追求演藝的Mikaela: 05

過了兩天，星期三的下午，高級講師梁山應女記者的邀請，來到學校和牛導演一起解釋這套「社會實況短片」拍攝計劃，名稱和計劃都是導演匆忙間想出來以應付記者的追問，二人本身其實沒有藍本在手。班中幾名牽涉在內的幾個同學都要在放學後留在課室。
梁山甫進課室，牛導演就像見到老朋友一樣高聲迎接：「教授，個記者係都唔相信我要拍攝一套社會實驗短片，要請你幫忙解釋一下。」梁山客氣回應：「大導演叫到，點話點好啦。」接著便走到課室窗邊向外望了望：「喺學校度戲橋可能有奇效，導演你都識揀地方。」導演：「呢度其實係華達片場。」確實，學校與華達片場原址也只是一個巴士站的距離。導演又說：「我就係想拍條短片反映社會現實，你幫我向記者解釋一下。」梁山向著課室內的學生望了望，便嚴肅起來：「反映社會低層嘅現實。」說完便向著記者解釋：「記者小姐，確實係有呢個計劃。」女記者追問：「點解係文學院進行呢個計劃，同埋點解要喺大學考試期間搵一班中學生進行？」導演搶答：「呢個係真人真事，搵中學生進行有新鮮感，觀眾睇到知道唔係扮野。」記者問：「中學生隨機問路人搵律師，仲要識得避開大狀？」邊說邊手指著細文：「細路，妳知唔知直接搵大狀係犯法？」細文當然不懂法律，搖搖頭：「戴假髮的律師好惡死，所以我叫佢避開。」說罷便指了指Zoe。
Zoe只搖頭推說：「我唔知，全部都係佢指使。」說罷便用力指著細文。而何文田亦一邊指責細文，一邊安慰Zoe。細文不忿反駁：「妳唔用力拍人就無咁多麻煩啦。」Zoe不知自己經常練習排球，手力其實很重。
牛導演見到眾人開始爭論，便加入說：「細路女，係妳衝動惹左麻煩，得罪左個有錢女，同學先幫妳想辦法。」Zoe聽罷並不領情，不期然眼神望向何文田。導演輕輕啪了一下響指，指著何文田：「早兩日妳個有錢仔男友有事早走，呢兩個同學仔先做先鋒幫妳諗辦法。」說完指了指細文和阿Ken。
何文田和Zoe 並未確認對方是情侶，聽罷都是滿臉通紅。記者這時已意會到Zoe其實有個靠山，便故意挑撥：「細路女，聽講係妳多心先會打傷個有錢女。」說罷便望了望細文。
牛導演這時向記者揚手示意阻止：「細路女未揀定好平常，教授，你幫呢幾個細路算一算命，睇下個女仔同邊個夾啲。」梁山於是走近Zoe，替她看了看掌紋，然後問細文：「細路，你覺得呢個女仔點樣？」未等細文回答，牛導演已搶著說：「佢話呢個女仔似一個卡通片叫小桃的女主角。」課室上傳來一陣竊笑聲。
梁山笑而不語，合指一算，吟了一句宋詩：「小桃無主自開花。」便向Zoe說：「細路女，妳今世想要幸福定係要愛情？」Zoe其實不太懂梁山的意思，但想了一會還是回答：「兩樣都要。」梁山笑而不答，轉而走近細文，見到他放了一部唐詩三百首在桌面上。原來中文科老師想校內學生們減少污言穢語，便想到鼓勵學生多讀詩詞，細文便從校內圖書館借了一本唐詩三百首回來，每天讀幾首，心想其實這樣做也不知道是否有效果。
梁山叫細文讀一首詩來聽聽，唐詩三百首這本書是以作者分類，而細文剛好這幾天讀到了李商隱的篇章，而李商隱篇章之後又收集了作品較少的秦韜玉篇章，於是細文便開始唸到一首叫貧女的古詩：「蓬門未識綺羅香，擬託良媒益自傷。」細文唸了首兩句，梁山就叫停問導演：「導演，呢個細路的動作有無事先綵排？」導演搖搖頭，接著指了指掛在課室正中的揚聲器：「學校係有宣佈叫學生多讀唐詩三百首。」細文問梁山：「教授，呢首詩講乜㗎？」梁山指了指Zoe:「就係講緊佢囉，你自己試下解啦。」最近中一級中文科的課堂剛好教了一首古詩，細文便唸道：「蓬門今始為君開，蓬門即係好窮咁解。」導演笑說：「你咁大聲唸套咸片名，唔怕老師罰你？」細文：「我唸課文咋。」課室內又是一陣竊笑聲。
梁山急忙轉過話題，對細文說：「你都叫解到個大意，你同學就係呢首詩的主角。」邊說邊指著Zoe，然後又看了細文的掌紋，搖搖頭：「嗯，細路你同呢個女仔有緣分，不過係一對苦命鴛鴦。」又說：「導演，你開套梁山伯與祝英台俾佢地兩個，現實就唔好走埋一齊啦。」導演：「不如你哋兩個早啲結婚，我想拍低你哋憂柴憂米個樣，到時一定好受歡迎。」這時阿Ken已在旁指出：「個女仔跟男班長㗎。」這時在一旁的何文田聽到講師的說法已是氣上心頭，正想找細文晦氣。梁山走近何文田：「細路，幫你睇埋。」何文田回應：「我唔係細路。」梁山笑說：「小爺仔脾氣。」何文田還是給梁山手掌讓他算命。
梁山看了看何文田的掌紋，沉默片刻，問：「少爺仔，可唔可以講下你點樣出世？」