【甜】《那一年，我是一個援交妹》: 遲到

只要嗰個月唔夠錢還嘅話，佢哋就會毫不留情上門拍我哋屋企門，為咗避免呢樣嘢發生，我除咗盡一切可能去搵錢之外，就係主動上去佢哋個地方，然後用一物換一物。

用嘅係，我嘅身體去換取短暫嘅安全…

食飽早餐之後，我哋兩姊弟快快手喺房換好校服就出門口，我細佬間小學返學時間早過我間中學，但我送完佢返學，望一望手機驚覺我自己時間無多。

唯有急急腳跑返去。

「黃子妤同學！你又遲到！！仲要開學第一日就遲到。」





我喺學校大門俾男訓導主任截住，佢著住套老土嘅polo衫同西褲，佢一年到晚都係呢身造型。

「差一分鐘…」

「同學，遲到就係遲到，明知遲到又點解唔早啲出門口呢？企埋一邊俾風紀摘名先。」

返學第一日就俾呢個討厭嘅訓導捉到正，跟住有個女風紀過嚟叫我拎本手冊出嚟。

對比起個訓導，呢個女仔感覺上溫柔啲。





個女風紀打開我本手冊去到獎罰表嗰頁，一路摘低我遲到，一路陰聲細氣咁講。

「同學，你件內衣太深色喇，唔符合學校要著淺色內衣嘅標準，所以我要記錄埋。」

佢講嘢嘅時候全程無抬起個頭，繼續默默咁摘完我遲到紀錄，又再加多個儀容不整嘅紀錄。

我今日又真係戴咗個黑色lace嘅胸圍，連條底底都係同款黑色，喺我哋條薄薄嘅白色校裙之下，應該都幾明顯可以睇到係透咗出嚟。

而我哋學校記滿八個呢啲遲到同儀容不整嘅紀錄，就會自動變成一個缺點，開學嘅第一日，我已經達成咗四分一。





「同學你記得俾家長簽完名，聽朝要過返嚟俾我哋檢查。」佢雙手遞返本手冊俾我，語氣都好禮貌。

「係…」

因為遲到，無得返上班房放低書包就要直接去操場度聽早會，尋晚我差唔多成點幾先返到屋企，一朝早就要企足半個鐘都幾難捱，仲要操場早會條隊係由矮至高咁排，偏偏我係最矮嗰個女仔，企到最前，近距離對住個台同啲老師，想合埋眼養下神都唔得。

兼且早會去到一半嘅時候，我俾我個班主任陳sir叫咗出去。

「黃子妤。」

「係。」

台上面啱啱校長講完嘢，依家到學生會致辭，陳sir似係把握住呢個時機叫我出嚟，但就搞到我零零舍舍咁企咗喺操場旁邊特別顯眼。

「你今日開學就遲到，你上年已經成日遲到，你個樣仲要無嚟精神咁，尋晚肯定好夜瞓啦？」





我都知唔會係好事，果然一嚟就俾佢訓話…

「…」

與此同時，我眼尾睄到隔籬理科班好靚嘅嗰個班主任Miss Chan都望咗過嚟，我班都有幾個女仔八卦望住我。

「尋晚幾點瞓啊？你大個女㗎喇，呢個學期可唔可以唔好再遲到？」佢…有啲長氣。

「…」我選擇沉默不語。

「你睇下，你又係咁，話你兩句就唔出聲。」

「嗯…」事實上係我都唔知講咩好。





「同埋啊，上個學期家長日，你媽咪無嚟到，最終改完時間又係無嚟，學校規定，點都要補返一次見面。」

「我媽咪佢…要返工，唔知得唔得閒。」呢個係我作咗嘅大話。

「明白要返工未必就到啲時間，一係朝早返工前呢啲時間，或者放工後都得，問題係暑假呢段時間我打俾你媽咪又無人聽，留咗言又無人覆。」

「佢可能有啲忙…」

「咁樣啦，你今晚返去同你媽咪講，要再同陳sir約返個時間見面，呢樣嘢好緊要你知唔知呀？」

「係…」

「你都知你自己上學期啲成績係點㗎啦。」

「…」





陳sir見我唔出聲，佢一時三刻都好似諗唔到仲有咩嘢可以話我，我望住佢，佢又接唔到下一句，兩個人企咗喺操場外面，個場面好似變咗僵局…

「你啊，一係就唔出聲，一係就擺住呢副可憐樣，我真係無你符，你返埋位繼續聽早會先啦。」

「嗯…」

我企返埋位之後，側邊同學啲目光又再望過嚟，不過礙於有老師巡嚟巡去，佢哋啲眼神一瞬即逝好快又望返向台上面。

早會完結返到班房之後，我打開返本手冊，喺遲到同儀容不整嘅嗰個家長簽署欄度，偷偷地簽咗個名落去。

唉，萬一俾陳sir知道屋企淨係我同我細佬嘅話，咁點算好。