搭錯線：錯誤的時間遇上你: 第七章：安慰

「Hailey你考成點呀？」Katy興高采烈咁問我。
 
「我一般般啦。」我睇到分數苦笑咁講。
 
因為我個分數係啱啱好合格。
 
「唔緊要啦，我諗你一時失手，依家仲未考dse，有得追既！」Katy安慰我。
 
「嗯。」我有氣無力咁應Katy。
 




-
「阿希，Mid Term係咪派左？」
 
「派左。」
 
「拎比阿媽睇下。」
 
平時我其他科一般般，只要話中史考第一，佢就會冇咁多野講。
 
今次連中史都失手，點算好。




 
「今次考衰左。」我低聲咁講。
 
「咁中史呢？第一？」阿媽繼續追問。
 
「今次麻麻地。」講完呢句我閂左房門。
 
睇嚟係我高估左自己。
 
到底邊到出錯？




 
係我唔聽書？定係唔夠時間温書？
 
我將自己收埋係被窩入面，冇再出房門。
 
「Hailey？」我聽到家姐叫我。
 
「咩事呀？」我開左房門問家姐。
 
「聽到阿媽講，話你中史考得唔好，成個人悶悶不樂。今次mid term又唔係DSE，下次考返好咪得。」家姐講。
 
「問題係我次次考都第一，今次先啱啱好合格，萬一下次再考衰，DSE都考衰咁點算？」
 
「你會唔會試下問查理？卷係佢出，分係比，佢自然答到你，解鈴還需繫鈴人。」
 




問查利揚？我條氣有啲唔順。
 
一諗到佢比我啱啱好合格，我就少少嬲。
 
於是我拎返份卷睇嚟，發現查利揚就住我每個寫既point，有寫低應該要寫既方向，臨尾仲有評語。
 
不過我睇完佢寫既野都唔太明，加上佢啲字好樣衰，潦到我睇唔明。
 
於是我whatsapp繼上次道歉後，第一次搵查利揚。
 
「查sir，我唔明點解今次分數會咁低，明明我
 
寫左咁多字，又答到題目，點解係啱啱好合格？」
 
我send message個陣係凌晨1點。




 
「影左你sd過嚟既試卷圖，其實我都有印象。首先多字唔代表好，其次你擴展不足，答到啲重點，跟住又講左啲唔相關既野。你應該要係論點延伸唔同既論據，咁論點先會夠飽滿。」
 
「例如今次題目係明治維新失敗，邊個有負責任？咁你要先答明治政府決策過於集中，由少數薩長官僚壟斷權力。例如徵兵制、學制改革、地稅重組等未有廣泛諮詢，激起民憤。」
 
而你答係
「1. 錯方向：題目問「失敗誰負責」，但全文集中講「成功有幾多」。
2. 擴展不足：無論責任、背景、矛盾，都無詳細分析。
3. 跑題：提到甲午戰爭、亞洲地位，但無關於「改革失敗責任」。」
 
查利揚一段段長文字，解釋左我既呢份卷疑惑。
 
「但係我之前咁答都冇問題。」
 
「我諗你主要靠背書答題，然而最重要係你答既野係呼應唔到題目。之前你可能背書，温得熟自然就答中，但係中史唔係講你背書，就可以拎滿分，而係你要經過思考，係唔同地方整合論據去支持你個觀點，呢個係背書都做唔到既野。」




 
「我知你不嬲都係中史全級第一，今次失手好難接受。但我想講你講，天才成為天才前，都會經過多次既失手，先可以成為天才。」
 
「你試諗下，今次失手，可能只係一次，只要摸返清個方向，透過今次份卷知自己有咩不足，中間呢個過程好重要。」
 
「我眼中既你，係有潛力既學生。」
 
「你再有唔明可以問我，好似第一堂咁講，我未瞓就會應你。」
 
「記住上堂聽書睇筆記，會有效過背書。」
 
「我信，你係得。」
 
我睇睇依家幾點，原來凌晨3點。
 




查利揚打左好多野應我，同埋最後個句，令我重拾信心。
 
個一晚，係我地第一次講左咁耐野。