搭錯線：錯誤的時間遇上你: 第二十一章：現階段不考慮戀愛

「Hailey, 我地走囉！」Katy行過我隔離講。
 
「你同kyle講完野啦？」
 
「啱啱順便交換埋ig添！我依家要po story，我同佢既拍立得合照。」
 
「咁我依家都po埋story先。」
 
我望望手上既拍立得，felix對眼半開合，po story好似伏親佢。
 




突然右上角有紅點，係有人request要follow我。
 
我見到係兩個人，係felix同kyle。
 
我Accept左request，跟住隔左1分鐘左右，就收到felix既dm。
 
「Hailey，我張相有啲矇，可唔可以借你個張相po story？」
 
點解一張相就矇，一張相就影到felix咁伏。
 




睇嚟下次影相唔好搵查利揚，簡直係攝影界殺手。
 
「我個張影到你有啲伏，你會唔會介意㗎？」
 
「張相矇左唔緊要，最緊要同你影。」
 
最緊要同我影到相？佢覺得我重要？
 
我同felix，都唔算識左好耐，佢咁講係咩意思？
 




「咁我照po story，tag返你」
 
「好呀。」
 
「Hailey，你真係要po上story？felix對眼半開合喎！」katy探頭問。
 
「Felix話佢冇所謂，佢話同到我影相就得。」
 
「我覺得felix對你有意思，上次我覺得佢英雄救美已經唔簡單！」
 
「應該唔會既。」我搖搖頭講，同時upload相去ig story。
 
「我地仲有同級既人未影相，依家差唔多放學，快啲搵埋佢地影！」katy突然大喊。
 
「咁我地依家快啲上返去！」




.
Christmas party完左，我同katy食完野，就各自返左屋企。
 
「叮叮」
 
聽到手機既通知聲音，唔通係katy sd左直播link比我？
 
「Irene啱啱sd左比我，你快啲去睇！」
 
我㩒入直播link睇，cut返去搭錯線個到。
 
我終於可以睇返成個過程。
 
由我第一題答錯，全場笑聲最大聲，之後題目我都聽到有唔少笑聲。
 




唯獨去到「今日係我地拍拖第一日」，聲音變左歡呼聲。
 
我放大查利揚個樣嚟睇，淨係見到佢側面，轉頭望向熒幕，而當時熒幕得題目號碼，同埋佢背向鏡頭，2秒後就轉返側臉，就係我當時睇到既微笑。
 
而我一直低頭望紙，直到同佢對望為止。
 
成個過程，我諗唔明點解佢要望向熒幕，先再望向我。
 
我醒起頭先同查利揚既拍立得，依家一定睇到張相咩樣，頭先仲黑黑地，好難睇得清楚。
 
我急忙係袋搵返張相，淨係見到我對住鏡頭做臉頰愛心，笑容帶點傻氣，而查利揚只係企係我隔離微笑，仲保持左3個拳頭既距離。
 
企圖想搵線索既我，卻徒勞無功。
 
我只好放相片入相框，想珍藏個一刻既回憶。




 
然而，我目光轉向電腦上既直播，直播仲播緊我地兩個玩搭錯線。
 
我再將影片倒帶，用耳機聽查利揚講多一次。
 
我㩒鍵盤既錄製按鈕，忍唔住將嗰句錄低，後來仲將成個遊戲過程都錄低左。
 
起碼我想見查利揚，想聽佢既聲音，到時候影片可以帶我重返Christmas Party既時空。
 
隨住Christmas Party過去，到學生最期待既聖誕假期。
 
我意外得知查利揚既感情狀況，答案仲要出乎意料。