Mr.Fuck和Bad Girl的故事: 第二章（下）
第二章（下）
距離Bad Girl同Mr.Fuck見面嘅日子仲有一個星期到，Bad Girl本身都唔打算諗節目，但見Mr.Fuck好似冇乜Plan咁，Bad Girl就自己都諗下啦，不竟約會係兩個人嘅事，Bad Girl知道Mr.Fuck係各方面都有要求，所以係食哩方面Bad Gir都刻意問下身邊嘅朋友有咩推介，Bad Girl朝著有氣氛有可以坐耐啲嘅餐廳去搵，睇左幾日Bad Girl終於揾到間啱心水嘅餐廳啦，雖然Bad Girl覺得幾好，但唔知Mr.Fuck覺得點，但Bad Girl唔想比Mr.Fuck知道佢準備左啲，免得Mr.Fuck會依賴Bad Girl，用左Bad Girl嘅Plan，所以Bad Girl哩個星期都冇再提過約會嘅野，亦同Mr.Fuck講左星期四交出大家嘅Plan。
係約會前嘅一個星期六，Bad Girl本來係約左個朋友，但朋友臨時有時黎唔到，Bad Girl係個好準時嘅人，所以唔中意人地遲到或者放飛機，所以Bad Girl有同Mr.Fuck提過，因為咁啱Mr.Fuck問Bad Girl做緊咩，Bad Girl就因為咁同左Mr.Fuck講，亦提醒佢黎緊星期五係約左Bad Gir，叫佢唔好唔記得同唔好遲到，Mr.Fuck亦應承左唔會唔記得同遲到。
到左約會前兩日，其實Bad Girl係個好心急，好有Planing嘅人，會一早Plan好曬啲野等日子到，都唔係前一日先黎Plan嘅人，因為早啲Plan可以變化多啲，同埋可以準備得好啲，Mr.Fuck係個幾隨心嘅人，係個冇乜Plan嘅人，諗到做咩就做咩，所以Bad Girl都唔chur Mr.Fuck，諗住早幾日都提左佢一次，心諗應該實冇死啦.....
點知原來Mr.Fuck真係冇左件事，事關Mr.Fuck話想去睇下衫，但就話好似冇乜時間，安排緊時間幾時去睇好.....
💙：依家小睡一個鐘，一陣出去Gym，返黎睇下有冇時間試下支Mic同練下結他先～
🖤：真係好忙.....你唔係話去睇衫咩？
💙：唉，係呀，但啱啱佢返我，我想要戈啲都冇貨
🖤：下～唔係話可以訂咩？
💙：啊.....我都唔知，佢又話有，但又話冇，可能後日去睇下
🖤：後日？你得行咩？
Mr.Fuck約左Bad Girl就係後日！！！！
下？戈日Bad Girl已經提左Mr.Fuck，但佢都唔記得左，咁即係點？唔係好想約Bad Girl嫁咩，點解會唔記得嫁？Bad Girl即刻唔想再覆Mr.Fuck，因為Bad Girl真係有啲嬲，差啲要原地爆炸.....
💙：啊......
💙：講樣野你聽，見完我自己都好驚～
💙：原來聽日要學結他～
🖤：唉～
💙：我地再約第二日？
🖤：我好似都冇得揀～
其實Bad Girl已經book左酒店，都預左未必用得著，但依家咁樣完全係浪費，所以Bad Girl真係好嬲，Bad Girl嬲嘅係明明係你約我先，我都比左個期你，亦都有提過你，點解都可以咁，Bad Girl真係嬲到唔識講野，Bad Girl都真係未試過嬲到唔識講野。=11pt因為Bad Girl真係好嬲，跟住落黎Mr.Fuck講嘅野，Bad Girl都已經唔想覆了，Bad Girl決定Seen曬所有信息先，Mr.Fuck唔中意人已讀不回佢，但哩一刻Bad Girl決定唔理Mr.Fuck中意定唔中意，因為Mr.Fuck已經激嬲左Bad Girl，Mr.Fuck都知道自己唔啱，但佢目前都未有打算要同Bad Girl say sorry ，到底所有Fuck boy都係咁，定得Mr.Fuck一個係咁，真係一個迷。
哩一晚Bad Gir冇彩過Mr.Fuck，因為錯不在Bad Girl，Bad Girl更加冇因為咁樣而驚Mr.Fuck唔再理佢，因為Bad Girl真係嬲，真係唔開心，所以如果Mr.Fuck因為咁而唔再揾Bad Girl都冇所謂，當睇清楚Mr.Fuck係咩人～
期間Mr.Fuck有嘗試同Bad Girl講其他野，但Bad Girl都係堅持唔覆Mr.Fuck，Mr.Fuck好似低估左Bad Girl嬲嘅程，Bad Girl嘅脾氣真係就算咁，自己嬲唔出聲就算，比著第二個應該講曬粗口。
第二日Mr.Fuck有主動揾返Bad Girl，雖然Bad Girl有彩返Mr.Fuck，但唔代表Bad Girl完全唔嬲，但Mr.Fuck都係未打算氹返Bad Girl意思，Bad Girl對Mr.Fuck其實都失望，亦同自己講見完哩次就算啦，唔好諗住同Mr.Fuck有其他故事，因為到目前為止都唔覺得兩人係適合，只係Bad Girl不停迫自己迎合Mr.Fuck，而Mr.Fuck好似一直都冇顧過Bad Girl嘅感受。
Bad Girl覺得執著住都冇意思，因為根本就改變唔到Mr.Fuck，就係無謂妄想Mr.Fuck會有咩特別，Mr.Fuck都知道自己衰左.....
💙：我要戴罪立功....
🖤：比個說法黎
💙：約你星期一
🖤：真咩？
💙：真～我戈日放假
🖤：好～
約好之後，Bad Girl就再打去酒店到問可唔可以改期等等嘅野，其實本想開開心心嘅約會突然變到咁樣，確確實實唔多唔少都令到Bad Girl唔想再約，就當比多次機會Mr.Fuck，睇下係咪真係會戴罪立功，當然哩啲都只不過係Fuck boy氹女仔嘅語言技術，Bad Girl又點會唔知吖，只係都踩左半隻腳落去就睇下Mr.Fuck係咩料囉～
戈日開始Bad Girl開始少少揾左Mr.Fuck，什至等Mr.Fuck自己蒲頭...... =11pt星期日嘅夜晚，Bad Girl見Mr.Fuck都未提過聽日嘅行程，Bad Girl就忍唔住問Mr.Fuck
🖤：What is your plan tomorrow?
💙：聽朝我個frd會過黎執屋先，跟先抖陣我就會入黎屯門
🖤：好，大概幾點？
💙：三/四點左右.....
🖤：OK
直到當日嘅下畫，Bad Girl都冇主動揾Mr.Fuck，因為Bad Girl真係個好有計劃嘅人，真係好麻麻地啲冇乜計劃，唔知自己想點嘅人，當日Bad Girl真係有諗過唔出去，但後尾又收到Mr.Fuck嘅msg…..
💙：做咩粒聲唔出.....
🖤：你話執屋嘛......
💙：咁你都可以搵我嫁嘛.....
💙：我執完嫁啦....依家抖抖先，三點左右就準備入黎.....
🖤：好～我check in先
已關閉評論