毒撚都可以召喚老婆？幻想同步異世界: 第二章：FF完又返到現實

第二章：FF完又返到現實
 
又係搭巴士返沙田嗰程悶車，坐喺度睇住個天由灰變黑，人生都係咁灰。
 
我靠住車窗位坐低，攰到唔想郁，今日又 OT、又改報告、又俾上司串到廢物一樣，仲要啲會開完等如冇開。
 
後生啲嘅同事個個都精靈醒目，上到位；我仲喺原地打轉，連升職都唔敢諗。
 
成程車，我只想靜靜地望住窗外城門河反射住街燈，然後開手機例行刷 IG。
 


滿版都係人打卡去旅行、買名牌包包、食千幾蚊一餐嘅 omakase。
 
我仲要食返阿媽煮嘅雞翼炆冬菇、菜心炒魚片……唔係唔好食，但就係嗰種「窮人式安穩」。
 
突然刷到一張圖——一個著住魔法少女風戰鬥服、腰束到唔科學、胸係 double 手掌大、嘴角微笑嘅女仔。
 
「嘩……如果異世界真係有啲咁嘅女，我即刻轉生都唔嬲啦。」
 
然後啲腦開始自動播放我最愛嗰套「異世界後宮流浪者」——主角用召喚術召喚大波戰鬥奴隸，陪佢打怪開房升 LV。
 


我真係超中，連 OP 都 loop 爆。
 
喺我幻想緊佢哋今晚喺旅館入面點樣互相按摩時，部手機突然震一震。
 
我低頭一望——
 
一個完全冇見過嘅 App 圖示： 
金邊黑底，中間寫住「命運召喚環｜Fate Connect」。
 
「咩鬼嘢嚟？」


 
我手指自動撳咗入去，畫面一閃，就見到一行字：
 
【幻想同步進行中】 
請完成以下任務：具體幻想你最渴望擁有嘅理想女性 
成功後將提升同步率 5%
 
「你想我靠幻想升 LV？痴X線啦…打飛機都升嘅話我早就滿等啦！」
 
但我又忍唔住繼續 FF——腦入面清晰浮現出一個熟悉到不行嘅面孔。
 
松下紗榮子。
 
氣質沉穩、聲音溫柔、皮膚白滑、身材爆炸，但唔係那啲 cheap cheap 嘅類型，而係有品味、有魅力、有姐姐 feel。
 


喺我幻想緊佢幫我清理背部傷口，然後喺火堆旁細聲講：「你真係比你自己諗像中更強。」 
——部手機又震：
 
【同步完成｜同步率 +5%】 
【第一階段召喚預熱中】
 
畫面中央開始出現模糊人影，一個高挑身材、長髮微飄、胸前起伏誇張嘅女性，氣質沉穩得嚟又帶少少誘惑感。
 
我即刻認得—— 
就係我腦海中所幻想嘅人。
 
落車返到屋企，阿媽喺廳睇緊無綫劇。
 
「你返嚟啦，雪櫃有餸，飯自己焗熱。」
 


「嗯。」我冷冷咁應一聲，轉身入房。
 
我一推開自己間房門，熟悉嘅膠味同霉味夾雜住撲鼻而來，figure、海報、雜物山高高堆晒喺枱上。
 
呢個世界對其他人嚟講可能係「毒撚窟」，但對我嚟講，呢度就係唯一一個我可以做返自己嘅空間。
 
我攤喺床度，攞返手機出嚟睇，嗰個 App 仲喺度，刪唔甩。
 
畫面又再閃：
 
【同步率：5%｜召喚預熱中｜請持續強化幻想】
 
我突然有啲唔安，又有啲興奮——
 
如果真係有一個咁嘅異世界、一個咁嘅人喺等緊我呢？


 
我望住天花板，腦入面忍唔住再想像——
 
一個成熟大波魔法師姐姐，識得打怪、識煮飯、仲會摸吓我個頭話我叻，一齊喺旅館 soak 緊溫泉，佢細細聲咁話：
 
「今晚唔駛輪流守夜，瞓埋一齊啦…可以嗎？」
 
我心跳加速，嘴角不自覺咁上揚。
 
「如果可以用幻想嚟升 LV，我早就係神啦。」
 
（第二章完）