成長的天空: 四社大會

開咗學第二個星期五，學校宣佈下晝唔使上堂。吓，咁荀？原來係開四社大會。

「力行」有四個社(House)，分別係明、道、立、德，全校學生入學嗰陣已被編入唔同嘅社，即係好似睇Harry Potter咁，不過唔使戴分類帽咁啫。我就入咗明社(Ming House)，代表明社嘅顏色係紅色。

四個社分別响學校唔同嘅地點開社大會，明社開社大會嘅地點就响地下室內操場，即係canteen嗰度。工友叔叔、姨姨收起晒canteen啲長枱長櫈，放咗十幾行學生櫈，變成一個小型集會場地。我按照prefect指示，坐咗响第一行中間個位。冇幾耐，全部社員到齊，明社嘅社大會正式開始。

首先由上屆社長介紹今屆社長社幹，全部都係中五嘅。今屆社長係個留住一頭清爽短髮、身形高佻嘅靚女，叫蘇凱琪，英文名Heidi。

Heidi社長個樣，生得有啲似香港樂壇老牌女子組合Twins嗰個阿Sa。你會問，點解我會識啲咁老餅嘅偶像歌手？因為我老頭阿媽都係Twins嘅超級fan屎囉！我屋企貼咗唔少阿Sa阿嬌嘅poster，老頭仲成日話依家啲歌手不知所謂，唱歌冇阿Sa咁好聽，又唔識打側手翻！......



Sorry！扯遠咗，講返Heidi社長先。佢今日著住件紅色明社PE衫同黑色運動長褲，佢企响我前面唔夠兩米，揸住支咪介紹幾位社幹，講吓今年明社有咩大計咁。Heidi社長把聲好好聽，不過佢講嗰啲內容我完全聽唔入耳，我全程望實Heidi社長，完全
俾社長嘅身形樣貌吸引住！

Canteen只幾把有吊扇同幾把掛牆扇，冇冷氣，所以坐落都幾熱吓。Heidi社長講嘢嗰陣响我面前行嚟行去，我見到社長額頭同條頸有啲汗珠，件PE衫有啲汗水滲咗出嚟。有幾次佢講嘢嗰陣，啲口水仲飛咗落我塊面度，不過靚女口水，我係唔介意嘅！(如果係楊Sir啲口水就...我想死！)我仲隱約聞到陣淡淡嘅汗臭味，好似係由Heidi社長身上傳嚟。靚女陣味湧入鼻哥窿，我下面條周周好似有啲反應！

Heidi社長講完嘢，就輪到啲社幹揸咪，同啲社員玩吓遊戲、玩下問答比賽，送吓禮物咁囉，最後就叫吓社口號，咩「明社健兒跨啦啦，籃足手排都稱霸」之類呢啲低能口號。

社大會完畢，散band放學，我亦正式過咗兩星期嘅Form 1仔生活。