毒撚都可以召喚老婆？幻想同步異世界: 第五章《發夢都唔可以留手》

第五章《發夢都唔可以留手》

「叮叮叮——」

熟悉嘅電話鬧鐘聲響起，我迷迷糊糊咁喺自己張床上醒返。天花板、窗簾、書櫃、figure牆…冇錯，我又返咗嚟現實。

我猛然彈起身，成身汗濕晒，心跳仲係超快。望住天花板幾秒，我先至搞清楚自己返咗嚟——返咗香港，返咗呢個冇魔法冇大波姐姐嘅現實世界。
 
從床上坐起身，我雙手撐住腰，腦海入面仲殘留住琴晚夢入面嘅畫面——榮子、石窟、夜靈草、戰鬥、火焰魔法…一切都咁真實。
 


我揉揉對眼，望一望時間——7:25AM。唔訓得啦，要返工。
 
「唔通…真係我幻想出嚟？」我喃喃自語。

著好衫，阿媽已經喺廳嗌：「浩揚，快啲食埋個包啦，唔係又遲到！」

「知啦知啦～」我攞住個包，趕住落樓。
 
早晨嘅街道一如以往，人來人往，搭電梯、行過天橋、走入巴士總站。



我跳上九巴，坐咗個靠窗位。平時會聽吓Podcast，不過今日我特別攰，可能琴晚又瞓得唔夠。

成個腦都仲留喺異世界。榮子——個身穿白袍、身材逆天、成熟又溫柔嘅魔法姐姐——好似重重咁留低咗喺我腦海入面。

嗰一晚，我哋一齊去咗遺跡，佢教我用手機系統收集素材，甚至保護咗我，最後仲喺石窟入面，一齊訓喺草墊上……

佢背脊若隱若現，半遮半掩嘅身體線條勾住我成晚都瞓唔着。明明只係夢，但感覺卻真到有啲過火。

「唉……榮子…如果今晚可以再見你就好啦……」我心入面暗暗祈求。



佢望住我嗰種眼神，唔係現實會有人畀到我嘅——嗰種體貼、溫柔、保護、甚至係……引誘。

我記得佢瞓喺我隔籬時，披風滑咗落嚟一半，露出條光滑白皙嘅腰線。就算係夢，我都忍唔住慢慢伸手，想摸……

「痴線，真係春夢發咁癲。」我自言自語咁笑。
 
眼皮越嚟越重，身體暖暖地浸喺陽光底下。我知道，夢遊嘅時刻又嚟喇。畫面一轉，我再次喺異世界嘅山洞入面。
 
仲係昨晚嗰個石窟，嗰張鋪滿草席嘅床鋪、冒出煙霧嘅小型火堆，仲有躺喺我身邊嘅——榮子。

佢仲瞓緊，呼吸均勻，胸口輕輕起伏, 雙巨乳都跟住起伏咁跳動，究竟呢對奶有冇F 呢？個lin頭係咪粉紅色嘅呢？

佢半側身對住我，一頭黑髮散喺草蓆上，身上只蓋住薄薄一張披風，薄得連曲線都擋唔住。

喺火光映照下，榮子嘅皮膚白得發光，戰鬥服扣子鬆咗幾粒，露出咗一截滑溜溜嘅肩膊同淡粉色內衣邊緣，佢嘅胸部跟住呼吸微微震動，彷彿喺誘惑我。



「嘩……呢個真係夢？」我吞咗口水，感覺自己個心跳緊要到好似打鼓咁。

我慢慢趨近，睇真啲佢張臉——唔施脂粉都咁靚，嘴角帶住一絲安詳，眼睫毛長而翹。望住佢，我心入面冒起一陣莫名嘅衝動。

「反正都係夢…應該冇事啩？」我惡魔之手開始作祟。

我試住輕輕郁下身，攬埋佢條腰，結果唔小心「啜」咁一下撞咗落佢對胸度——

好！好有彈性！仲要好暖添！

「嘩…呢個觸感…真係天堂…」我眼神已經變晒做野獸。

榮子郁咗郁，但冇醒。我更加膽大，手指輕輕滑向佢側邊，慢慢探入披風內……



當我摸到佢胸部邊緣，指腹感受到滑嫩柔軟嘅肌膚時，我成個人幾乎停晒機。

我忍唔住輕輕捽咗胸上面嗰點。

突然——「……哼。」

榮子哼咗一聲，眉頭輕皺。

我即刻縮手，似個中學生偷睇A片畀人發現咁彈起身。
「死啦死啦…佢知唔知…我啱啱…」
 
但冇等我再諗多一秒
 
我猛然醒咗，原來自己坐緊巴士，車入緊沙田火車站。個司機好似係我人生裁判，將我拖返現實。



我面紅耳赤咁望出窗外，心入面仲跳緊。

「痴線！我啱啱真係…真係摸咗榮子個…」

我用埋雙手掩住塊面，好彩四周啲乘客冇望我，否則真係羞恥死。
 
落車行返公司嗰段路，我成程都係懷住一種莫名其妙嘅罪惡感同興奮感。
 
返到公司，打卡、執文件、開會，每個環節都係機械式操作，我又變返呢個毒撚社畜陳浩揚

但我心早就唔喺度。我嘅眼神飄忽，腦入面一陣陣閃過榮子望住我嗰啲表情——有時冷靜，有時調皮，有時又好似姐姐咁摸住我個頭話：「你已經做得好好啦。」

「浩哥，報告搞掂未？」

我嚇一跳，原來AM企咗喺我後面。我即刻笑住應：「搞緊搞緊！」



但其實成份文件我都未開始。

放工返到屋企，我成個人癱喺床上。仲未抹身，已經攤開雙手望住天花板。

唔知今晚可唔可以發返呢個夢？榮子會唔會記得我做過嘅嘢呢…？」

「榮子…等我。」

（第五章完）