Mr.Fuck和Bad Girl的故事: 第二章（中）

第二章 (中） 


一直都冇乜點提過Mr.Fuck除左正職係揸巴士外，Mr.Fuck係個好中意唱歌彈結他嘅人，唱歌係幾唔錯，你話係咪好好聽，其實所有野都係見人見智，只可以話對於Bag Girl黎講係好聽，加上Bad Girl對識音嘅男仔真係冇乜抵抗力，所以Mr.Fuck先係Bad Girl心目中加分。


因為Mr.Fuck會將唱歌片放係IG到比人睇，咁啱哩日Mr,Fuck就話要錄Reels Post IG，但唔識整字幕，Bad Girl就話....





🖤：其實

🖤：字幕我識整
💙：咁.....你唔早講

🖤：依家講
💙：幫我整字幕 我就可以spend 到時間做其他野

🖤：其實唔難 我以為有人爭住幫你Tim





其實係好早期嘅時候Bad Girl已經知道Mr.Fuck想揾人幫佢整字幕，但都知道只要Mr.Fuck一開聲基本上大把人爭住幫佢，所以戈嘅Bad Girl冇出去聲話幫手，依家之所以講識，係因為覺得同Mr.Fuck距離近左少少，加上了解多左Mr.Fuck嘅為人，知道佢同其他MK Fuck boy係真係有唔同嘅，先敢講話自己識，一陣講完Mr.Fuck話已經有人幫咪好樣衰，做好人係Bad Girl嘅宗指，但都會睇情況。 




Bad Girl將自己曾經整過嘅字幕=11pt片Send Mr.Fuck，Mr.Fuck睇完當然有啲評價啦，因為Mr.Fuck真係個要求都幾高嘅人，Bad Girl都好驚會唔啱Mr.Fuck心水比佢笑，因為Mr.Fuck講野都真係幾直，有時Bad Girl會覺得唔係幾舒服，但又未去到接受唔到，所以Bad Girl就繼續同Mr.Fuck研究點樣幫佢整啲字幕.....





Mr.Fuck最後揀左Bad Girl幫佢整字幕，兩個人嘅話題多左，Mr.Fuck少左對Bad Girl講咸濕野，多左講整字幕同拍片嘅野，Bad Girl好似放鬆左，因為Bad Girl都對整字幕同拍片都有啲認識，所以難唔到Bad Girl，但Mr.Fuck嘅要求都真係高，所以期間Bad girl都要增值下自己先，Mr.Fuck好似開始信任Bad Girl咁，有好多都會問Bad Girl意見，又會覺得Bad Girl比嘅建議都幾唔錯，當然Bad Girl唔會深究Mr.Fuck到底仲有冇同其他女女傾，坦白咁講點會冇吖，佢不竟都係一個Fuck boy，話冇都係呃你，因為Mr.Fuck除左同Bad Girl講Reels 啲野，有時都會問Bad Girl挽app嘅野，問得Bad Girl最多嘅就係Omx有冇科金，曾經Bad Girl挽app係有科金，但識到之前嘅一個男朋友就冇再科金，但耐唔耐都會入去睇下靚仔咁.....




日子一日一日咁過，兩人冇斷過咁傾計，起身會講早晨，訓教會講早抖，Mr.Fuck都開始慢慢報告自己嘅行蹤比Bad Girl，什至會將更表比Bad Girl睇，仲會將Bad Girl加入去IG嘅綠圈，Bad Girl從來都唔敢過問Mr.Fuck嘅行蹤，但一有機會就借啲意問下，大部分時間Mr.Fuck都會答，但有好多時Bad Girl要等半日先有Mr.Fuck一個半個嘅msg，其實都難頂。 




有一日，Bad Girl返左大陸，Mr.Fuck send左條片比Bad Girl，想Bad Girl幫佢整字幕，但Bad Girl同Mr.Fuck反映返，條片嘅結他聲大聲過人聲，Bad Girl建議Mr.Fuck可以買返個Mic，咁效果可以好啲，但點知原來Mr.Fuck係唔識有Mic哩樣，Bad Girl又做左資料比佢，講左好耐Mr.Fuck終於都明，基於Bad Girl係行動派，Bad Girl見Mr.Fuck講完之後都係唔係幾明就打算買比佢算啦，Bad Girl上網睇過價錢都合理，所以決定返香港就買比Mr.Fuck。 






Bad Girl真係好容易對一個好，試問應該冇人會對一個未曾見過面嘅人送禮物，雖然唔係啲咩名貴禮物，Bad Girl亦唔係特別有錢，都係少少心意姐，希望可以留個好印象比Mr.Fuck。 



Mr.Fuck平時放左工返屋企都係補眠，係Mr.Fuck補緊眠嘅時候，Bad Girl真係去左買支Mic比Mr.Fuck，其實Bad Girl都諗左成個下畫，最後都決定豁出去，點解Bad Girl會猶豫係因為哩刻嘅Mr.Fuck對Bad Girl都仲係忽冷忽熱咁，令Bad Girl都唔知應唔應該付出多啲好，不過Bad Girl從來都唔會計較付出有幾多，只要係佢中意嘅，佢就會付出，到最後得唔到自己想要嘅，Bad Girl都會自己離開。 



Bad Girl買完支Mic影張相比Mr.Fcuk….. 



🖤：Photo



🖤：仲嬲唔嬲先？加分啦應該要～

💙：嘩～咩黎？

🖤：幫你問左專業工士嫁啦～哩個啱你用嫁啦！你係屋企錄音，户外上天台彈結他都冇問題嫁啦～😏

💙：咩係專業人士？

🖤：豐澤哥哥～

💙：嘩～好專業，加分😈

🖤：😏😏😏

💙：唔得～我真係想約你食飯/飲杯野喎～淨係食飯/飲野先～



🖤：最近有啲忙～

💙：唔緊要～等你比日子我～
       我諗好左食咩嫁咩嫁啦～唔知你中唔中意食生蠔呢？
       我知道有間生蠔好好食，可以同你食～

🖤：聽到都覺得有啲sweet，但sorry吖，我唔食得海鮮～不過都多謝你先～



Bad Girl之所以比Mr.Fuck約係因為比Mr.Fuck哩個行為打動左，Bad Girl覺得Mr.Fuck哩個行為好sweet，雖然Bad Girl都未接受Mr.Fuck嘅約會，但Mr.Fuck己經諗好曬去邊做咩好咁，Bad Girl幾欣賞Mr.Fuck哩點，所以見Mr.Fuck咁有誠意就接受佢嘅邀請～ 





之前有講到做女仔要有啲矜持，但當一個人都約左你好幾次，仲諗好野做啲咩/食啲咩就唔好再拒絕人啦~唔係人地都未必再有咁嘅耐性了再拒絕人有時唔會顯得你特別矜貴，只會令人失去耐性，感到錯敗，有時候唔關佢夠唔夠愛你，而係雙方都未關係前，已經內耗曬大家啦～所Bad Girl見好就收了，免得一次都冇，就白白失去眼前咁嘅野......



因為咁Bad Girl就比左個日子Mr.Fuck，約定左係五月嘅某一日，Bad Girl由戈日開始就好期待同Mr.Fuck見面，哩段時候兩個人都過得開心，雖然好平淡，但Bad Girl都覺得好開心，因為Bad Girl追求嘅野難係好簡單，Bad Girl哩段時間不停裝備好自己，打算用最佳狀態見Mr.Fuck，要做到不容有失咁樣，所以Bad Girl對哩次約會係好重視，希望可以同Mr.Fuck有另一個故事。


過左幾日Mr.Fuck開始作病，Bad Girl千吩咐萬吩咐Mr.Fuck一定要好好照顧自己，唔好真係病，唔係就Bad Girl黎照顧Mr.Fuck，Mr.Fuck唔習慣比人照顧，亦同Bad Girl講會照顧好自己，因為Mr.Fuck覺得病左已經好辛苦，照顧病人都係件好辛苦嘅事，亦提醒左Bad Girl要好好照顧自己唔好病，可惜最後Mr.Fuck都係病左.....


好記得戈日係母親節，Mr.Fuck好堅持要拍Reels比大家，亦希望Bad Girl可以幫佢趕上進度，夜晚加好字幕比Mr.Fuck post 上ig，Bad Girl唔係唔想幫佢，但Mr.Fuck把聲沙曬，Bad Girl真係唔忍心佢咁樣都要繼續拍Reels，真係唔知道Mr.Fuck經歷左咩要搞自己生活變成咁樣，但係Bad Girl真係好想好好了解下佢，但同時好驚自己嘅角色唔適合咁做......


每日Mr.Fuck都會錄音比Bad Girl，Bad Girl聽到Mr.Fuck把聲已經就黎講唔到野，Mr.Fuck好把握每次嘅休息時，Bad Girl吩咐Mr.Fuck要食藥飲水訓教，Mr.Fuck都有跟住做，唯一嘅依然會食煙物，Bad Girl接受左Mr.Fuck食炳，亦冇因為Mr.Fuck病左而叫佢唔好食，因為Bad Girl知道係冇可能，亦知道Mr.Fuck係一個絕對不能受管束嘅一個，所以Bad Girl冇提過，由Mr.Fuck繼續食，Bad Girl諗左成個下畫都係唔放心Mr.Fuck，所以忍唔住問Mr.Fuck今日收幾點.... 




🖤：今日收幾點？

💙：收8

🖤：接你收工好唔好？陪你食啲野，送你返屋企我就走～

💙：傻左咩～唔好吖，我個frd好似想搵我，同埋如果你真係接我，我唔會咁易比你走嫁～

🖤：但我......已經出左門口了..... 




Mr.Fuck哩日揸嘅係長途線，未平時覆得咁快，係等緊Mr.Fuck覆嘅時候，Bad Girl已經出左門口了，Bad Girl都有心理準備Mr.Fuck未必比佢見，但都決定博一鋪，唔博就一定冇，博左就都少少希望。 




💙：下～雖然我都好想見你，但今日真係唔得☹️

💙：一係我比返哩程車嘅車錢你吖，你當出黎行下街啦，乖～ 



Bad Girl見反正都出左門口啦，唯有真係當出去行下，邊行邊等Mr.Fuck覆，睇下有冇機會再扭下計，令Mr.Fuck比佢見下，不竟今日嘅Bad Girl唔係幾開心，好想見下Mr.Fuck，攬下Mr.Fuck，有冇下文對Bad Girl一啲都唔重要，當然Bad Girl知道，如果Mr.Fuck比Bad Girl接，Bad Girl係冇得返屋企，Bad Girl預左嫁啦，但可惜咁樣都令唔到Mr.Fuck改變主意....

Bad Girl真係有聽Mr.Fuck講出去行下，其實Bad Girl一直都好想送件衫比Mr.Fuck，所以都襯哩個時間睇下順便睇下，最後Bad Girl買左件Human Made 比Mr.Fuck，Bad Gir為左想見到Mr.Fuck，Bad Girl影左件Human Made 比Mr.Fuck，雖然冇曬驚喜，但都係想Mr.Fuck開心姐 



💙：嘩～你做咩買Human Made比我吖～

🖤：你叫我行街嘛，我有聽你講嫁～

💙：綠色戈隻係咩黎嫁，咁似Mario隻Yoshi嘅～

💙：你返左屋企未呀？依家係邊吖？

🖤：仲係旺角吖～

💙：做咩仲唔返屋企吖？

🖤：等你吖嘛～

💙：傻左咩，唔好等我啦，快啲返去啦～

💙：食左飯未吖？

🖤：未～ 



Bad Girl一個人係旺角等左Mr.Fuck四個鐘，希望可以令Mr.Fuck心軟比Bad Girl見一陣，可惜Mr.Fuck冇因為咁而見Bad Girl，反而好堅決收工之後去揾個frd



💙：我依家收工啦，準備去揾個frd啦～但打比佢冇人聽喎！

🖤：咁比我見我十分鐘！

💙：下次先～乖～

🖤：依家係咪扭計都冇用先～

💙：有用吖，只不過今日有啲失效姐～乖乖地快啲返屋企幫我整字幕～ 




難得Bad Girl肯低聲下氣求見面，Mr.Fuck都拒絕，不愧係Fuck boy，Bad Girl只好失望回家，Bad Girl唔係對個個男仔都係，亦好少男仔咁樣都拒絕Bad Girl，有時候都真係捉摸唔到Mr.Fuck諗緊啲咩，加上Bad Girl本身真係唔係啲會嗲人嘅女仔，完全唔係Bad Girl風格。 



既然係咁Bad Girl都唔再要求見面，Bad Girl都廢時曬心機返屋企算，係搭車其間Mr.Fuck其實仲未搵到個frd，理論上其實Bad Girl見佢一陣係完全冇問題，不過算啦，Bad Girl都搭車啦，過左一陣Mr.Fuck send左條片比Bad Girl整字幕，講真如果我係Mr.Fuck我唔會係哩個時間再叫Bad Girl做野，人地想見，但拒絕左人，仲叫人做野，好似連半句安慰說話都冇咁，但唔知點解當下嘅Bad Girl仲願意幫Mr.Fuck整，其實時間已經唔多，已經九點幾，Mr.Fuck真係個要求好高嘅人，話佢奄尖又得，話佢追求完美又得，但Bad Girl有時會覺得唔係幾舒服，係因為Mr.Fuck從來都冇同Bad Girl講過一句唔該，Bad Girl其實唔介意幫人做野，但就好介意人地好似老馮咁，但又未去接受唔到，Bad Girl就繼續滿足Mr.Fuck大大小小嘅要求，改完又改，最後都趕得切係十二點前比Mr.Fuck post ig，其實Bad Girl有時搭車會暈車浪，Bad Girl全程車都幫Mr.Fuck整片，其實Bad Girl真係好想嘔，仲要！Bad Girl差啲唔記得落車，Bad Girl已經唔係第一次因為Mr.Fuck唔記得左落車，Bad Girl到底係到做緊咩？點解可以因送Mr.Fuck而令到自己失曬魂咁？