儲物室的餘溫: 第十五章　衣櫃

第十五章　衣櫃

早上，外面傳嚟一啲雀仔叫聲。床上面，兩個赤裸裸嘅人相擁住。

Miss Yung先醒來，佢輕輕推開阿凱，見到阿凱嘅熟睡樣，心裡面有一個疑問：「點解⋯⋯係佢⋯⋯？」

呢一個冇答案嘅問題，Miss Yung其實都問咗自己好耐。佢唔敢承認自己鍾意咗一個學生，亦冇諗過佢哋會行到嚟呢一步。佢唔知點算好，長長咁呼咗一口氣，又開始眼濕濕。

呢個時候，阿凱都醒咗，見到Miss Yung就笑起嚟：「早晨呀，靜雯。」





靜雯，係自己個名，係自己要阿凱咁叫佢。Miss Yung諗返起，真係覺得好羞恥，只有低頭回應：「嗯⋯⋯早晨⋯⋯」

呢個時候，門鐘響起，再傳嚟另一個帶隊同事嘅聲音：「Miss Yung，你起身未？」

Miss Yung嚇到成個人坐咗起身，即刻搵電話，原來已經係七點！佢約咗同事，開個早會商討今日流程。佢同阿凱四目交投，露出一副唔知點算好嘅表情。

門鐘再響起，兩個人迅速、急忙起身著返衫。Miss Yung著好上衫，扣好個bra，好驚俾人發現：「佢哋可能會入嚟開會⋯⋯點算⋯⋯」

「Miss Yung！」出面又撳鐘又拍門：「開會喇！」





「等我一陣，換緊衫。」Miss Yung向住門大叫。

「諗辨法去第二間房，咁樣得唔得？」阿凱半裸上身，衝去收埋自己對鞋。

「我試吓⋯⋯」Miss Yung心急又擔心，指住廁所，口都窒埋：「你⋯⋯匿埋⋯⋯匿埋喺入面先⋯⋯？」

「衣櫃啦，廁所佢哋可能會用。」阿凱將自己嘅嘢掉晒入大衣櫃。

Miss Yung走去幫手閂衣櫃門，閂門前，阿凱拉住佢隻手，拉埋自己度，嘴對嘴錫咗一啖：「唔怕，冇事嘅。」





短短嘅兩秒Kiss，令Miss Yung冷靜少少：「嗯。」佢閂好度門，再留返少少罅畀阿凱抖氣。

Miss Yung心跳好快，爭啲想暈低咁濟。喺大門打開之後，佢有意冇意咁用身體擋喺門邊，握住門柄嘅手，忍唔住係咁震。

「Miss Yung，你唔舒服？」Miss Chan問：「你好似有啲面青青咁。」

「呀⋯⋯可能⋯⋯瞓得唔好啫。」Miss Yung強顏歡笑。

「喂，你尋晚聽唔聽到呀？」Miss Lee好八卦咁細聲講，陰陰嘴笑：「好似有人攪嘢，我聽得好清楚，個女仔仲嗌得好爽咁。」

Miss Yung真係嚇到心都離一離，因為Miss Lee間房就喺隔離。

Miss Chan都好想知：「我冇聽到喎，好早就瞓咗。知唔知邊間房？」

「咁我又冇走出嚟聽，唔知邊間。」Miss Lee又再奸笑一下：「剩係知尋晚可能都好激烈咁解，呢度啲隔音真係差，好彩啲學生唔喺呢邊。」





Miss Yung真係一句聲都唔敢出，臉上面只有疆硬嘅微笑。Miss Chan推一推Miss Yung：「喂，你真係冇事嘛？神不守舍咁。」

「冇⋯⋯冇事。」Miss Yung而家要帶佢兩個走，要離開呢間房：「不如去你嗰邊傾？」

「唔好走嚟走去啦。」Miss Chan同Miss Lee都走咗入房，坐低咗喺床旁邊嘅櫈，背住咗衣櫃：「快啲傾完要去叫啲學生起身食早餐。」

好簡短嘅15分鐘會，Miss Yung覺得好似度日如年咁，好似過咗15個鐘咁耐。其間佢不停咁觀察衣櫃嘅動靜，好幾次都爭啲畀同事發現佢望衣櫃。

「Miss Yung，你望緊咩？」Miss Chan見Miss Yung神不守舍，好奇一問。

「哈哈，未瞓醒啫。」Miss Yung提返精神，提起笑容，繼續開會。

開完會，送咗Miss Chan同Miss Lee走，閂返度門，佢先至鬆一口氣。佢望住由衣櫃走出嚟嘅阿凱，佢滿頭大汗，笑容滿臉咁走過嚟。





阿凱攬住Miss Yung：「好彩你哋唔係開好耐會，爭啲焗死。要唔要執行李？使唔使幫你？」

阿凱身上嘅熱氣同氣味，衝擊住Miss Yung嘅感官。確確實實咁知道，呢件事已經返唔到轉頭——佢唔想離開呢個熟悉嘅懷抱。

//