森の浪人去旅行 Season 3 （Update ：20251205 #16）: 森の浪人去旅行 Season 3 #14 20251121
讀者須知：
1. 本物品內容可能令人反感;不可將本物品派發、傳閱、出售、出租、交給或出借予年齡 未滿18歲 的人士或將 本物品向該等人士出示、播放或放映。
2. 讀者必需年滿18歲。
3. 本作品純屬故事創作，人物、插畫、故事完全虛構。
讀者責任：
1. 請支持原創。
2. 歡迎讀者到 Patreon、Instagram留言。
3. 請以Patreon登入gmail，發一個訊息列明，如「希望得到第五集。」，以便管理、多謝合作。
Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員。
森の浪人去旅行 Season 3 #14
喺TOP cafe入面，條隊啱啱到Yoyo。
我對Patick講：緊係啦…講呢啲…我哋不嬲都係朋友嚟㗎嘛。
Patrick聽到我咁講，好似放心咗。突然，佢轉話題，講：你仲係咁鍾意睇AV啊？
吓？好正常咋嘛，而家咩年代啊？
我：啊…我無你咁好，有女朋友啊嘛…
Patrick：唔…咁你知唔知邊個叫相沢優子？
吓！咩話？Patrick竟然同我講AV？而且，仲要一下就講出一個我從未聽過嘅女優名？唔通係新人？Patrick，竟然仲update過我？雖然我對於未聽過呢位女優嘅名而覺得好似輸咗畀Patrick，不過，我同時又為終於成功開發嘅Patrick而感動。我即刻好想畀個WhatsApp message好耐無聯絡嘅Sophia家姐，話畀佢知今日嘅Patrick終於大個仔！
我：…哦…無…無喎…你咁update嘅…哈哈…
Patrick：無？咁你返去好睇下喇。
嘩…巴閉喇。哎…唔識人喇…相沢優子…洗唔洗叫你Patrick哥啊？
Yoyo捧住餐返嚟…
Yoyo對Patrick講：嗱…呢間有豬扒飯喎…
就係咁我就再見到呢兩位中學同學，既然我已經約好咗Yoyo，咁幫Greta嘅事都算有啲進展。中間仲好開心見到Yoyo同Patrick都唔同晒。
Patrick…真係好懷念以前一齊同Sophia家姐補習嘅日子啊。我又諗返起嗰次三人同床嘅往事。可能大家都會好奇，最後我哋點解會好耐無見呢？
其實，嗰次之後嘅一個補習日，我哋仲可以如常補習。不過，期間feel到Sophia家姐經過一星期嘅休息，已經掛住我掛得好犀利。但佢又唔想Patrick再次加入，話晒上次都已經fulfill咗考到全級前五嘅奬勵，但Sophia家姐好好，就算知道自己同Patrick唔夾床緣，佢都唔想攪到好似踢佢出局咁，所以都會正常咁離開我屋企，喺下面等一陣，直到我再WhatsApp佢，佢就上返嚟。
不過，我一直懷疑最終都係畀Patrick見到，所以由某次之後，Patrick無再嚟我屋企補習。
Patrick無再嚟補習…同時，同我喺學校成為純打波先會見到嘅朋友。我又留意到Patrick真係好認真追求Yoyo，我就真係自甘不如喇。唉…喺學校，我淨係識得留意Yoyo對波有無大到，明知都著晒校服㗎啦，邊睇到有無大到呢？不過，我就係咁。直到有一次，我喺麥當勞撞到Patrick同Yoyo…我就知佢哋關係應該已經好好。
我好遠咁望佢哋。唔…Yoyo…叫咗4號餐，原來Yoyo 鍾意食雞嘅。噫？喂，等陣先，Yoyo 做咩除衫啊？食雞要除衫㗎？
當我仲羨慕緊Patrick可以近距離睇住Yoyo 除衫之際，我發現Yoyo原來都已經有C底。過多幾年，考埋入大學，事業一定平步青雲。唔…Patrick，真係識揀，將來Yoyo事業有成，分分鐘餐餐都係殘廢餐，淨喺Yoyo養都夠餵飽佢。
唉…我…祝福你啦，好兄弟。
至於我同Sophia家姐…自Patrick唔再嚟補習，我同Sophia家姐就喺同樣兩個鐘嘅補習時間內，一人負責做一個鐘補習老師。
暑假尾聲，Maggie家姐喺英國交流完返嚟，本來Maggie家姐想終止Sophia家姐同我嘅補習班，但喺我極力爭取之下，Maggie家姐同意我哋繼續。
自從Maggie家姐返咗嚟，有啲日子我總會掛住Maggie家姐多啲。當然，有幾次，啱啱下晝Sophia家姐同我補完習，Maggie家姐放工返嚟又會主動照顧我。呢啲日子都令我幾苦惱。
有一次我真󠄉係下晝太攰，夜晚真係要休息，但如果我拒絕Maggie家姐，一直對我邊日咩狀態瞭如指掌嘅Maggie家姐一定會起疑。不過，當時我啱啱開始認真執筆畫畫，所以我就同Maggie家姐提議，不如今晚做我model，畀我畫下人像畫。Maggie家姐非常鍾意我呢個提議，尤其係Maggie家姐特別鍾意嗰套沉船電影，男主角畫女主角，所以佢覺得我呢個建議特別浪漫。我就乘機練畫加休息，畫完畫又可以話太攰要瞓覺，Maggie家姐一啲都唔會懷疑。
當然，因為每次都係由Maggie家姐出題，所以又有幾次，Maggie家姐擺埋啲超性感嘅pose，我用筆尖游走過Maggie家姐全身後，最終都係要Maggie家姐親手同我對答案達旦。
最慘嘅唔係呢樣，仲有一個情況係畀一日踢兩場聯賽更慘嘅，就係Maggie家姐喺Sophia 家姐嚟補習嘅日子放假，兩個家姐同時喺屋企！
因為Sophia家姐知道Maggie家姐喺屋企嘅話，係會同Maggie家姐鬥性感㗎！Sophia家姐知道Maggie家姐model身材，企起身、坐低、甚至講句說話、抖啖氣都係性感，但就知道Maggie家姐嘅缺點就係波細，同時波大係自己嘅優點，所以Sophia家姐係會同Maggie家姐鬥少布、鬥質感嚟搏火。
大部份呢啲battle之後都係同一結果。首先，Sophia家姐喺補習日會覺得自己戰敗，然後夜晚，我會幫Sophia家姐搵Maggie家姐報仇。再喺下個補習日，Sophia家姐嬲咗成個禮拜之後用我嚟出氣。計落，我都有賺嘅…不過就補習日嗰日會辛苦啲囉。唉，其實佢哋兩個係有絕對同盟，締造和平嘅契機㗎，問題就在於大家唔好好溝通，真係希望有一日可以見到佢哋玉帛相見、和平相處。
咁…開心嘅日子…一直嚟到Sophia家姐入咗大學。有日一，Sophia家姐喺床上，趁我未瞓著之前同我講：Mori …
我：…？
Sophia家姐：大學生活真係好唔同啊…
我聽到Sophia家姐咁講，我突然有一種唔通佢喺大學識咗男朋友嘅感覺。
Sophia家姐：我想自己變得強啲啊。
變強啲？我當時都唔明白Sophia家姐嘅意思。
Sophia家姐繼續講：大學入面有一個社團…Sophia家姐唔知要唔要參加啊…
我：咩社團啊？
Sophia家姐：係一個專門訓練女大學生嘅社團。加入咗之後，會教你做大女人。
我：哦…？你要做大女人咩？
Sophia家姐：我想好似Maggie家姐咁叻啊。
我：哦…咁佢係幾叻嘅。
Sophia家姐：做嘢又叻…又靚…身材又好…
我：咁你已經係啦，又識做、又靚、身材仲…
Sophia家姐打咗我一下：唔係喺你面前嗰種啊！
我：…唔係喺我面前，喺床上囉。
Sophia家姐再打我一下：…
我又講：你已經好叻啦。
Sophia家姐：唔係啊，我…我要叻啲，我要識得保護自己，唔好好似媽咪咁。
原來係同佢父母離婚有關。
於是，我好肯定咁講：參加啦！
Sophia家姐：吓？
我：一於參加！我支持你！
Sophia家姐攬住我：Mori …
我當然係真心支持Sophia家姐，因為我從來無諗過Sophia家姐會因為呢個社團而離開我。
幾個月之後，我再次同Sophia家姐盡情咁互相失禮。呢次，Sophia家姐同我講：Mori…今次之後，我哋可能有一段日子都唔可以見面喇…
我：吓？點解？
Sophia家姐：之前同你講過嗰個幫女仔成為大女人嘅社團呢…我嚟緊要去受訓啊…
我：受訓？咁唔洗上堂啊？
Sophia家姐：要…咪好似交流生咁去受訓嘅地方一邊上堂，一邊受訓囉。
我：吓？咁去邊啊？
Sophia家姐：本來呢個社團嘅總部就係喺香港，不過，我係香港人，所以要去外國受訓。
我：即係邊啊？
Sophia家姐：紐約。
我：吓？紐約？
Sophia家姐𡃶我：Mori…你會支持我㗎呵？
Sophia家姐咁問，我幾難接受都好，我都唯有繼續支持佢。
Sophia家姐驚我唔開心，又講：社團全部都係女仔，唔洗驚。同埋…大M字…永遠都係你嘅…
就係咁，Sophia家姐就去咗紐約。然後，可能因為受訓太忙…無再覆我WhatsApp…然後…然後…然後…就到今日Patrick同我再次提起Sophia家姐。
由TOP返嚟嘅夜晚，我諗起Patrick除咗提起Sophia家姐之外，就係提起新女優相沢優子，於是上網search一下佢咩料，竟然可以得到我哋Patrick哥嘅賞識。
我喺MadamAV度search，但係…無嘅？啊！MadamAV啲片係update，但喺AV網之中都未算最快，於是我再去search幾個AV網。不過…都無。吓？無喎。Patrick哥…無理由啲消息快過啲正式公司㗎喎。等陣，咁耐無見，唔通Patrick真係已經識到內幕人士？無可能啦，條友，連扑自己條女都唔識。AV界關佢鬼事咩？不過。咁就仲怪…
於是，我試下喺google搵…相沢優子…
吓！真係有相沢優子嘅報道喎！但係…吓？喺幻想日報？香港㗎喎。睇下先…吓！！！
我一連睇咗幾個香港媒體嘅報道，結果嚇咗我一跳！原來呢位相沢優子…竟然係香港人！過去半年，憑喺MeTube直播沖涼爆紅，上星期宣布即將赴日成為香港第五位日本女優。
哦，原來係咁，自從繪麗奈成功喺日本出道，港女總算覺醒，明白港男始終心繫香港。嚟到今日Patrick介紹我嘅相沢優子已經係第五位成功喺日本出道嘅香港女優，咁都幾好啊。咁大新聞，唔怪得Patrick會知啦。咁即係…佢唔係因為女優資料update所以知道有相沢優子嘅存在，而只係因為新聞太大。唉…咁我又要修正自己對Patrick已經大個仔嘅睇法。
直播沖涼？聽落都幾正喎。不過…奇怪嘅係，呢啲全部都係純文字報道，未見過樣，都唔知會唔會係伏，始終香港仲係大膽夠勇先去做女優，未發展到靚、正、索先去做女優嘅風氣。
於是，我又怕會中伏，都係唔好嘥時間。反正等多陣，家姐就會入嚟。
星期四，係我約好Yoyo帶我見教授嘅日子。我嚟到薄扶林，見到Yoyo。
Yoyo：我有同嗰位教授講過會帶你去見佢㗎，佢肯見你，其實應該都會幫你嘅。
我：唔，多謝你。
Yoyo：咁你女朋友有事，我都希望幫到你嘅。
我：啊！係朋友咋！
Yoyo：你咁肯幫佢，就算未係女朋友，都已經唔係普通朋友啦。
我：…
Yoyo：Mori…對唔住啊…我同咗Patrick一齊…
我：儍的嗎？對咩唔住？我好開心你同Patrick一齊喎！
Yoyo：其實以前喺學校，我好鍾意你啲畫㗎。
我：哦…多謝喎。
Yoyo：我以前有諗過…如果有一日，Mori可以畫我一次就好喇。
我：…
Yoyo：我嗰時太細個，唔夠膽同你講。
我：咁…而家都可以嘅…
Yoyo：真係？唔…而家大個咗，過到自己嗰關。但係…唔…我要問下Patrick畀唔畀先…
我：哦…咁都啱嘅…再唔係…我畫埋佢囉。
Yoyo：畫埋佢？咁佢一定唔肯喇。
我：哈，係啊，做model要好有耐性㗎…
Yoyo：唔係啦，佢超好耐性啊！
我諗起嗰次同佢同Sophia家姐三人同床。唔，係，Patrick係超好耐性㗎。
但係，Yoyo嘅意思真係嚇親我。
Yoyo：Patrick唔鍾意除衫㗎。
我：吓？
Yoyo：唔…如果畀Mori你畫，我想除衫畀你畫啊…
吓？Yoyo真係大個女喎！可以畫全裸嘅Yoyo，我當然爽，但問題係…咩話？Patrick唔鍾意除衫？
Yoyo：如果要Patrick除衫，佢會嬲㗎。如果連我都除埋，佢發癲都似。
我：哦，咁又無可能要你喺佢面前除衫畀我畫嘅。
Yoyo：唔係啊！佢…佢就算得我同佢，佢都唔除衫㗎！
我：咁…都要睇情況嘅…
Yoyo：Mori啊…你話呢…男女上床，係咪應該要除衫啊？
我：吓？咁…正常就…唔…都唔洗一定要除晒嘅…有啲主題都…幾好啊…
Yoyo：Patrick呢…上床唔鍾意除衫㗎…連我…佢都唔畀我除….
我：吓？你係佢女朋友喎。
Yoyo：唔。咪就係女朋友囉。
我扮唔知、扮Patrick無同我講過：咁你哋有無…？
Yoyo：…有…有掛…
乜嘢啊？有掛？有就有，冇就冇，有掛？唔係喎！Patrick嘅話，真係會有「有掛」㗎喎！
Yoyo：啊！到喇！你陣間由呢度上四樓，407號房就係教授喇。
我：咁…
Yoyo：過多陣先上去啦，教授脾氣好奇怪㗎。你太早，佢會唔知點對你。
我：哦？咁…你…
Yoyo：我會去一去社團…然後…
呢個時候，Yoyo見到自己個社團嘅廣告，於是向我介紹。
Yoyo：Mori…我個社團啊。
我行前一睇：哦？招募新團員？女性專屬？
Yoyo：唔，我呢個係好犀利嘅社團嚟㗎！專教女仔變成大女人！所以只限女團員。
咩話？我腦入面閃過Sophia家姐當日喺床上面同我過類似嘅嘢！
Yoyo有啲失望咁講：不過，我做唔到真正嘅團員…只可以幫手做admin…
我：點解？
Yoyo：真正嘅女團員，如果係香港人嘅話，要去紐約受訓㗎。
係喇！紐約！呢個係Sophia家姐當日加入咗嘅社團！
Yoyo補充：我唔想去紐約啊…
我：其實點解係紐約嘅？
Yoyo：哦？你問得咁內行嘅，哈哈。外人都無人會咁問。我都問過啲前輩，佢哋話，因為紐約啲樓夠高夠密喎。
我：啲咩話？樓？
Yoyo：唔，因為社團嘅訓練會喺天台進行，所以一定揀有高樓大廈密集嘅城市。
我：咩訓練嚟㗎？
Yoyo壓低聲線：有啲嘢，我話畀你知，你就唔好對外講喇。我哋呢個社團，幕後組織其實就係天台女團。
我：天台女團？
我腦入面閃過之前係米蘭天台救過我同Greta嘅天台女團！隊長當日嘅說話唔係就表明天台女團同香港好有關係咩！原來真有其事！咁即係話，Sophia家姐當日係加入咗天台女團！！！（參見Season 2）
Yoyo嘅聲音將我從入定中叫醒：啊！好喇，Mori，你去搵教授啦。我去社團做啲嘢。
我：之後，我哋…
Yoyo：我之後會去聽個talk，我諗你都有興趣㗎。你嚟搵我啦！bye！
森の浪人去旅行 Season 3 #14 - 完
成為Patreon免費會員，支持香港原創。
http://Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員。
=26pxSeason 1 佛羅倫斯篇 修訂版 （唔睇前面，點知後面講乜！！！）
https://www.penana.com/article/1947738