萬金油與孺子牛（第二季）見山無底: 3
Donald手術後休息了一會，我獨自去看身體顯得異常虛弱的Donald。看到他這個樣子，我真的很擔心，心頭也有點被勒緊的感覺。
「Donald，你見點啊？…Uncle Hanson話你主動脈剝離，有可能係因為長期高壓再加埋頭先情緒過於激動。雖然已經做咗手術，但係佢建議你最好一段時間靜養，同埋唔好再俾自己咁激動……」我平靜但憂心地望向他：「你知唔知頭先嘅情況真係好緊急好危險？」
「你自己個心都有事，你都知，冇乜嘢嘅～」他明顯沒有了中氣、淡淡地微笑，面色雖然已經好了一些，但還是有病懨懨的樣子。
「就係因為咁，我更加知道你頭先嘅情況有幾危險。你差啲嚇死我地啊…」我剛才也差點被他的暈倒嚇得心絞痛，看到他手術順利，我胸前鎖緊的感覺才慢慢開始放緩。我深呼吸一口，認真對他說：「我哋通知咗Damian同你太太，佢哋好快會喺英國飛過嚟睇嚟……」我看到他這個樣子，自己心臟也悶悶作痛。
「哈哈哈…」他笑得很虛弱，但一直望向我：「Michael…麻煩曬。仲有你爹吔媽咪。」
我歎了口氣：「最緊要你冇事。你都識講我個心都有事，你唔好再嚇我啦曾生，我都唔襟嚇㗎…」他笑了，但笑著笑著，他彷彿忽然想到了什麼，整塊面冷淡了，無力地拉住我手腕。
「Michael… 有件事，我想同你講。」他那個嚴肅得可怕的樣子，我從來未見過，這是第一次。他說：「小心TY。」
TY？
「呢件事，原本已經比我收埋咗好耐。估唔到，佢返咗嚟……Michael，你記住，恆榮有一塊地，唔係屬於恆榮。我唔知係邊塊，所以，你要小心TY……」
我正想追問的時候，醫生護士便走來說需要帶他做檢查，以及告訴我，要讓病人休息多一些。就這樣，我帶着腦海一大片疑問離開了他的病房。我首先要知道誰是TY？是他和Kerry一看見就面色蒼白，讓他情緒激動得差點踏進鬼門關、讓人產生警惕心的那個男人嗎？
「TY Leung，梁德言？你唔識佢咩？天使投資圈嘅大佬，唔誇張，連華爾街嗰邊都冇人唔識佢。我爹吔好似識佢，原本佢好似有啲嘢想搵我阿媽果邊d人幫手，但後尾佢好似放棄咗，之後返咗大陸，就冇聽過我屋企人提起佢……」想不到Vincent居然知道關於他的事。
「係喎！百日宴果日，佢咪同kerry姐握手。原來佢哋識架？」Vincent邊篤檸檬，邊恍然大悟。
我喝著奶茶，思考著。以他們之間的眼神，相信不只是點頭之交，應該是有些特別關係，才會讓平時高傲自信的Kerry姐，氣場在他面前猶如空氣般。亦是我第一次在Kerry的眼神和說話中，看到夾雜敬畏、不平靜等的複雜感覺。Kerry到底，還瞞着我什麼？我很討厭，這種籌碼極不平等的關係……
「飲杯！」……
我和Flora、Samuel、Watson、Ray他們一起會所聊博聯的事，大家都喝了不少，開始面紅。最近進展順利，與姜總的計劃也上了軌道，股價開始平穩，確實是值得我們這餐吃得這麼豐富。
「上次TY黎咗我地百日宴。其實我對呢個人冇乜印象，佢好似有段時間返咗大陸…」我間接問他們想法。
「TY 哥？佢個名不嬲好響，亞太第一天使投資公司松山資本創辦人，政商界冇人唔識。之前我爹哋去杜拜嘅時候，杜拜嗰啲王室親自招呼佢。我自己真係唔太知佢，我呢啲小薯仔，人哋係天花板黎……」
「我都係聽過吓，我知道中國大越姜總同佢好熟，李老闆同Ken少阿爸，同佢都好熟，唔知咩原因返咗內地。」
「我阿爸同其他司局長識佢啊！因為佢係政協委員，好受阿爺賞識，好識做生意同時滿足到佢地果套制度，所以到大陸之後風生水起～」Ray說，他的父親是食衛局局長。
「你係咪想知關於佢嘅嘢？」Flora這個眼神，似乎她知道的比其他人多。我與她戰略性又帶點曖昧地對望，我烘近她：「Flora姐，睇嚟你有嘢要講～」
「佢嘅深度唔係一般人夠膽同佢玩嘅。我做李氏集團果陣，董事會有一份神秘嘅離岸信託，份額唔細，多數都係派律師過嚟開會。有一次係關於李氏同山傲、大越嘅動作，原本應該係普通嘅地皮合作，但係因為中間不停有阻滯，所以我查咗一下，發現係同TY其中一個幫咗佢好多年嘅朋友Kelvin有關…」
「係咪國君集團CEO Kelvin？」Ray問。
「冇錯係果個。」Flora繼續：「我唔肯定呢件事係kelvin喺背後推動，定還是TY係推手。雖然最後係順利嘅，但我睇過果個地皮，其實有個隱藏嘅既得利益者，就係嗰個信託。其實呢件事對我哋公司係冇任何影響，但係呢個TY，就算搵我哋合作，通常都係會經其他人，從來都唔會直接同李生簽野。所以我一直記住咗呢件事。我唔知我呢個訊息對你有冇幫助。」
她這個訊息，雖然我暫時沒有任何想法，但起碼對這個人的「玩法」開始有初步了解。我正想說話之際，手機響起來。
「Michael…Donald情況有啲反覆，最近呢段時間俾多啲空間佢休養，記得唔好刺激佢情緒……」Uncle Hanson致電給我跟我說曾生的檢查和近況，聽到這個消息，令原本有點醉意的我，不禁由心而發擔心得胸口絞痛。
「Michael，你點啊？唔好飲住…」Flora緊張又溫柔地拿走了我手上的杯，幫我解開胸前兩顆鈕扣。
「我冇事…喺醫院打嚟話俾我知Donald嘅心臟病有啲反覆。」
「uncle Donald由細睇到我大，佢會冇事嘅…」他們也安慰著。
看着Flora這個反差模樣，我不禁想起Kerry望向Rachel的樣子，原來她那個反差、那種溫柔，並不是我一人獨有。林泳昕可以做「中央冷氣」，但她又要掌控我的全部，憑什麼？她可以有這麼多秘密和底牌，我也可以……
我借住醉意，拉住了Flora的手把她拉近我，故意說：「Flora姐，我話你知，其實我同林泳昕嘅關係…可能只係互相利用……」
Flora和她老公，一直就是處於這個關係，我這句絕對會說中她的軟肋。加上，她加入博聯國際，是因為知道我是幕後大老闆。她既然對我有興趣，那她就是我的一個很好的籌碼，在集團、和感情上對Kerry的制衡。
「Michael…你醉啦…」Flora與我幾乎貼上鼻尖的距離對望，她似乎對我沒有反抗力。
「我哋去個廁所先…」他們三個用詭異的眼神望向我們，拿着酒和酒杯離開了房間。
「你入博聯…係為咗啲咩？」我故意問她。
「你知㗎……」她的胸部碰上了我，我感覺到她心跳加速的節奏。
我知道，TY和Rachel可能是我了解最真實的林泳昕的突破口。雖然我不知道那個真實的她，還有她選擇我的基礎如果被我發現了，這個答案，我是否能夠承受。但，我有興趣知道的話，我就需要更多籌碼。
我再烘近她唇，她沒有反抗，證明她同意了。她溫柔地跨在到我雙腿，將長髮撥到一邊，深深吻下來……