33歲返幼稚園搵真愛: 1212

陽光燦爛得刺眼，母親捉緊我的手拼命追的士，「搭前面㗎1212吖！」她猛向的士招手，希望它能停下。我們順利上車，只是剛燙好的新恤衫已濕透。車窗外，高樓大廈漸變獨立屋，鄰里距離越拉越遠。
 
母親望著窗外：「誠誠屋企好大啊！」的士停在半山三層洋房前，計程錶顯示「$121.2」。母親嘟囔著付錢，心裡暗數：新恤衫、禮物、車費，全是錢。鐵閘自動開啟，工人姐姐在門口等著。大宅內熱鬧非常，十幾個小朋友圍著長桌，桌上擺滿零食汽水，後花園有充氣彈床和玩具車賽道。牆上時鐘指著「12:12」，我心想，這麼多1212，莫非天使有提示？
 
誠誠穿了西裝打扮像個小王子，見我就衝過來：「恆仔！嚟玩賽車！」十幾架遙控車排排企，每人一架。寶欣穿藍色連身裙，看得出經精心打扮過，只是顏色略舊。「快啲喇！」誠誠大叫，我從未見他在幼稚園這麼興奮過。車子繞圈飛馳，寶欣的車還在原地打轉。「陳寶欣，你唔識玩就行開一邊喇，阻住哂！」男孩破口大罵，寶欣失去自信，低頭不語。我跟她說：「你幫我數圈。」她認真點頭：「一、二…十二！」誠誠勝出，我故意落後讓他做主角。工人姐姐分發雪糕，每人一杯。奶油滿嘴時，數男孩起哄：「錫佢！錫佢！」，並推寶欣往誠誠那裡，寶欣紅到耳根。
 
派對尾聲，誠誠在生日蛋糕前閉眼許願，全場唱歌，我獨自盯著燭光：今日也平安結束吧。眾人圍著誠誠拆禮物，我視線落在桌上一堆生日卡上。九十年代的設計真醜，寶欣這張手畫的反而更顯心思，我翻下一張，封面有「1/2/1/2」造型的蠟燭，我打開來看。
 
「邊個係Lai Ping？」我猛搖誠誠手臂。
「一齊上跆拳道班個姐姐，你唔識㗎啦。」誠誠笑嘻嘻的回答。




「佢係咪喺度？」恆仔環顧四周。
「一早送完禮物走咗喇。」
 
名字似是巧合，但這張卡是「1212」發出的訊號，在普通祝福中跳出。2026年的她，到底是否安好？