我係鹹濕仔: 03 約會

03 約會

約咗珊珊喺地鐵站間七仔度等，離遠見到佢今日著得好索，吊帶小背心，加若隱若現嘅短外套。重要嘅係，係佢今日著咗我最鍾意嘅短裙仔同埋去到小腳中間嘅中筒襪。喂呀！又要引誘我！

我用意志力控制住過度活躍嘅細佬，慢慢行去珊珊後面。喺佢耳邊用我壓低嘅聲音講：「你今日好靚。」然後一下從後面抱住佢。

「呀——！」珊珊咁驚呼咗一下，捉住反抱住我嘅手臂，然後面紅到耳仔都紅埋，唔識講嘢咁：「唔⋯⋯唔好啦⋯⋯」

我喺佢耳邊用氣聲講：「攬吓女朋友唔得咩？」我雙手啱啱好圍住佢個bra底，佢嘅小波濤啱啱好喺我手臂上面著陸。feel到佢成個人震晒咁，我特登再攬實少少，感受吓個地心吸力，加上細路揩到珊珊個patpat⋯⋯哇⋯⋯好正⋯⋯





珊珊可能feel到細佬頂住咗佢，佢有啲怕醜咁轉身離開我嘅懷抱，偷望下我，但又低頭唔敢望：「呢度⋯⋯好多人呀⋯⋯」

佢真係好鬼死可愛，我笑笑口咁放開手，尊重佢嘅意願：「OK。」

佢鬆一口氣，含羞答答咁講：「你遲到⋯⋯我要罰你。」

「好嘅好嘅。」珊珊真係一個超鍾意我嘅女仔，好順我意，我話點就點。不過有時都會畀少少甜頭佢，等佢覺得我都好愛佢。哎吔，女人就係要氹㗎啦。我握住佢白滑嘅手，按摩住佢軟腍腍嘅手指：「你想罰咩？罰咩都得。」

「一陣睇戲我要食大爆谷⋯⋯珍珠奶茶⋯⋯唔係我畀你拖⋯⋯我隻手⋯⋯㗎⋯⋯」佢愈講愈細聲，仲慢慢縮開手。





哈哈！佢真係好pure，唔係扮。爆谷之嘛，咁簡單嘅嘢，梗係一口應承佢。最緊要係可以拖返佢隻手，十指緊扣住咁行去戲院。

//