每消滅一隻怪獸，我條女對波就大一個cup！: 56

「你條仆街阻頭阻勢，我忍你好耐啦！」

「我連B cup都揸唔到！你憑咩揸Z cup！」

「屌你老母正義撚！」

一眾反Z聯合軍怒氣沖天，圍住Z大俠瘋狂攻擊，發洩憤怒。

佢地完全唔留手，直接近距離向Z大俠開火，又用鋒利嘅合金劍亂斬亂劈。





為咗保護自己嘅女朋友，Z大俠先護送W女郎離開戰場，然後自己一個獨力應付廿幾個升cup戰士。

「好啦喎！如果你地再唔停手，咁就咪怪我唔客氣！」

Z大俠一邊揮劍鏘鏘鏘隔擋，一邊警告對面班聯合軍。

「哼！你講得咁嘅嘢即係睇少我地？你以為自己真係武林大俠，可以以一敵十呀？」其中一個反Z聯合軍反駁並挑釁Z大俠。

「你地人多蝦人少，非君子所為！真係豈有此理！」 呢個時候，Z大俠終於忍無可忍，要大嗌出招。





啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊——

但點知嗰班反Z聯合軍竟然拎出聲音干擾器，用強烈嘅噪音掩蓋Z大俠把聲。

要增加升cup戰衣嘅分貝力，就必須係要人聲。呢一刻，Z大俠把聲完全俾啲噪音蓋過咗，所以無辦法提升到戰鬥力。

呢班反Z聯合軍果然真係早有預謀。

結果Z大俠發唔到力之餘，仲俾幾個升cup戰士捉住手腳，完全郁唔到，然後再俾十幾位升cup戰士輪流用劍SM。





本身匿埋咗嘅W女郎，立即衝出嚟想幫男朋友解圍，但情急之下，手忙腳亂，只係幾下手腳就俾班聯合軍打到趴低。

而我同Yanny喺另一邊廂就繼續同隻大蜈蚣鬥磨。

我地斬斷咗隻嘢七、八隻腳，令佢移動力大減，跟住再不斷用劍同離子炮攻擊，估計隻怪獸依家應該只係得返三分一血。

假如我地繼續同佢磨落去，應該好快就可以打低佢。

然而，當我見到Z大俠俾班升cup戰士當正係殺父仇人咁㩒住砌，我又好想去幫佢。

我承認Z大俠的確一個人壟斷咗好多紫石，但其實佢並無做過任何傷天害理嘅事，加上之前佢幫我過解圍一次，道義上我算係爭佢一個人情。

咔喇一聲！Z大俠件甲頭上堅硬嘅頭盔，俾人用劍劈斷咗。

頭盔跌落嘅碎片割傷咗佢嘅額頭，滲出紅色嘅鮮血。





同時佢身上嘅黃金戰衣滿身裂痕。

呢班反Z聯合軍非常兇狠，完全唔留手，咁搞法隨時會出人命。

我真係好想去救佢，問題係我同Yanny仲爭少少就可以磨死隻怪獸，假如呢個時候去幫Z大俠，咁隨時會俾其他戰鬥緊嘅升cup戰士執死雞。

唉...我一下子陷入咗兩難局面…

究竟去救Z大俠好，定係唔好理，專心對付怪獸？

啊啊啊啊啊啊啊啊啊啊啊啊啊啊啊啊啊啊啊啊啊——

Z大俠奮力反抗，並歇斯底里咁吶喊。





可惜雙腳難敵四手，俾幾個人㩒住，佢根本無辦法掙脫，而且仲有噪音干擾器，徹底掩蓋佢嘅人聲，令佢無辦法突破更高嘅戰鬥力反擊。

最後我都係睇唔過眼，忍唔住出手去解救Z大俠。

「你去邊呀？」Yanny問我。

「我去救人啊！」

Yanny見我去救Z大俠，於是都唔理隻怪物，跟埋我一齊去幫手。