是咁的，我同個 YouTuber 瘋狂做愛 | 《愛的紀錄》: 182

「可能係我嘅身份畀你太大壓力⋯⋯」曉晴輕輕嘆了口氣：「其實我哋都唔係真係認識得好深，好多嘢都應該要畀時間大家慢慢熟悉。」

那時候，我幾乎有種不想聽下去的衝動。因為曉晴大可以在那時候說分手，因為我們其實不太熟悉彼此——或者說，其實她要用任何理由分手，我也似乎沒資格說甚麽。

但是她沒有。

曉晴只是沉默了幾秒地沉澱了一下，猶如在選擇最溫柔的表達方式後說：「但我其實係唔想分手㗎⋯⋯」

聽到以後，我才第一次自覺可以抬頭望向曉晴，但曉晴的雙眼卻還是帶著憂慮：「呢幾日我諗⋯⋯我覺得我哋只係啱啱開始一段關係，會唔會係只係我哋未夠熟悉呢？如果因為一啲誤會而分手，我會唔會覺得好可惜呢？」





一定會，我在心裏默唸——曉晴，你能理解我的愛了嗎？

「或者我都有啲位不知不覺令你懷疑，」曉晴輕抿嘴唇，我以為她要連自己的責任都數出來，看著她不斷思索的樣子，我不禁想叫停她。因為我覺得夠了，如果她知道自己應該讓我更有安全感，這件事已經足夠了。

然而她在思索了一會兒後，最終說出口的卻是：「其實可能我真係對你太有信心？」