每消滅一隻怪獸，我條女對波就大一個cup！: 50

雖然佢斷咗條尾，但仲有兩隻巨型大鉗。

呢一刻，佢就好似一個拳擊手咁瘋狂揮動大鉗攻擊。

我地全部對眼入曬沙睇唔到嘢，只能憑感覺避開。

我合埋眼，一邊拖實Yanny隻手，一邊閃避。

點不知，對方突然間fing開我隻手：「喂你做咩拖我隻手呀！」





我瞇埋眼，用眼尾睄一睄...

仆街！原來我拖錯人，唔小心拖咗Z大俠隻手。

咁Yanny呢？

我冒住迎面撲嚟嘅風沙，夾硬擘大眼，見到Yanny喺我前面。

當我行前想伸手捉住佢嘅時候，隻蝎子突然用佢嗰隻巨型大鉗，一嘢狠狠咁打落Yanny對波度。





之後Yanny成個人向後跌低，我就第一時間衝過去扶起佢。

對方好痛苦咁掩住個胸，如果唔係有件盔甲頂一頂，Yanny對波應該已經俾隻嘢打扁咗、

豈有此理！呢隻仆街怪獸竟然夠膽打我條女對波！

可惡！呢個世界上只有一個人可以掂Yanny對波，嗰個人就係我！

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！





我唔理周圍飛起嘅風沙，擘大口好嬲咁大嗌。

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！！

唔知係咪有憤怒值加乘，呢次我一嗌就發出頭腔、鼻腔、胸腔三點共鳴，聲音嘅分貝一下子爆炸式咁上升。

「Max Power：2100%！」

「Max Power：2200%！」

「Max Power：2300%！」

當數值過咗三位數嘅時候，戰鬥力就係每100%咁增加上去。

銀色嘅升cup戰衣喺風沙之中，冒出火熱嘅白煙，並發出閃耀嘅銀光。





我感覺到全身不斷有力量湧緊出嚟！

啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊！！

我憤怒大嗌，戰鬥力不斷攀升！

「Max Power：2700%！」

「Max Power：2800%！」

「Max Power：2900%！」

最後喺一瞬間之內，我嘅戰鬥力突破到3000%！





戰鬥甲所散發嘅銀色光芒，慢慢轉變成金色。

繼Z大俠同梁sir之後，我亦都終於成功突破第二形態，化身成為金色戰士。

戰鬥甲散發住金色光芒嘅我，無視漫天飛沙，不顧沙塵入眼，手執住金光閃爍嘅合金劍，向住隻蝎子正面突擊。

對方出手用鉗鉗住我，我仰天大嗌，谷盡全身嘅力，突破佢嘅封鎖，直接將佢嘅大鉗撐開。

之後我飛身一躍，揸住金色長劍，用盡3000%嘅攻擊力，打直咁向下劈落去。

超強大嘅力量令我好似切豆腐咁劈開敵人堅硬嘅外殼。

下一秒，隻蝎子從頭至身，裂開一條金色嘅線痕，然後全身一分為二，一命歸西。