毒撚都可以召喚老婆？幻想同步異世界: 第十章：反省

第十章：反省

我急急攬住榮子，佢雙眼緊閉，眉頭微皺，額頭出汗，但呼吸仍然平穩。根據AI嘅提示榮子只係魔力過度消耗導致暈倒。

我抱實佢坐喺床邊，心入面翻滾住唔同情緒。榮子差啲比哥布林捉去輪姦，而我，竟然連保護佢都做唔到。

呢個世界唔係做夢，係真真正正、會死人、會失去所有嘅世界。

我望住窗外森林陰影，再睇返手機畫面。下一秒，手機自動彈出一個新提示：



【突發任務──緊急召喚任務】
條件未明，是否接受？
▶接受 ✖拒絕

我攬緊懷中暈倒嘅榮子，牙關咬實
。
「……無論如何，我都要變得更強。」

我再次喺自己張床上醒返，外面天色灰濛濛，仲要返工。



唔洗照鏡，我都知道自己對眼紅腫，通宵未訓，心入面仲停留喺異世界嗰場戰鬥入面。

每日返工就係坐巴士，再坐多個鐘頭喺office扮緊一條活死人。呢排我差唔多日日都瞓得好少，有時就係因為夜晚同榮子嘅親密接觸，有時就係成晚攰極都唔敢訓，驚自己再一次冇能力保護佢。

我攞住手機，喺公司裝模作樣望緊Excel，實情係開咗YouTube，重複loop住一啲DIY武器、野外陷阱、求生技巧影片。
「原來只要幾條樹枝加啲繩就可以整到咁殺傷力……」

我睇住畫面入神，腦入面已經開始計緊，如果呢啲喺異世界用得著，可以點樣變陣強化……係啦，就咁搞！

夜晚再次入眠，我返到異世界時，第一件事就係望吓榮子。



佢仍然臥喺床上，但氣色好咗唔少。我摸吓佢額頭，無發燒，應該再休息一兩日就會復原。

我放低心頭大石，轉身打開手機商城，開始行動。

經過之前慘敗，我知道自己唔可以再靠啲咩市販嘅武器。太易壞，又冇辦法升級。今次，我決定自己整。

首先，AI建議我試吓製造一啲陷阱裝置，防守據點——我哋嘅貨櫃屋。

我喺商城搵到一啲現實世界嘅原材料——例如鐵絲、鐵片、彈簧，甚至啲基礎火藥——價錢居然比起直接買裝備平好多！我一邊下單，一邊諗：
「原來玩資源管理RPG。」

我開始自學陷阱製作，加上AI分析幫手，一啲簡單結構就製作成功。起碼，唔會再有人（或怪物）無聲無息咁接近我哋嘅屋。
 
第二件作品係一把風魔法匕首。


因為我過去用開嘅近戰武器太容易斷，今次學精，用風元素強化咗金屬結構，雖然長度仍然只係短短一呎，但配合我嘅身手應付突發近戰已經足夠。

我第一樣整出嚟嘅防具係一件簡單嘅胸甲，用鐵片鍛打成形，再用森林入面搵到嘅柔韌獸皮加固內層。重點係：
今次真係睇得又使得，唔再係以前咁只顧住幻想啲鹹鹹濕濕嘅衫。呢套裝備，係真係為咗保護榮子，為咗應付未來更危險嘅戰鬥。
 
日頭喺現實世界返工，我就偷偷喺位上查YouTube啲DIY武器、野外求生、陷阱教學片。甚至啲舊嘅求生遊戲攻略，我都睇返嚟做參考。

而AI就變咗我24小時毒舌教官，成日喺腦海嗡嗡聲：

「收音唔清楚？你係咪 ON 9 ？」
「陷阱？你試吓唔好自己踩爆啦仆街。」
 
但就係咁，我開始建立咗屋外防禦。榮子唔能郁，我只可以請教佢火魔法基礎原理，再由我設計，AI幫手優化結構，終於整咗出第一個魔法地雷。
 
地雷係由野獸骨骸製成容器，內藏火屬性魔力石，周邊用藤枝製成觸發裝置，一旦有生物踏中會產生小型爆炸。


 
屋四周我埋咗五個陷阱，再用泥掩好，榮子用剩低嘅魔力畫出警戒結界，將整個基地變成一個簡易防衛陣地。
 
夜晚，我仍然同榮子訓喺埋一齊，不過佢傷重，唔方便太親熱。我就抱住佢瞓，聽住佢心跳聲，默默反省：
 
我唔再係只係一個喺現實世界瞓醒就會reset嘅召喚者，而係一個有責任保護人、要為自己選擇負責嘅男人。
 
直到有一晚，榮子終於喺朝早張開雙眼，望住我，聲音微弱但語氣堅定：
「……我哋需要一個新嘅夥伴。」
 
我愣住：「你係話……召喚？」
 
佢點頭：「哥布林一定會反撲，森林遲早會再出事，我哋依家唔夠戰力，我哋要增強戰力。」
 
下一秒，手機螢幕無預警彈出一個閃爍提示：


【召喚功能──已解鎖】
是否開啟？
▶開啟 ✖關閉
 
我望住手機，再望住榮子堅定又疲憊嘅雙眼，深深吸一口氣。
「係時候，迎接新成員。」
 
（第十章 完）