【異世界】異式幽默: 第七章：交易現場

第七章：交易現場

為了更了解語意力的事情，我打算四周打探。可是阿麵指出我是村中唯一一個能使用語意力，而普遍村民對語意力的認識都不大。得知從外地而來的商隊在明天會到來進行商隊交易。於是我們阿麵就決定找雅瑪的裝備店尋求協助。

到了晚上，我們就回到雅瑪的裝備店了，這次就只有雅瑪一人，並沒有出現戚仔和他的手下。

「雅瑪Ｈｅｌｌｏ。」

「係麵麵同小丑啊！」雅瑪揮手說。





「我幾時變咗小丑咖？！我個樣似小丑咩？」我說。

「唔係啊，琴日戚仔叫你咖嘛。我覺得幾襯你啊哈哈哈！」雅瑪笑說。

雖然雅瑪對我沒有昨天的敵意，但係恥笑度拉滿，恐怕以後都要被她稱為小丑了。

「咪住先，我地嚟係搵雅瑪你講正經嘢咖。」阿麵這時打斷我們的對話說。

「啊係啊，我地想加入你聽日嘅商隊交易啊。因為我想睇下商隊嘅人知幾多語意力呢樣嘢。」我說。





這時候雅瑪露出認真的臉：「當然可以啦！」

雅瑪指一指木頭車上的裝備，再說：「咁啱聽日我都要人幫我搬嘢！你哋真係嚟得啱時候。聽日交易嗰陣我報埋你地係臨時工就得咖喇。」

我和阿麵都同時舉起手指公，表示無問題。

「不過同大家講一講聽日嘅狀況先，如果唔係我地就會露餡咖喇。」雅瑪說。

大家舉起手指公同意。
說罷，我們就在裝備店旁邊的桌子開始了這個簡介會。





「聽日中午嘅時候，商隊就會差唔多到。佢地會喺村口側邊嘅一個空地set好個臨時帳篷。」雅瑪對住攤開的地圖指手劃腳。

她繼續：「商隊嘅人當中有商人之外，仲有包括一啲旅行者、學者等等。亦都有可能有啲唔關事嘅人。所以如果有人同你地交易，盡量將佢交俾我，或者你覺得有可疑就禮貌咁拒絕就OK咖喇。」

「似乎好似好嚴肅正經咁，咁幾時先可以到我哋去問嘢？」我問。

「我地有個傳統，就係完咗交易之後就會開party。呢個時候，你哋就可以盡情問嘢喇。不過就算聽日問唔切都唔緊要，佢地會逗留喺呢度幾日，應該夠時間問嘅。」雅瑪說。

我打斷了雅瑪的話：「不過我哋仍然唔好講我有語意力呢樣嘢，抱住一個八卦想知嘅心態就夠喇。畢竟都唔知對方實際係咩人，萬一對方係衰人，對大家都可能有危險，我唔想因為我令大家危險。」

雅瑪點頭說：「真啊，小丑！我本來就係想講呢樣嘢，好醒！」

阿麵望一望我：「我呢我呢。」





我說：「係啊係啊，阿麵你對語意力就最熟……所以當大家問嘢嘅時候，你一定在場。」

雅瑪贊成：「係啊係啊，麵麵好緊要！如果唔係我哋可能聽咗啲我地都唔明嘅嘢。」

麵麵害羞的笑了一笑。「好！我…盡力啦！」

雅瑪轉身在木頭車中找出兩張清單，說：「呢兩張係聽日會交易嘅裝備，雖然你地唔使參與交易，但係至少都要有啲咩同埋知啲嘢擺喺邊。你知你地啲男仔成日都粗心大意，啲嘢又亂擺，有呢張ｌｉｓｔ就掂喇！」

於是整個晚上，我們的腦袋，就滿是刀刀劍劍、盾牌和裝甲。

到了第二天的中午時間稍早時候，我和阿麵先到雅瑪的裝備店。

「早晨啊！」雅瑪向我們揮手。

我們都揮手回應：「早晨！」





我們一起將裝備放到幾輛大手推車，然後各自將手推車推往交易現場去。

雖然不知道對方是多少歲，也不知道自己在這世界是多少歲。但至少感覺大家的年紀都相若，而且感覺是久違的青春。
每天上班下班，就連周未都累得只想躺在家中休息。差點忘記了這種與其他人在外面合力做一件與工作無關的事情了，是一種什麼的感覺。

我們三人最後都在商隊交易開始前抵達了交易現場。
現場由本來的空地頓時變成一個小市集，熱鬧程度亦不亞於晚上的「跳早市場」。
不過這個小市集偏向商業為主，就像日本漁市場競投的那一種。一堆堆的人群都是商家為主，各自都在準備好自己將會交易的物品，亦有的人與其他商家在交流等等。

「嘩……有少少緊張添。」這時候，終於想起自己是I人這件事情。看到人來人往的場景，甚至被其他人問及我們的貨品時特別緊張和害羞。

「無事嘅，總之我地跟琴晚計劃行就冇事咖喇。」阿麵安慰我說。

「係囉放心啦小丑，冇事嘅。會出事嘅機會率都唔高。」雅瑪說。





於是我們都一邊點算或擺放好我們的商品，一邊想構思究竟有什麼問題要問。我可能怎樣才能透過語意力成為異世界最強人物等等。

這時候，周圍開始出現了一些議論的聲音。
同時留意到，交易時間已經過了本來預計的時間，難道有些不妙的事情發生了嗎？

「咩事啊？咩事啊？」阿麵在問周圍的人。

「我地都唔知啊，商隊好少遲到咖喎……」

「我地搵幾個人沿佢地嚟嘅路睇下咩事啦。」

於是連同我和阿麵在內一行幾人，沿著商隊前來的道路去尋找商隊。

「阿麵啊……點解大家咁緊張嘅，都只係過咗幾個字未到咋喎。」我問。





「因為商隊交易無論咩天氣同有幾多嘢賣，從來都唔會遲到。一嚟佢地路線永遠都係一樣，二嚟附近都冇發生冧樹之類嘅報告，三嚟冇人會夠膽對皇城嘅商隊落手。所以商隊好大可能係出咗事。」阿麵解釋。

「哦……即係好似啲ＧＡＭＥ交易倒數咁，每日六點定唔知幾時就會有得交易咁，每次都固定時間。」我自己解釋。

我們走到一處山坡，正看到有個大叔走向我們。

「係咪商隊嘅人啊？」我們之中有人問。

大叔喘著氣說：「你地係樹春上村嘅人啊？係啊，我地係商隊啊……我地架車隊出咗少少奇怪嘅狀況啊。你地可唔可以嚟幫幫手。」

大家互相對望一下，於是一起走前了幾步。
在山坡下的道路看見一架架戴著貨物的以馬來拉著的貨櫃車。
看清楚一點，原來道路罕有地佈滿了泥濘。無論馬匹怎樣發力向前走，貨櫃車都沒有向前走。

亦看見商隊的人慢慢將貨物從車中搬出來。

我們幾人決定前去協助他們。