萬金油與孺子牛（第二季）見山無底: 19
我拖住沉重嘅思想、沉重的步伐，在Donald房間外坐了好幾小時。等到了另一個人。
「Michael，你秘書話你取消晒今日所有會議…」
清楚自己哭紅了眼的我，抬頭看見林泳昕。我本能地揉揉眼，遮擋一下失禮的地方。
「嗯…」我吸了一大口氣，說：「你係咪有文件要急住簽？你比我…」
她坐到我身邊，第一次感受到她對我說真心話：「如果瞓喺度嗰個係TY，我可能比你更激動……」
我震驚地望向她，她表面很平靜，但眼神也是空洞的。
「咁你知唔知TY過嚟香港係因為啲咩？」我問她。
她似乎預料到我想說什麼，平淡但有點勉強地微笑：「佢嚟試新藥。佢以為我唔知佢咩事，原本唔知架，可惜佢揀錯醫院啦……」對，這家是我父母工作的醫院。Kerry和我父母關係這麼好，TY的病，難怪她會知道。
我和她對望著，彷彿是那種久違的火花、隔世重逢的知己的相認。
我不禁破涕為笑，她也笑了。
「所以Donald一定唔會有事。佢有個咁關心佢嘅徒弟。」她釋然地補充：「TY都一定會好返！佢好返，長命百歲，我又可以繼續跟佢學習……」
我恍然大悟！
我非常震驚、難以置信地望向林泳昕。我錯了！我真的錯了！
Kerry已經看穿TY的佈局。她不是故意不配合、不去面對真正的自己，而是為了TY可以繼續佈局去一直擔心她、鞭策她。只要她一直扮不面對，TY又會一直佈下去。只要她一直彈琴，鍾子期就會一直在聽。
我哭了，這個𣊬間，我徹底崩潰了。
「Michael… 咩事啊……」
我緊緊把她擁入懷，我真的崩潰地、放肆地大哭。
「冇事㗎！Donald會冇事架…冇事架……」她安撫我。
有事的不是Donald、不是我，是你啊林泳昕！我是這麼這麼笨！雖然我不知道TY和她這麼多年發生過什麼，但如果真的如我和Donald的關係－樣，那到底是有多擔心多心痛。還要被我不停質疑、不停設局，她都為了不讓TY發現她的真實目的，寧願獨自承受。
哭著哭著我便過度激動心絞痛暈倒。
我在病床醒來時看見林泳昕在我身邊，手中還拿着平板電腦，但睡着了。我看見手機群組通知，看見Donald報平安，我激動得立刻把外套披在Kerry身上，跑過去Donald的病房。
「哈哈哈哈…」Donald面色好了不少，看到我的時候還中氣十足地哈哈大笑。
「Donald你醒返拿？太好啦……」我眼角的淚光又跑出來。
「傻仔嚟架！我未死㗎唔准喊！算命佬話我有90歲命架！邊有咁易死呀？」他還會跟我說笑，讓我禁不住邊笑邊哭。他用手示意我坐在他床邊。
我坐到他床邊，他摸摸我肩膊取笑我：「頭先我有意識嘅時候聽到啲醫生護士，話你喺個病房前面心絞痛暈咗，多得你囉！嚇醒咗我！我真係驚我條命仲硬過你呀…」
「咁我哋鬥命硬、咁長命囉～」我破涕為笑。
「一個唔覺意你走先過我呢，我就買返晒你手頭上面所有股份！叫阿Ken娶埋Kerry！」
「哇乜你咁狠嘅！」我被他又氣又笑。
「睇吓你夠唔夠膽死！」他「威脅」我。
忽然看到拖着慢腳步、一副心神恍惚的樣子走進來的Kerry。一看見我，她忽然淚如泉湧。
「你哋…可唔可以唔好…一個二個都係咁啊？……我…我就嚟撐唔住啦……」她的哭，和我剛才的崩潰是一樣的，絕對是一樣。
Donald似乎知道她在說什麼，在感受著Kerry的痛。
Donald、和TY，她是這個意思嗎？
我走到她身邊，拉起她手讓她坐在Donald身邊的椅上，用手拭走她的淚痕。
「又係你話，佢哋會冇事。Donald醒返啦…」
「TY佢果個係肺癌啊…」她激動又無力地把這個資訊告訴我們。雖然我看Donald的樣子，他似乎已經知道。
「冇事架…佢上次試完藥同我講過話而家好好啊，真架…」我正能量地鼓勵她說：「你都知間醫院我屋企人係度做，幫TY嘅教授同主診醫生，都係我識咗好多年嘅uncle，係香港首位一指嘅肺癌嘅專家。TY有咁好嘅醫生團隊，加上佢咁樂觀正面，佢一定會好返！」
「佢會好返，咁你呢？」她反問我。這是我沒有料到的問題。為什麼要問我？
「點解…我叫左你唔好飲…咁多、食咁多煙……點解啊？……如果…如果下次…你訓喺度醒唔返……你有冇問過我啊？…你有冇問過我啊……我撐唔住啦……」
她哭得感覺要斷氣那種，躬下腰縮起自己。我身體貼近她，讓她伏在我腹上哭，－手在她腦後溫柔地撫摸着她。她關心的，是我嗎？
我留意到Donald一直對門外方向微笑，順着方向看去，看見TY、Flora、還有Rachel，不知是約好還是巧合，都不知什麼時候來了門口位置。TY走到我身邊。
「其實你唔使死頂。呢個位，你同Michael，真係好似。」TY緩緩開口。
Kerry抬頭望向溫柔的TY，淚水止不住流下來。我正想讓個位給他們聊天、讓TY靠近Kerry，但Kerry拉住了我的衣角，與我對望。她沒說話，但我知道了。我拉住她手站開了些少讓她知我不是要走開，讓TY靠近我們。
TY掃了一眼Donald、Flora、Rachel和我，又溫柔地對Kerry說：「我哋呢度每一個，都應該係你可以靠得住嘅人。林泳昕，你仲有啲咩顧慮？」