅計劃執行。計劃係快左啲，亦都冇Plan A、Plan B。目的只有一個——殺拖鞋俠！
「喂，你咁樣去搵拖鞋俠出嚟？」
突然，礦麗被邀請上嚟侯爺嘅基地。
「我唔單止搵到佢，我仲要殺左佢！」侯爺冷冷噉話。
「佢係我要嘅人，唔殺得。」礦麗睇住侯爺，眼神堅定。
「你憑咩可以阻止我？剷咗拖鞋俠，呢個世界都要洗淨！哈哈哈……」
侯爺繼續狂笑，笑到似個神經病咁。
計劃進行得如火如荼，礦麗完全唔能夠阻止侯爺一舉一動。同時間，佢仲俾其他人趕出嚟，為咗唔俾礦麗搞亂呢個計劃。侯爺係「大石砸死蟹」，呢隻蟹就係礦麗。
「都抵你有今日喇……」
喺礦麗身後，有幾個尸位素餐嘅人，默默地望住佢。
「不如都真係救救佢，好無？話哂佢嘅人工都幾豐厚，當係多謝佢份糧……」
於是，眾人一致決定——救礦麗！
雖然礦麗動彈唔到，但係佢個頭望向嗰幾個尸位素餐嘅方向，示意佢哋快啲走。
「呢度好危險，你哋都係快啲走啦……」礦麗用眼神比劃。
但係，佢哋估唔到，原來礦麗仲有咁好心。
「唔好同我嚟呢套啦！你係老細，你出糧俾我哋，你死左我哋點算？」
心怡帶頭，眾人合力將礦麗救出困境。
之後，礦麗亦都有報答佢哋。無錯，錢解決到嘅問題，就唔係問題啦……
礦麗順勢又請咗一個新人入嚟，叫「陳列」。佢份人做野好企理，新入嚟，大家都一樣咁歡迎佢。
「Hello！」
卒之，基地準備升上嚟地面，直接波及礦麗公司！
「砰……砰……」
咁啱，嗰幾個尸位素餐嘅人走唔切，閃避唔及被撞到。
「大家有無事呀？呢舊野係乜鬼嚟？」
大幅度見其他人都坐低咗，想扶佢哋起身，但係自己都受咗撞擊。大家慢慢行去避難嘅地方，睇下點樣。
周圍嘅樹、唔多起眼嘅建築物都冧咗，好似一隻怪獸片咁，基地升起嚟。
侯爺喺基地入面，不斷發射出好多無情光線，好似發咗狂咁。
附近嘅市民都紛紛走避，死唔死都唔知，走嘅走，無一倖免。大廈玻璃碎滿一地，爆得宏偉壯觀。
「佢好明顯唔係想引拖鞋俠出嚟，佢係想破壞地球呀！」
尸位素餐望住侯爺嘅破壞，完全唔知點做。
「原來基地一直埋左係下低，真係估唔到會係咁……」
陳列若有所思噉話。
「陳列，你係咪好似知道左啲野，無同我哋講？」
心怡懷疑噉問。
「我未入嚟之前，已經知道有X組織嘅存在，不過就唔知係邊。都知道礦麗會搵拖鞋俠，之後又知道X組織都係搵拖鞋俠，所以呢……我點都係一定會入礦麗公司調查下。」
陳列邊講邊推眼鏡，好似福爾摩斯咁。
「有咩辦法可以阻止到佢哋呀……」
尸位素餐緊張到口震震。
「拖鞋俠，你到底會唔會出嚟呀……」
心怡雙手合十，眼中閃過一絲希望，好似喺等耶穌降臨咁。
大家不斷祈求希望之際，天空突然雲層翻滾，風聲獵獵，有成千上萬個唔同身高嘅「拖鞋俠」陸續現身。有高有矮、有肥有瘦，甚至有個仲戴緊眼鏡，穿緊西裝拖鞋咁出場。
「快啲同我射死哂佢地！哈哈哈哈……」侯爺一聲令下，手下嘅X組織成員立即開火，子彈如雨點般射向呢班假冒嘅拖鞋俠。
「全部都係假嘅！全部都係假嘅！」侯爺冷笑一聲，雙手叉腰，完全唔甩面，「因為我已經將所有真·拖鞋俠打走哂！」
就喺眾人以為希望破滅之際，一陣風吹過，塵土飛揚，一陣拖鞋「啪嗒啪嗒」嘅聲響由遠至近。
果真係有一個拖鞋俠係射唔走嘅。果個人，就係傳說中真正嘅拖鞋俠！
綠色嘅面具，綠色嘅戰衣，綠色人字拖，外型靚到爆燈，走起路來都帶風，簡直係時尚與實用嘅完美結合。
「點解可以咁快架？一定係著左人字拖啦！」旁邊一個小嘍囉驚訝地喊。
拖鞋俠身形一閃，已經來到X組織基地門口。果陣，警鐘「嗚嗚嗚嗚」響起，紅光閃爍，警報聲響徹雲霄。
「快！包圍佢！」侯爺怒吼，一班手下從四面八方圍上嚟，上至高層、中層、低層，連門口把風嘅保安都衝出嚟。
「今日就係你嘅死期！」侯爺左手拎住支槍，右手拎住支電擊棒，一臉猙獰，準備向拖鞋俠開火。
一支追蹤彈瞬間發射，直取拖鞋俠心口。但拖鞋俠眼神一凝，腳下一滑，人字拖一甩，輕輕一跳，子彈就咁飛過。
「好快呀！」旁邊個小弟驚訝地張大咗口。
其他人見狀，一齊開火，子彈如雨點般射向拖鞋俠。但佢唔驚唔慌，一腳拖鞋向周圍亂劈，拖鞋一甩，子彈竟然被佢劈飛咗！
「等我嚟一拖拆彈！」拖鞋俠大喝一聲，一拖將子彈一分為二，「Boom！」
小型爆炸即時爆開，波及周圍一班愚蠢嘅垃圾手下，塵土飛揚，煙霧瀰漫。
「好啦，垃圾清理完晒喇。」拖鞋俠拍咲雙手，好似掃咗塵咁。
現場只餘低侯爺一人，佢面青青，手震震。
「我……要……同你……攬住一齊死……」侯爺咬牙切齒，從基地深處拎出一個計時炸彈，上面數字開始倒數：10、9、8……
「點呀，真正嘅拖鞋俠，認清楚我未？感受到真正嘅恐懼未呀？」侯爺狂笑，雙眼通紅。
「超人係唔會咁輕易死嘅……」拖鞋俠淡定地講緊，仲順手解咗個鞋帶。
侯爺將所有基地嘅門都控制咗，閂埋，密不透風。但拖鞋俠見到門閂咗，唔驚反笑。
「點解我會郁唔到？你係咪睇太多漫畫呀？」
「我……我……我係同你同歸於盡！」侯爺大叫。
基地開始爆炸，火光四起，煙塵滾滾，Boom Boom Boom！成個基地炸到好似屎餅咁。
侯爺亦都炸到粉身碎骨，連拖鞋都唔剩。
但仲有最後一件事，拖鞋俠仲有一件事未完成。
到底係咩呢？
無錯！
拖鞋俠個製係元朗，但拖鞋俠本人係住將軍澳！
一來一回，真係幾遠……搭輕鐵要轉三次，仲要等紅磡過海線。
「點解英雄會禁制變身架？唔怪得變身到救人都要咁耐，原來係等緊巴士！」
大戰之後
天空烏煙瘴氣，煙塵未散，瓦礫四處飛揚。城市中心一塊廣場已經面目全非，好似俾一頭巨型拖鞋踩過咁，亂晒。呢場大戰，真係打得天翻地覆，連街邊隻垃圾桶都飛咗去九霄雲外。
喺呢片殘垣斷壁之間，有個靚女，90後，穿住件T恤，褲着條牛仔褲，頭髮隨風飛揚，眼神中帶住一絲迷戀。佢係拖鞋俠嘅頭號粉絲，自從上次拖鞋俠用一隻左腳拖鞋打飛外星怪獸之後，佢就開始迷死呢位英雄。
「拖…鞋…俠…」佢喃喃自語，望住遠處個背影。
拖鞋俠背住佢，穿住件風褸，腳踏一對橙色拖鞋，一隻腳仲微微翹起，好似喺賣型咁。佢慢慢離開，頭都唔回，但係眼角偷偷瞄咗少女一眼，心諗：「呢個女仔真係幾靚，唔好意思咁睇住我。」
「再見…」拖鞋俠揮手道別，動作慢鏡咁，風褸尾飛起，拖鞋仲「啪嗒啪嗒」咁響，真係型到出汁。
而家正值日落黃昏，天邊一片橙紅，陽光灑喺佢背影上，真係浪漫到爆。少女眼濕濕咁望住，心都飛咗出去。
不過，呢場戰鬥搞到成個城市好似俾龍捲風吹過咁，破壞力十足。政府睇到呢個情況，真係一身蟻，成班官員成日嗌：「點解每次出事都係拖鞋俠搞出嚟？」
過咗幾年，喺當年戰鬥發生嘅地方，政府為咗紀念拖鞋俠嘅英勇事蹟，起咗一座雕像，高高大大，拖鞋閃閃生光，仲有隻怪獸跌低喺腳下，好似喺講緊：「我係被拖鞋打敗嘅。」
但係，拖鞋俠睇到呢座雕像，心諗：「我未死架，做咩事呀…點解要起咗我個石像？」
英雄真係唔易做，連自己都唔知自己幾時變成傳奇。
之後，拖鞋俠仲有冇人見過呢？冇人知道。有人話佢搬咗去深山修練第二隻拖鞋嘅必殺技，有人話佢轉行賣拖鞋，仲有人話佢變咗成隻拖鞋，永遠消失喺時空裂縫入面。
至於佢嘅真正身份…就更加係一個謎。有人懷疑係街市賣魚嘅阿伯，有人話係屋邨管理處個叔，甚至有人話係某間補習社嘅英文老師。
但係…真相，就真係不得而知喇…