搭錯線：錯誤的時間遇上你: 第二十二章：遲到

「請勿靠近車門，Please stand back from the doors.」
 
啱啱過完長假期返學，又搞耐左先出門。
 
我衝入車廂，見到一個熟悉而高眺既身影，隔住係玻璃，戴住耳機聽歌。
 
估唔到返學竟然見到Felix 。
 
我用手指篤篤佢膊頭，佢除低左耳機，一臉驚訝咁望住我。
 




「早晨呀！估唔到今日竟然見到你！」我同felix揮揮手。
 
「係呀，平時我地都好少撞到。」
 
「你又知我地平時好少撞到？」
 
「因為之前返學見過你。」
 
「你咁都認得？」
 




「同校所以有留意，不過好少見你咁遲。我頭先聽緊one direction 既what’s you make beautiful，一唔一齊聽？」felix微微一笑問。
 
「識聽喎，我都有聽開one direction既歌！」我興奮咁講。
 
felix比左一邊藍牙耳機比我。
 
“ You don’t know you’re beautiful, that’s what makes you beautiful.
（你唔知道自己幾吸引，而呢點偏偏最吸引。）
 
Everyone else in the room can see it, everyone else but you.




（房入面每個人都睇得出，淨係你睇唔出。）
 
The way that you flip your hair gets me overwhelmed.
（你撥下頭髮個樣，已經令我心跳爆炸。）
 
 Right now I’m looking at you and I can’t believe, you don’t know you’re beautiful.
（我望住你，都唔信你竟然唔知道自己幾吸引。）」
 
「呢首繼story of my life 之外，我第2首鍾意聽既歌…就到九龍灣！」我望到路線圖上綠色閃住既燈光。
 
我望望手機，發現依家係07：55，距離學校閂門時間仲有5分鐘。
 
「依家係07：55！我地一落車，一出去就跑去學校！」Felix眼神堅定咁講。
 
「你感覺好有經驗咁喎！」講完之後，我嘴角微微一翹。




 
「你陣間跟我後面，包你唔會遲到！」felix拍晒心口咁講。
 
「如果遲到，咁點算呀？」我有啲擔心咁問。
 
「唔好問咁多，我依家跑啦！」幕門一開，felix即刻狂奔。
 
屌，我醒唔起felix係籃球隊，平時做開運動，佢梗係跑得快，5分鐘內一定跑到返學校。
 
對於我呢啲長年唔做運動既人嚟講，根本就係impossible mission。
 
「喂….我唔得啦….」我已經喘晒氣。
 
見到felix距離已經大幅拋棄左我，企緊原地既我卻欲哭無淚。
 




「Hailey！」我見到felix同我距離越縮越短。
 
Felix跑返轉頭搵我。
 
「唔好….唔好過嚟，你行先…」我見到felix之後講。
 
「Em…要遲到就一齊遲！反正我平時都留開堂，哈哈！」
 
我望望手機上既鐘，顯示07：58，如果felix繼續跑，絕對趕得切。
 
「依家仲有2分鐘，你真係唔洗理我，無謂連你都遲到啦！」
 
「你食左早餐未？」felix帶點傻氣既笑容問。
 
「下，今日就遲到，梗係未...」我一面狐疑望住felix。




 
「咁啱啦，明明跑左陣，就好肚餓，我地去附近茶記食埋早餐先啦！」felix放慢腳步，向學生相反方向行。
 
2019年，第一日返學，我不但遲到，我竟然同felix係茶記，慢慢食早餐。