【重甜】叔叔的那些年: 第一章 中學同學Farewell聚會 第二節

果同將近黃昏我哋約好喺彩虹地鐵站果頭等，果時先知除咗我之外所謂嘅其他同學全部都係佢地，果6個人我同佢哋一D都唔熟，心諗都唔知同佢哋講D咩，今晚應該有排悶。
我地分咗兩部的士去到鯨魚屋企，佢已經响佢屋出面等我地，我入到去間屋「頂！兩公婆住間三層樓嘅獨立屋拓咩，淨係吸塵同打掃都做到仆街啦！」呢個諗法係我呢個死窮鬼先會咁諗，因為聽番佢講原來每個禮拜佢都會搵鐘點嚟做打掃。我屌！有錢人真係好！
我哋成班人都上到天台果度燒嘢食，上到去就見到鯨魚個老公Raymond同慧兒仲有佢身邊有個男人應該係佢老公(因為慧兒結婚果時無請我去，所以我係第一次見佢老公，但係睇落佢老公嘅年紀應該比我哋大好幾年，好有可能三十中)。
果幾個同學就同Raymond、慧兒同埋佢老公打招呼，我聽到佢哋叫
佢老公做Alex，所以我都扮哂熟咁同佢地打招呼。
我見佢地成班人上哂天台，鯨魚就一個人喺樓下準備緊D嘢食，所以我就落去幫下佢。
我去到樓下响餐枱上已經有好多食物(腸仔、多春魚、羊架、牛扒……總之正常燒嘢食嘅食物都有) ，我開口問佢：「喂！鯨魚！我有D咩可以幫手？」鯨魚好兇咁攞住把刀行出嚟：「我咪同你講過唔好叫我鯨魚囉！你係咪想死呀！發仔！」
嘩！我真係俾佢嚇到個心離一離：「對唔住！阿琼！Sorry Sorry！我有D咩可以幫到手？」
佢西哂口面對住我講：「你將D嘢食搬上去啦！」
我續一將D嘢食搬上去，Raymond就負責燒，成班人邊食邊講中學時期果D趣事，除咗我之外，燒到九點幾就落番去客廳度坐，有冷氣真係舒服。


佢地又係講講講飲飲飲，我就一句都答唔到口淨係一味喺度笑，
飲到咁上下慧兒個老公已經飲到面紅耳熱，灘喺梳化度醉咗，而其他同學見時間唔早都同慧兒道別後各自離開，我都趁住呢個時間跟埋佢哋一齊走，點知阿琼叫住我幫佢執埋D嘢先至走，見佢開到聲我就唯有留低幫佢執埋先走。
我見Raymond笑住講：「喂，Alex飲果幾杯就醉成咁，唔好喺度瞓啦，我扶你上客房休息啦。」
講完之後，Raymond就扶住個醉醺醺嘅Alex上樓，慧兒擔心老公，默默跟喺後面一齊上去。
我同阿琼兩個執緊垃圾果時，佢問我：「發仔，你聽日喺咪都攞咗假？」
我答佢：「係呀！原先攞咗三日假陪個女去親子營，所以聽日我都係放假，後日就應該消假返工。點解妳咁突然問起？」
阿琼一路執嘢一路講：「哦無！如果太夜嘅話你可以住一晚，我上面仲有房。」
我心諗太夜？而家都係十點半度，有幾夜？不過我無出聲講。
過咗大約十幾二十分鐘，慧兒同Raymond都未落嚟。阿琼洗洗手，望住我笑淫淫咁講：「喂發仔，佢哋兩個上咗去咁耐都未落嚟，唔知搞緊D乜。不如我哋上去睇下？」
我就點頭：「哦！好啊。」