每消滅一隻怪獸，我條女對波就大一個cup！: 26

「朱大志你個衰人！你竟然掛住睇大波妹都唔嚟氹返我！」

Yanny行埋嚟我身邊，睄到我部電腦個mon上面有幾幅Z cup巨乳相。

我同對方解釋話：「我唔係j大波妹，我只係google一下Z cup係咩嘅樣。」

「下？Z cup？你之前又話J cup就夠？依家仲想要Z cup？」

「唔係我想要Z cup，而係有個叫『Z大俠』嘅升cup戰士，佢嘅目標係想佢女朋友對波變成Z cup，所以我先好奇想知Z cup究竟有幾大。」





「唔係呀嘛？Z cup喎？對波大到咁，部𨋢窄少少都入唔到啦。」

「呢個世界真係咩人都有，竟然有人想要Z cup，誇張啲講句，對波變到咁巨型，莫講話夾腸，連頭都夾得爆啦。所以我唔貪心，好似宇都宮咁J cup就心滿意足啦...」

弊！我好似講漏嘴...

「邊個係宇都宮？」Yanny眉頭一皺，碌大對眼睥住我。

「Er…佢呢…就係…」





「你唔使講！我自己查！」

Yanny一手攞走我部notebook，跟住喺google搜索欄上面輸入「語都工」。

雖然三隻字入面有兩隻字佢都打錯咗，但google自動幫佢校正，顯示返「宇都宮」。

其實就咁打「宇都宮」，搜尋結果只係出現會日本嘅宇都宮市。

所以Yanny望住部電腦，有啲一頭霧水，見佢一副茫然嘅表情，我以為今次過到骨。





點知Yanny用關聯字去search，即係搵下「宇都宮」後面通常跟一啲咩嘅相關字眼。

之後佢就搵到「宇都宮 女」，㩒落去就彈咗「安齋拉拉」嘅資料出嚟。

熟悉日本AV嘅朋友都知道，「安齋拉拉」就係宇都宮紫苑依家用嘅新名。

Yanny望住個mon，讀出上面顯示嘅人物資料：「J級『神之乳』安齋拉拉，原名宇都宮紫苑…哦~~原來你想要J cup就係因為呢個av女優。」

「邊係呢...我都唔知識佢...唔係你search佢我都唔知係邊個嚟...」

「你仲扮嘢！頭先我聽住你話『好似宇都宮咁J cup就心滿意足啦』！」

「Er...其實呢...就...」

「哼！既然你咁鍾意呢個J cup宇都宮，咁今晚你攬住佢瞓啦！」





Yanny將部notebook隊返埋嚟俾我，跟住嬲爆爆衝返入房再鎖埋道門。

唉頂…頭先一時口快快，收唔住把口，結果搞到自己今晚要做廳長。

我歎咗一口氣，望一望部電腦，再望一望宇都宮對波，本來有啲心煩，但一見到嗰對J cup巨乳，心情又好返少少。

我真係好想Yanny對波都可以好似佢咁大，問題係依家多咗Z大俠呢個咁強勁嘅對手，之後睇怕都唔會咁容易攞到紫石。

究竟條友係點樣可以嗌得咁大聲？居然一下子將分貝力提升咁多。

同埋佢嘅戰鬥力究竟去到一個咩程度？

1000%？1500%？定係2000%？





唉算啦，暫時唔好諗咁多，都係瞓啦。

早啲休息，咁先能夠養足精神，保持充足嘅體力戰鬥。

至於Yanny...我諗瞓完覺聽日佢就嬲完架啦。

當第二日醒返嘅時候，我擘大眼就見到身上多咗一張被。

仲有茶几上面擺放咗一杯潤喉嘅蜂蜜檸檬水。

睇嚟Yanny應該都下咗啖氣，不過身為男人，點都要有返啲表示，最好都係要主動去氹返女朋友。

於是我就要用梁sir嗰招，一大早偷偷地蛇王，去花店買扎花，跟住親自送上去Yanny返工嗰間公司，負荊請罪。

基本上呢個世界上無女人係唔鍾意花，就算Yanny見到我都仲係嬲爆爆咁樣，但係見到扎花，嘴角都係忍唔住向上提起。





「嗱，收咗扎花，你就唔嬲我架啦。」

「唔得喎，我仲未嬲完。」Yanny揸住扎花，扁嘴個樣都幾可愛。

「咁你嬲多一陣好啦，再嬲你塊面就真係出皺紋架啦。」

「哎呀！你個死人朱大志，又講呢啲嘢嚟激我！」Yanny細細力搣咗我一下。

「啲啲啲！啲啲啲！」

同一時候，我手上嘅變身手環響起警報聲。

有怪獸出現！





而且隻怪獸就喺Yanny公司附近。