每消滅一隻怪獸，我條女對波就大一個cup！: 29

只要用咗一招，Z大俠就秒殺咗隻怪獸。

至於佢嗰位豪乳級女朋友，一早就企定定喺時代廣場門口，迎接自己所向披靡嘅男朋友。

戰鬥結束得太快，快到晴天博士都仲未嚟到。

Z大俠揸住粒紫石，拖住佢女朋友企咗喺度，跟住有一個升cup戰士行過去，向佢提出一個offer：「我願意出三萬蚊，買你手上粒紫石。」

「我唔賣。」Z大俠語氣冷淡咁回答。





「五萬蚊制唔制？如果你仲係嫌少，我最多可以出到十萬蚊，甚至二十萬！」

「無論你出幾多錢都好，我都唔會賣！假如你真係想得到巨乳，咁唔該你就用自己嘅努力同拼搏，親手打敗怪物。因為呢個世界上有啲嘢，係要靠自己親手爭取返嚟先有意義！」

Z大俠非常決絕咁拒絕咗對方嘅offer。

估唔到居然連錢都無辦法收買到佢，睇嚟佢真係一心追求Z cup巨乳。

但對於我地呢班升cup戰士嚟講，打又唔夠佢打，俾錢佢又唔要，咁仲有咩辦法可以從佢手上攞到紫石？





唔通真係要等佢願望成真，等佢條女變成Z cup甚至係ZZ cup，等到佢收手之後，咁我地呢班升cup戰士先得fight？

問題係到時仲有無咁多隻怪獸？仲有無咁多粒紫石？

過咗一陣，晴天博士嚟到，佢將Z大俠手上嘅紫石放入機器，練成豐胸丸。

我就趁呢個時候行過去，問對方依家異世界嗰邊仲剩幾多隻怪物。

晴天博士拎返實驗室個record出嚟睇一睇，然後答：「唔夠20隻，得返19隻怪物。」





聽完呢個答案，我嘅視線第一時間轉移到Z大俠條女心口嗰對豪華巨乳身上。

食完豐胸丸，佢對波再變大一個cup，由本來好似籃球咁嘅size，一下子變到欖球咁大。

而我亦都無謂轉彎抹角，直接問Z大俠：「你女朋友個胸，依家係幾多cup？」

「K。」對方短短咁回答咗一個英文字母。

我即刻數數手指，計下K到Z中間相差幾多英文字母。

K...LMNOPQRSTUVWXYZ。

得出嘅答案係，15個。

家陣異世界得返19隻怪物，Z大俠需要再打敗多15隻怪物，咁就可以實現佢嘅Z cup夢想，但之後就只剩返4隻怪物。





再計一計，我女朋友Yanny依家只係C cup，若果我想佢升到J cup，咁就要打敗多7隻怪物先得。

所以唔可以等Z大俠願望實現，以為等佢退場就可以瓜分到其他紫石，因為怪物同紫石嘅數量根本唔夠我地咁多個人分。

仲要晴天博士一路有keep住招攬新嘅升cup戰士打怪獸，因此競爭只會增加，唔會減少。

換句說話講，若然想要實現心中嘅巨乳夢，唯一嘅方法就只有同Z大俠以及其他升cup戰士硬碰硬練過。

而經我一問，晴天博士亦都透過變身手環，向所有升cup戰士發佈餘下怪獸嘅數量。

大家見到「19」呢個數，心入面都知道僧多粥少，接住落嚟嘅戰鬥必須要加倍努力，先有機會一嘗巨乳嘅滋味。