香港女子圖鑑: 第二章：沙田與太古坊 ( 一 )

大學畢業之後，林薇憑着佢first honor 嘅成績同出眾嘅外表成功入咗太古坊嘅頂級廣告公司「星耀國際」做 Account Executive。為咗慳錢，佢搬返去沙田河畔花園同父母細佬一齊住。但個單位得兩間房，林薇唯有同已經十五歲、正值青春期嘅細佬共用一間房。房入面最顯眼嘅，就係嗰張佔咗大半個房間嘅上下格床——細佬訓下格，林薇訓上格。

以前中學嗰陣，細佬仲係小朋友，兩姊弟同房都無乜所謂。但而家細佬大個咗，下格床堆滿晒亂七八糟嘅遊戲機同漫畫，有時仲見到啲揑到成球嘢咁、用過嘅紙巾，房入面嗰陣青春期男性荷爾蒙味道真係避都無得避。林薇每次換衫，一係要捐入廁所，一係就拉埋塊薄到透光嘅床簾匿喺上面換。

每日收工返到屋企，又要爬嗰條銀色、踩落去痛到死嘅鐵梯，縮入嗰個連轉身都難嘅上格床。每晚聽住下層細佬喺度打機，再唔係有時聽到下邊張床架喺度『吱吱、吱吱』聲咁搖。佢冇怪細佬，知道咁大個仔有生理需要，但望住嗰個近到壓落嚟咁款嘅天花板，心入面真係好委屈。每日返工已經很攰，返到屋企竟然連想獨處靜靜地休息嘅空間都無。佢真係想可以快啲獨立，搬出去住。

而阿峰，憑著嶺南大學那張體育教練嘅沙紙，喺屯門一間中學擔任體育助教(TA)兼田徑隊教練。阿峰嘅工作非常簡單：每日在烈日下的操場吹著哨子，大聲吆喝著班細路跑圈，或者滿頭大汗地搬動跳遠、跨欄的重物。他對這種生活感到極度自豪，覺得穩定、無壓力，放工後還可以留喺學校同班學生打場波，佢像個永遠長不大的男孩子。

然而，林薇的世界在踏入「星耀國際」那一刻起，就已經有切底嘅變化。





林薇個部門主管叫張凱，三十三歲，已經係公司公認的「生招牌」兼Business Development部門總監。張凱嘅外型幾乎完美：鼻樑高挺、眼神深邃得像能看透人心，頭髮修剪得乾乾淨淨。加上佢長期做Gym，著起深色西裝嗰陣，嗰對橫膊頭同埋窄腰真係完美。佢每次行入會議室，條呔永遠打得一絲不苟，成個人散發出一種低調但好有壓迫感嘅成熟男人味。佢把聲低沉穩重，講嘢唔快，但次次都一針見血，令下屬不得不服。

最重要係佢工作極度認真，從來佢永遠最早返公司、最遲走，深夜嗰陣，成日見到佢喺辦公室專注睇Report嘅側臉——嗰陣燈光射落佢輪廓分明嘅面上，真係成個「禁慾系男神」咁。

公司班女同事成日喺茶水間「吱吱喳喳」講佢：
「張總今日嗰套深灰色西裝……真係型到爆。」
「佢到底有無女朋友架？又後生又有錢，生得咁靚仔，無理由仲係單身嘛？」
「我聽講佢從來唔去聯誼，亦無見過佢同邊個女仔行得近……佢會唔會係Gay架？」
「無可能掛……不過佢真係好神祕，私生活直頭滴水不漏。」





各種傳聞滿天飛，但張凱從來唔理，對住林薇同其他員工一樣，指導工作嗰陣把聲溫柔得嚟好精準；林薇OT到好晏嗰陣，佢都只係會淡淡然講句：「小心啲，早啲返屋企」，然後又繼續埋頭苦幹。嗰種唔係刻意、但自然流露出嚟嘅熟男魅力，在林薇眼中，代表著另一種層次的生活——一種不需要在沙田舊樓爬上下格床、不需要在屯門操場曝曬，優雅的精英世界。