每消滅一隻怪獸，我條女對波就大一個cup！: 19

我喺盔甲腰間嘅背後抽出劍柄，跟手用力一fing。

銳利嘅刀鋒隨之展露鋒芒。

我雙手揸住劍柄，忍住四周嘅惡臭，吸一啖大氣，用盡全身嘅力，咆哮式大嗌：

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！！！！！！

升cup戰衣嘅戰鬥力瞬間狂升。除此之外，我手上嗰把鋒利嘅合金劍，更發出耀眼嘅光芒。





啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！！！！！！

我相信自己呢刻嘅音量，應該係大聲到連出面都聽得到。

隨住分貝力急升，升cup戰衣嘅戰鬥力再一次突破600%。

「死青蛙，你去死啦！」

我揸住發光嘅長劍，對住面前一堆內臟用力劈落去，啲腸呀胃呀心肝脾肺腎，全部俾我當牛雜咁斬。





呱呱呱呱呱呱呱呱呱呱呱！隻青蛙當然就係痛到呱呱叫！

跟住我乘勝追擊，將把合金劍舉高過頭頂，然後雙腳用力跳起。

我好似上次咁，一支箭咁向上飛，鋒利嘅劍尖督穿曬嗰啲五臟六腑，直衝上隻青蛙嘅頭頂。

下一秒，我成個人破頂而出。

隻青蛙個頭頂穿咗個大窿，不過咁樣仲未完。





我揸住把劍，順勢向下，狠狠咁劈落去。

鋒芒一閃，隻巨型大青蛙就好似一個西瓜咁，從上而下被我劏開兩邊。

就係咁，隻嘢俾我隊冧咗，佢嘅一堆內臟、血水灑滿一地。

我彎低腰，喺一堆腸入面搵到粒紫石。

正當我以為戰鬥結束，準備要解除變身嘅時候，忽然之間有人喺後面劈咗一刀，同時隔籬又有幾個人向我發射離子炮。

呢班突然偷襲我嘅人，正正就係另外嗰五個升cup戰士。

佢地打唔贏隻怪獸，居然反過嚟攻擊我，想從我手中搶走紫石。

仆佢個街！估唔到呢班人咁卑鄙！





佢地五個人將我完全包圍，四男一女，面目猙獰，手上各自揸住刀槍，打算一齊衝埋嚟對付我。

我本來打算反擊還拖，點知喺呢個時候，有個人行埋嚟大嗌咗一聲：「停手！」

呢個人聲如洪鐘，「停手」兩個字鏗鏘有力，一出聲就馬上拋窒嗰五條友，就連我都幾乎嚇咗一跳。

順住把聲望過去，我見到一個身材高大，滿身肌肉嘅男人。

「你地幾條友竟然玩偷襲，簡直卑鄙無恥！你地唔配得到紫石，唔配擁有巨乳！」

個大隻佬左眼眼角黐住紗布，個樣好兇狠咁同嗰五個人講：「我俾三秒時間你地，我要你地同呢位先生鞠躬認錯，如果唔肯認錯，咁就咪怪我唔客氣！」

嗰五個人嚇到面都青埋，拿拿臨向我鞠躬認錯，跟住就走夾唔抖，急急腳走人。





個大隻佬出面幫我趕走嗰五條友之後就轉身離開。

同時間，我發現剛才揸住鋼筋，喺天橋半天吊個阿叔落返地下。

個阿叔同個大隻佬講多謝，應該就係個大隻佬救咗佢。

我望住個大隻佬離開嘅背影，喺佢身邊有一個身形高挑，而且非常大波嘅女伴。

此時此刻，我諗返起之前喺黃金海岸見過一模一樣嘅背影。

佢地身材一樣咁高大，身上一樣散發住強大嘅氣場。

唔通嗰日嗰pair男女就係佢地？

「Oh shit！又趕唔切！又miss咗一個機會！」





同上次一樣，梁sir又係嚟遲咗一步。

佢睇到我手上揸住紫石，同我講：「朱仔，好嘢喎，又打敗多隻怪獸。」

但我掛住觀察嗰pair男女，一時間無反應過嚟。

梁sir見我望到眼都唔眨，於是就順住我嘅視線望過去：「下唔係呀嘛？嗰個咪Z大俠？」

「Z大俠？」

「嗰個超級肌肉大隻佬咪就係Z大俠囉，呢條友之前打怪獸，唔小心爆咗眼角，爭啲眼都盲，仲以為佢休息多一排，估唔到咁快就出返嚟！唉！今次難搞啦！」

「點解佢叫Z大俠咁搞笑嘅？」





「搞笑？遲啲你就笑唔出架啦。」