《I miss U》: 12 慶功

「我哋返嚟啦～」

我把頭縮回去便聽到阿軒的聲音。

「等咗你哋好耐啦，搞掂？」我問。

「搞掂！走得！」若真說。

我們趕緊收拾好東西，走到校門外。





「我哋一齊食夜晚？」我問。

「唔啦！我同政軒返去仲要趕工畫畫。」

「咁返屋企囉。」

和政軒分開後，我和若真一起走。

「你哋又要趕工畫畫咁chur?」我問。





「係呀，好快就deadline。」若真說。

「嗰個比賽係咪好勁架？贏咗係咪有好多錢㗎？」

「都算勁嘅，冠軍獎金有五萬蚊，另外得獎者可以喺藝術中心免費展出作品，所以好多高手參加。」

「哇，五萬！我到時喺藝術中心睇完你嘅畫，你就請食飯，完美！個展覽係幾時？」

「咁多勁人，我都想贏呀！展覽喺暑假搞。」





「個主題係咩？你畫咗啲咩？見你成日神神秘秘咁。」

「主題係自己喜愛嘅人事物。」

「你話我實贏㗎嘛，到時你去睇咪知。」若真接著說。

「希望到時去到啦！」我有點不確定。

「點解係希望？你要講一定去！應承我！」她捉著我的手腕說。

「好啦，你贏到再講。」

「嗱，你話咗一定去㗎，如果我贏咗你又唔去，咁我嬲你一世。」她瞪大眼睛對我說。

來到熟悉的紅綠燈口。





「冬皓辰！呢排見到你開心返，我都好開心。」若真說。

「可以同你哋一齊玩先會咁開心，我都好多謝你。」

「唔使多謝喎，綠燈啦，我返去先，拜拜！」她帶著笑眼向我揮手。

「拜拜！」

之後走回家的十分鐘，我一個人想了很多，思緒混亂。

翌日。

「早晨，各位同學，喺開始大餐之前，我哋要先多謝我哋班嘅皓辰、若真、政軒同埋張莉，辛苦佢哋佈置班房，大家係咪都覺得佢哋整得好靚呀？」班主任李老師問。





「係～」同學們拍手回答，眼睛卻一直盯緊桌子上的食物。

「李Sir，仲有一個叫阿耀嘅同學幫手！」小莉説。

「嗰個中六同學？我好似有啲印象，你幫我代表我哋班多謝佢。」

「好！」

「好啦大家，我哋開始食嘢啦！」

佈置的評審老師在我們大餐途中來了，他們看了一會，好像很滿意的樣子。

不出所料，我們的佈置是全校最佳，雖然獎品只是一些零食，但也是對我們努力的肯定。

「好嘢！」我們歡呼。





「都話我哋得㗎啦！」小莉説。

「有若真同阿軒兩個大佬，點輸呀？」我說。

「我哋只係簡單構圖，都要大家一齊努力先整到出嚟。」政軒說。

「啱呀，不如我哋今晚去食餐慶功宴？」若真問

「好！」我們回答。

「我都得！唔好漏咗我呀！」窗外傳來阿耀的聲音。

又來了，我們忍不住哈哈大笑。





晚上，慶功宴後，大家似乎意猶未盡。

「不如我哋去海邊坐下。」我問。

「可以！」大家異口同聲的答。

「聽下海浪聲，吹下海風，應該好舒服。」若真說。

「我去買酒，有冇人飲？」阿耀問。

「我！」我和政軒同時說。

「我…都想試吓。」若真説。

「成班酒鬼，我會敏感，唔使預我。」小莉說。

就這樣，我們去了海旁，一邊喝著酒一邊聊天。

「有啲悶，不如我哋玩真心話大冒險？」阿耀問。

「好呀！」

我們起初還是挺正常的互問問題，做一些簡單的大冒險。

但是隨著醉意漸濃，我們開始大膽起來。

我轉動酒瓶，瓶口指向了小莉。

「真心話！」她毫不猶疑。

「你鍾唔鍾意阿耀？」我問。

「鍾意！」唯一完全清醒的小莉直接回答。

「Wow~」我們歡呼。

其實我們多少一直都感受到，只是阿耀有點遲鈍。

「真係㗎？」阿耀未反應過來。

我拍拍阿耀，向他伸出大姆指，說：「識做啦。」。

接著到小莉轉動酒瓶，酒瓶指在了我和政軒的正中間。

「咁你哋一齊講鍾意邊個啦！」阿耀搶著問。

「喂！」小莉似乎想阻止他。

「無所謂，講囉。」政軒說。

看得出這已經不是我們熟悉的那個政軒，他醉了。

「數三聲我哋一齊講！」政軒説。

「三！二！一！」

「夏…」

「……」