成長的天空: 社長

開咗學去到第四個禮拜，我欠交嘅功課堆積如山，呢幾日都俾肥楊(即係我嘅班主任楊Sir)捉住留堂做返啲功課。今日係星期三，响呢個禮拜，我已連續第三日留堂！唉~！

捱到四點半，肥楊話佢要去開會，大發慈悲咁放我走。個肚餓餓哋，走落canteen買咗兜魚蛋燒賣同一支蘋果綠茶醫吓肚。食食吓，身邊傳嚟一陣汗臭味......

「喂，Form 1仔，可唔可以請姐姐飲嘢食燒賣呀？」

原來係Heidi社長，佢坐咗响我對面，身上著住PE衫，成身汗。

「社長？可...可以呀！」我遞咗支竹籤俾Heidi社長。



「咪社長前社長後咁叫啦，鬼咁老土！你叫我Heidi或者師姐就得㗎啦。」Heidi師姐唔客氣咁篤咗兩粒燒賣食，仲攞起我支飲過嘅蘋果綠茶，岳高頭離口咁飲咗啖。

「我練緊手球，銀包放咗响locker，下次請返你食。」師姐又再篤多兩粒魚蛋。

「社大會嗰日，你係坐响第一行中間嗰個Form 1仔吖嘛！」Heidi師姐又飲咗啖綠茶，不過今次佢冇離口，掂住樽口咁飲！

「社...師姐...你...你認得我？」我望住Heidi師姐，佢件短袖PE衫兩隻衫袖捲咗上膊頭，好似足球小將日向小次郎咁著。佢嗰陣汗味都幾勁，不過靚女嘅汗味，我係一啲都唔介意，我仲覺得幾好聞添！

我感覺到條周周扯起咗！好在有張枱遮住，Heidi師姐應該睇唔到！



「梗係認得你啦，嗰日我講嘢嗰陣，我見到你好專心咁聽我講嘢。我講到口沫横飛，有幾次見到啲口水噴咗落你塊面度，好鬼尷！..….」Heidi師姐笑住咁講，「本來想揾返你，請你食嘢嘅，點知依家仲要你請添！」

「係呢Form 1仔，你叫咩名？讀邊班？」

「我...我叫...陳家輝，1B班...」唔知點解，對住Heidi師姐，我硬係口窒窒嘅！

「1B，陳家輝，好，我會記住嘅！」Heidi師姐又再掂住樽口飲多啖綠茶，「係呢，你聽日放學得唔得閒？」

「都...都得閒...冇嘢做嘅...咩事呀師姐？」我問。



「下星期一係水運會，要pack啲物資去泳池，但係班社幹呢幾日去咗個咩建設大灣區學界交流團，要星期六晚先返。冇人幫我手，咪想睇吓你得唔得閒嚟幫吓手，咁囉！得唔得唧？」Heidi師姐用懇切嘅眼神望住我。

「冇...冇問題，我聽日會嚟。」其實我都唔知聽日使唔使俾肥楊留堂。

「好，咁你放學嚟社房揾我，聽日見！」Heidi師姐飲多啖綠茶，起身跑返去操場練波。

Heidi師姐食咗我大半兜魚蛋燒賣、飲咗大半支綠茶。師姐嗰陣汗味好似仲殘留咗响呢度咁，我拎起師姐個咀掂過嘅綠茶，將個樽口掂住我咀唇，幻想緊同師姐kiss緊，我feel到條周周扯到行一行！