毒撚都可以召喚老婆？幻想同步異世界: 《第六章：森林之夜與召喚之愛》

第六章：森林之夜與召喚之愛

「……咦？我又返嚟喇？」

當我再次張開眼，眼前出現嘅唔係天花板，而係熟悉嘅石窟頂部同埋榮子隻披風。

今次唔係九巴上突然瞓着，而係訓咗一覺，醒嚟就再次穿越返嚟異世界。

「算啦…當係連載小說咁過生活啦。」



我坐直身體，發現榮子已經起身，著返晒裝備，正喺火堆旁煮緊早飯。佢回頭對住我露出一個溫柔微笑：「你醒啦？」

嗰瞬間，佢披風輕輕一撥，露出半邊白滑大腿，陽光灑落去，幾乎閃盲我對眼。對於一個毒撚嚟講，呢啲畫面簡直係天國級別。

我一邊食住佢整嘅香草肉包，一邊偷望佢嘅胸口、鎖骨、大腿…然後自我反省：「唔好再諗啲咸濕嘢啦…」

離開咗石窟之後，我哋就喺附近森林打怪刷素材。初嚟異世界，雖然我一啲攻擊技能都冇，但有榮子喺側，基本唔使驚。佢嘅魔法真係屈機，火球彈、雷擊箭、冰霜結界咁樣輪流出，啲怪一嚟就變成素材包。

但我知道自己唔可以永遠靠榮子。



所以，我都盡量配合。負責撿素材、開App紀錄、賣出，然後買返啲補品、乾糧、野營裝備。呢啲現實世界嚟嘅物品對榮子嚟講，好似神蹟一樣。

「呢個係咩？自動升火嘅金屬棒？」 「係『火機』嚟。」我拎住個Zippo示範一次。

「嘩！咁方便！唔使引魔力都得！好強大……」佢雙眼閃閃，完全係小朋友打開新玩具嗰種眼神。

睇住榮子咁著迷，我都忍唔住笑咗出嚟：「你鍾意我仲有一堆呢啲玩意㗎，明日教你用電筒。」

當晚，我哋決定喺森林邊一塊平坦草地露營。我買咗個迷你帳篷，原本以為會有兩人份空間，點知擠到唔得了——實際係兩個人逼住一齊訓都嫌窄。對我嚟講，呢個係夢寐以求嘅佈局。



夜晚打完怪，帳篷入面空氣滾熱。榮子洗咗個身，著返條貼身黑色內襯同白色披風，身體有陣淡淡香氣。我啱啱好瞄到佢換衫時光滑玉背同埋雪白大腿，心跳加速。

「榮子，你……都瞓得落咩？」我裝作唔經意。

「窄咗啲，但……可以嘅。」榮子語氣淡定，冇半點不快。

帳篷內，我地肩貼肩，唔小心郁一郁就會磨到對方。啲觸感軟綿綿、暖笠笠……我知道嗰唔係咩裝備袋，而係……

「浩揚……你喺度諗緊啲咩？」榮子忽然低聲講，眼神似笑非笑。

「啊？冇啊……就係咁……有啲熱啫……」我心虛扯開話題。

但內心早已翻滾。我喺度幻想，如果可以攬住佢訓，或者——更進一步……
喺我胡思亂想緊時，電話畫面一閃。



【等級上升至 LV.5！】
【新功能：AI智能助手 已啟動】

我嚇咗一跳。

電話跳出一個奇怪畫面

【Hello，處男用戶，恭喜升上LV.5。你而家可以使用我——你專屬嘅AI助手，我會幫你達成『更深入』嘅願望。】

我瞳孔震動：「你……你講咩？」

AI助手繼續用腦內聲響溝通，似乎只有我聽到。

【檢測到你仲係童貞（真係唔簡單），所以解鎖新功能需完成處男脫離任務。】
【任務：與召喚角色進行『初次交合』以開啟成人商城。完成後將獲得豐富回報，包括：成人裝備、增強道具、戀愛支援功能等。】



我面紅耳赤，隻手即刻收埋電話。

榮子望住我：「點解你突然好似臉紅晒？」

「冇、冇事……系統更新啫……」

夜色更深，帳篷靜悄悄。我根本訓唔着，滿腦子都係AI嗰句「初次交合」。點解咁荒謬，仲要任務咁正經講出嚟？

我側身一望，榮子背向我，披風滑咗落去一半，露出纖腰同美腿。而喺佢背脊下方，隱約可見蕾絲內褲邊緣。

我嘆口氣，輕輕伸手……唔係想非禮，純粹……想確認一下，呢啲係唔係真實。

就喺我手指掂到佢腰嘅時候——



「浩揚……你係咪想要我服侍你？」

我愣住。

榮子慢慢轉身，面上並冇責怪，反而帶住一抹溫柔微笑。

「作為被召喚者，我會盡力滿足主人嘅願望……即使係成人方面，我都唔會抗拒。」

「你……你知我……？」

「你眼神講晒。你望住我嘅時候，心思已經講出一切。」

我吞咗口水，感覺喉嚨乾到爆炸。整個空間突然好靜，得我同榮子四目交投，心跳聲震耳欲聾。

「你……係咪都係……第一次？」我鼓起勇氣問。



榮子點點頭，語氣輕柔：「我只屬於你，從召喚我一刻開始，我就決定好……第一次一定要同你。」

……（未完，請期待後續更深入發展）