33歲返幼稚園搵真愛: 鄰居王小姐

「你係咪想搵佢？」Leann的聲音帶著笑意，像隔著時空逗弄一個孩子。
 
恆仔心沉到底，她的聲調、語氣，都跟記憶中的女友差天共地。雖然不知道她為什麼要說認識麗萍，但興趣已失。
 
「唔係……」恆仔低聲答。
 
Leann完全沒料到對方會這樣回應，想了想，問「佢係你朋友？」
 
恆仔握緊話筒，突然意識到，原來最心痛的並不是打不通這電話號碼，而是發現接通了，但再也不是原來的那個人。
 




Leann察覺冷場，開了個玩笑：「我係你鄰居王小姐啊！呢兩日走廊有陣臭味由你屋企飄出，你盡快處理下，雖然我知你ADD咗我，但都唔使咁勤力夜晚打過嚟㗎！」
 
「如果我話我老過你，你信唔信？」恆仔探問。王小姐快步走入大堂，升降機緩緩下降。
 
「嗱，大哥哥，一係你下次打嚟唔好咁晏，早少少我都可能陪你吹兩句。」王小姐看了看自己的Apple Watch：01:23 a.m.。
 
「咁係咁先喇，掰掰。」他輕聲說，像成年人對平等對話者的道別。
 
王小姐聽著這彷彿似一個成年人的口吻，心裡微微一動。呢個細路，不簡單。升降機門「叮」一聲開啟，雙方同時掛線。王小姐入lift，拿走無線耳機，按了樓層。
 




「佢又打嚟喇！本身我諗住鬧爆佢，不過係個細路嚟…」王小姐向男友發WhatsApp語音，滔滔不絕。
 
語音發出後，她望向升降機內的玻璃，撓一撓自己的短髮，看著鏡中的自己，有一絲疑惑。