每消滅一隻怪獸，我條女對波就大一個cup！: 27

我同Yanny一齊落樓，然後行過幾條街，嚟到銅鑼灣時代廣場門口。

晴朗嘅天空上面，穿咗好大嘅窿，一隻怪獸從異世界降臨返嚟地球。

而呢隻怪獸係一隻…？甲蟲王者？

我之所以會有咁嘅聯想，係因為佢係一隻體積巨型嘅獨角仙。

嘭唥！！！





隻嘢一嚟就用佢頭上又長又尖又硬嘅角，撞爛時代廣場嘅建築外墻。

玻璃幕墻同嗰幾條裝飾柱，仲有嗰部大電視，統統都被粉碎。

見到咁大隻甲蟲，鬧市中嘅市民同遊客驚慌大叫，爭相躲避，場面可謂一片混亂。

我叫Yanny行遠少少搵個地方避一避，跟住自己就變身戰鬥 。

而除左我之外，在場已經有十幾個升cup戰士嚟到現場。





之前喺戰鬥嘅時候，我習慣先觀察敵人，但依家多咗Z大俠呢個對手，我無得唔改變策略。

依家嘅我要速戰速決，要趁Z大俠嚟到之前盡快打敗隻怪物。

事實上唔單止係我，其他升cup戰士亦都有同樣嘅諗法，大家一變身就即刻爆seed，出盡全力進攻。

「啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！」

我揸實拳頭，氣聚丹田，擘大喉嚨盡情咁嗌出聲。





老實講，每次戰鬥都樣咁嗌法，把聲其實開始爛爛地，但為咗戰鬥、為咗巨乳，無論點都要繼續嗌落去！

「啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！」

升cup戰衣燙滾發熱，力量急升！

每當戰鬥力突破50%，戰鬥甲頭盔內部兩側就會發出訊號：

「Max Power：650%！」

「Max Power：700%！」

「Max Power：750%！」

「Max Power：800%！」





呢一刻，戰鬥力再一次達到800%，不過咁樣仲未夠，我需要更多再多嘅力量！

我要用我嘅丹田繼續嗌出嚟：

「啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！」