追求演藝的Mikaela: 04

細文問：「嗰個有錢女係唔係小龍女來架？」文文：「當然唔係啦，只不過依家啲人鐘意睇小龍女，佢見小龍女受歡迎，就想霸住個做小龍女。」文文繼續說關於姑媽替細文和Mikaela算命的事：「姑媽話呀，個女人前世功德修唔晒，成唔到菩薩，就成左阿修羅，但係有一面係善相，睇落都好似菩薩。」細文小學時有讀過佛經，對六道輪迴這事有些觀念，知道阿修羅有三頭六臂，性情暴躁好戰，男修羅的相貌極醜，女修羅的相貌卻是極美，他亦愛看漫畫，書中提及有一個地方叫修羅之國。細文問文文：「校外嗰個女仔係咪修羅之國來架？」
文文：「修羅之國其實係指一個叫福岡的地方，喺日本㗎，佢鄉下喺邊度我就唔知啦，總之你要小心佢啦。」
文文轉個話題：「頭先見到你嗰班俾人告個女仔匆匆忙忙咁走出去，佢去邊呀？」細文就將她趕去中環找律師的事告訴文文。文文聽後大為緊張：「律師唔係咁樣搵架，你叫佢上來搵我仲好啦，可能導演想佢出去撞板，試下運氣。」她叫細文：「你快d追出去叫佢返來啦，追唔到就等星期一再算。」細文立即追出校門，見到Zoe:正在趕上的士，細文大叫：「唔好去呀，返上來先！」Zoe臉露不悅，沒有理會。的士離開後，牛導演步出校門前空地，搖搖頭：「呢次就睇佢運氣啦！」原來導演已資助了Zoe一百元的車資，所以她才能搭的士趕去中環。細文見無法阻止，唯有先行放學，其他事情留待下星期一再說。
Zoe當日的運氣不算太好，但也不算太差，她隨機找一個身穿西裝，四十歲左右的男子，拿出法庭文件向他詢問，那男人並不是律師，而是一名銀行家。
銀行家看懂法庭文件上的英文，替Zoe找在廣場找到一位早前訪問過他的女記者。女記者從本港某著名大學畢業數年，她覺得Zoe的行徑像大學的迎新活動，也像社會科學院同學所做的「社會實驗」目的是測試社會人士對突發事情的應變方法和處理態度。
但記者察覺到事情不對勁，因為現時已是十二月，大學的同學們正在考試。她查看了Zoe的法庭文件，知道Zoe得了官司，而且涉及賠償金額不低，大若六十萬港元。記者對Zoe說:「細路女，妳打傷左人，對方好有錢，在最高法院告妳民事，要妳賠六十萬。」說罷便向著最高法院指了指。這時記者的一位女性好友經過，她本身也是一位記者，最近辭了職，準備和剛執業事務律師的未婚夫結婚。女記者的好友找到同樣在廣場附近經過的未來老爺，他是一名律師樓老闆，正在和大學文學院的高級講師好友寒喧著，而記者的好友亦是他的學生，一時間場面熱鬧起來。
Zoe就是在這種情況下找到律師，而事情亦在中環傳開。
到了星期一，放學時牛導演進來課室，示意眾人留下。這時女記者來到課室，見到導演，立即問：「導演，呢個細路女喺皇后像廣場橫衝直撞，係你叫佢咁做？」導演搖搖頭，指了指細文。記者望了望細文，並不相信是他出的主意，繼續問導演：「個細路女會避開手拿著假髮，身穿黑袍的大狀，一定係你教佢的？」導演強忍著笑，指了指細文。記者望了望細文，搖搖頭：「佢唔會諗到呢樣野。」
這時Zoe 已向何文田說明了一切，立即拍枱向著細文大喝：「我阿爸間公司有請法律顧問，你做乜叫佢出街撞板？」細文回答：「你上星期五提早左放學，其實你可以早啲講。」何文田自知理虧，但仍惱怒細文，伸手拍打。
牛導演正在阻止之際，記者已顯得不耐煩：「如果只係呢幾個街童鬧事，咁我唔會再繼續採訪。」便急步離開。何文田被觸動了神經，大喊：「當我係街童，我搵律師告妳！」記者和導演交換了一眼神，態度放軟：「咁你做乜唔幫下呢個女仔？」




這時牛導演已代為回答：「佢早左放學。」然後續說：「我同一位大學教授做緊社會實驗，打算拍攝一套短片，所以叫呢個女仔出去試一試先。」記者不相信追問：「嗰位教授叫咩名？」導演回答：「梁山。」
記者曾選修梁山的課堂，回答導演：「你所講果位係高級講師，唔係教授。」牛導演回答：「佢將來會升職，叫住先都無妨。」記者依舊不相信：「我去跟梁山講師確認一下係咪有呢個計劃。」說罷便到校務處借電話跟那位文學院講師確認。未幾折返課室：「導演，梁山回覆確實有呢個計劃，不過我有個疑問，文學院點解會在大學的考試時間進行社會科學的實驗。」導演：「呢層妳自己問佢最好。」女記者：「好，咁我再約個時間叫佢上來呢度解釋一下。」說罷便向課室內眾人掃了一眼，便快步離去。
牛導演用手指向眾人繞了一圈，跟眾人說：「嗰個女記者想當你地係童黨，報警拉晒你地，好在我在大學有幫手。」導演所提及的那位講師是他拍古裝片時的顧問，二人有著「秘撈」式的合約關係。導演：「今天到此為止，下次繼續。」說罷便啪了一下響指，示意眾人放學。